ម្ចាស់ជ័យលាភីលេខ១ ពានរង្វាន់មហោស្រពអក្សរសិល្ប៍ខ្មែរលើកទី៥

ភ្នំពេញ – កំណាព្យដែលមានចំណងជើងថា «សំឡេងទ្រកំដរប្រាសាទ» និពន្ធដោយលោក វណ្ណ សារ៉េត ត្រូវបានគណៈកម្មការ នៃមហោស្រពអក្សរសិល្ប៍ខ្មែរលើកទី៥ វាយតម្លៃផ្តល់ជ័យលាភីលេខ១ ក្នុងចំណោមកំណាព្យចំនួន៧៩ដែលបានដាក់ចូលរួមប្រកួត ។

លោក វណ្ណ សារ៉េត បច្ចុប្បន្នជាគ្រូបង្រៀនអក្សរសាស្រ្តខ្មែរ នៅអនុវិទ្យាល័យត្រពាំងជ្រែ ស្ថិតនៅស្រុកមេសាង ខេត្តព្រៃវែង ។ តាមពិតទៅការទទួលបានពានរង្វាន់លេខ១ផ្នែកកំណាព្យនេះ មិនមែនជាលើកដំបូងសម្រាប់លោក សារ៉េត នោះទេ ពោលគឺលោកធ្លាប់ឈ្នះជ័យលាភី និងពានរង្វាន់ចំនួន៦លើករួចមកហើយ ក្នុងនោះពានរង្វាន់លេខ១ លោកទទួលបានចំនួន៤លើក ជ័យលាភីលេខ២ចំនួនមួយលើក និងជ័យលាភីកិត្តិយសចំនួនមួយលើក។ សម្រាប់ពានរង្វាន់លេខ១ ចំនួន៤លើកដែលលោក វណ្ណ សារ៉េត ទទួលបានរួមមាន ៖ ពានរង្វាន់សម្តេចព្រះសង្ឃរាជជួនណាត រៀបចំដោយក្រសួងអប់រំ កាលពីឆ្នាំ២០១៩, ពានរង្វាន់អក្សរសិល្ប៍ពុទ្ធសាសនបណ្ឌិត រៀបចំដោយក្រសួងធម្មការ និងសាសនា នាឆ្នាំ២០២០, ពានរង្វាន់ព្រះនាងឥន្រ្ទទេវី រៀបចំដោយក្រសួងវប្បធម៌ និងវិចិត្រសិល្បៈ កាលពីឆ្នាំ២០២១ និងចុងក្រោយនេះ គឺពានរង្វាន់មហោស្រពអក្សរសិល្ប៍ខ្មែរលើកទី៥ ។

តើលោក វណ្ណ សារ៉េត មានគន្លឹះបែបណា ទើបបានជាស្នាដៃកំណាព្យរបស់លោកជាប់ជ័យលាភីលេខ១ ស្ទើរតែគ្រប់ការប្រកួត?

លោក វណ្ណ សារ៉េត មានប្រសាសន៍ថា តាមពិតទៅស្នាដៃកំណាព្យរបស់លោកដែលបានដាក់ចូលរួមការប្រកួត លោកមិនដែលគិតថា នឹងជាប់ជ័យលាភីនោះទេ ដោយវាសុទ្ធតែជាការមិននឹកស្មាន។ យ៉ាងណាក៏ដោយ លោកបានចែករំលែកនូវបទពិសោធន៍ខ្លះៗរបស់លោក ដើម្បីឱ្យគណៈកម្មការជ្រើសរើសយកស្នាដៃ ក្នុងនោះជាដំបូង អ្នកដែលមានបំណងចង់ចូលរួមប្រកួត ចាំបាច់និងតាមដានទៅលើប្រធានបទ នៃកម្មវិធីប្រកួតប្រជែង រួចត្រូវសរសេររបៀបណាឱ្យសមស្របទៅនឹងអត្ថន័យរបស់ពានរង្វាន់ នៃការប្រកួតនោះ។

លោក វណ្ណ សារ៉េត

“…ធម្មតាមហោស្រពអក្សរសិល្ប៍មួយចំនួនតែងតែមានប្រធានបទ អញ្ចឹងប្រធានបទផ្តោតទៅលើអ្វី? ទោះបីជាអក្សរសិល្ប៍ព្រះនាងឥន្រ្ទទេវី ដែលជាប្រធានបទសេរី ក៏យើងត្រូវស្វែងយល់អំពីឈ្មោះពានរង្វាន់ហ្នឹងដែរ យើងត្រូវសរសេររបៀបណាឱ្យសមស្របទៅនឹងអត្ថន័យរបស់ពានរង្វាន់”

នៅមានធាតុសំខាន់ៗជាច្រើនទៀត នៃកំណាព្យ ដែលអ្នកនិពន្ធត្រូវស្គាល់ជាចាំបាច់ ដូចជារង្វាស់កាព្យ លោកថា អ្នកនិពន្ធត្រូវចែកឱ្យដាច់រវាងពាក្យ និងឃ្លា ដោយកុំឱ្យមានការភ័ន្តច្រឡំ ។ លោកថា ជាធម្មតាព្យាង្គរួមគ្នាបង្កើតជាពាក្យ ហើយពាក្យរួមច្រើនបង្កើតបានជាឃ្លា និងឃ្លារួមច្រើនបង្កើតបានជាវគ្គ នៃកំណាព្យ។

ចំណាប់ចុងជួន ក៏ជាចំណុចសំខាន់ដែលអ្នកនិពន្ធត្រូវគិតផងដែរ បើតាមការបញ្ជាក់របស់លោក វណ្ណ សារ៉េត ចំណាប់ចុងជួនត្រូវបែងចែកជា៣កម្រិត គឺ ជួនល្អ ជួនមធ្យម និងជួនកម្រិតខ្សោយ ដូច្នេះដើម្បីឱ្យស្នាដៃជាប់ជ័យលាភី អ្នកនិពន្ធត្រូវសម្រិតសម្រាំងធ្វើយ៉ាងម៉េចឱ្យមានចំណាប់ជួនល្អបំផុត។

លោក វណ្ណ សារ៉េត

“ជួនល្អហ្នឹងយ៉ាងដូចម្តេច គឺយើងត្រូវគោរពឱ្យបាននូវការចាប់ជួនដែលកើតឡើងដោយសូរស្រះប្រកបដូចគ្នា ព្យញ្ជនៈប្រកបដូចគ្នា សូរស្រះនិងព្យញ្ជនៈប្រកបដូចគ្នា ស្ថិតនៅក្នុងមូលប្រភេទ អ អ៊ ដូចគ្នា យើងត្រូវគោរពឱ្យបានជានិច្ច ជាដាច់ខាត”

ពិតណាស់ការចាប់ចុងជួន គឺជារឿងសំខាន់មួយនៅក្នុងការតែងកំណាព្យឱ្យបានល្អ ប៉ុន្តែដើម្បីឱ្យរឹតតែល្អ កំណាព្យគឺត្រូវតែមានសម្ផស្សថែមទៀត ។ លោក វណ្ណ សារ៉េត បានរំលឹកទៅដល់ពាក្យរបស់លោកគ្រូ ជ័យ ចាប ដែលគេស្គាល់ថា គឺជាជើងឯងកំណាព្យមួយរូបនោះ តែងនិយាយថា «ការសរសេរកំណាព្យ ចាំបាច់ត្រូវសរសេរឱ្យពិរោះត្រចៀក និងឆ្ងាញ់អារម្មណ៍» ។ បើតាមការបញ្ជាក់របស់លោក សារ៉េត កំណាព្យដែលពិរោះត្រចៀក និងឆ្ងាញ់អារម្មណ៍ អ្នកនិពន្ធត្រូវចេះលេងពាក្យពេចន៍ និងពាក្យសម្ផស្ស។

ម្ចាស់ជ័យលាភីលេខ១ ផ្នែកកំណាព្យពានរង្វាន់មហោស្រពអក្សរសិល្ប៍ខ្មែរលើកទី៥រូបនេះ ពន្យល់ថា ពាក្យពេចន៍ គឺជាពាក្យដែលកវីប្រើដោយប៉ុនប្រសព្វខុសពីស្មេរធម្មតា ។ លោកថា ពាក្យពេចន៍ នឹងជួយឱ្យអត្ថបទកំណាព្យកាន់តែមានសោភណ្ឌ មានអត្ថន័យផុសឡើង ។ ដោយឡែកពាក្យសម្ភស្ស គឺសំដៅលើការចាប់ចុងជួនរណ្តំនៅក្នុងឃ្លា ក៏ដូចជាជួនផ្ទួនរណ្តំពីឃ្លាមួយទៅឃ្លាមួយ ពីវគ្គមួយទៅវគ្គមួយ នៃកំណាព្យ។

ជាបទពិសោធន៍របស់លោក កំណាព្យដែលល្អ ក្រៅតែពីចេះប្រើប្រាស់ពាក្យពេចន៍ ពាក្យសម្ផស្សហើយនោះ អ្នកនិពន្ធចាំបាច់ត្រូវតែមានការបញ្រ្ជាបនូវផ្នត់គំនិត ទស្សនទានអក្សរសិល្ប៍ ចំណេះដឹង ក៏ដូចជាបញ្រ្ជាបនូវឧត្តមគតិដែលជាសាររបស់អ្នកនិពន្ធចង់ផ្ញើទៅអ្នកអានផងដែរ។

លោក វណ្ណ សារ៉េត

“គ្រាន់តែគេអានទៅ គេដឹងថា ស្នាដៃរបស់យើងវាមានទម្ងន់ មានខ្លឹមសារ អញ្ចឹងអ្នកនិពន្ធត្រូវមានការស្វែងយល់ច្រើនទាក់ទងការអានសៀវភៅ ការសិក្សាស្នាដៃរៀមច្បងជាដើម…”

ចំណុចចុងក្រោយដែលអ្នកនិពន្ធកំណាព្យគួរយកចិត្តទុកដាក់ នោះគឺអក្ខរាវិរុទ្ធ ។ លោក វណ្ណ សារ៉េត បញ្ជាក់ថា អក្ខរាវិរុទ្ធ ចាំបាច់ត្រូវតែប្រុងប្រយ័ត្ន ដោយត្រូវពិនិត្យឱ្យបានច្រើនលើកច្រើនសារក្រែងមានការភ័ន្តច្រឡំ ដោយអក្ខរាវិរុទ្ធ ត្រូវគោរពតាមវចនានុក្រមសម្តេចសង្ឃជួនណាតជាគោល ដោយមិនអាចសរសេរទាំងប្រថុយប្រថាននោះទេ។

តើយុវជនគួរត្រៀមខ្លួនដូចម្តេច ដើម្បីមានសមត្ថភាពនិពន្ធកំណាព្យបានល្អ ?

លោក វណ្ណ សារ៉េត បានបញ្ជាក់ថា សំខាន់គឺពួកគាត់ស្រឡាញ់អក្សរសាស្រ្ត ស្រឡាញ់ការតែងនិពន្ធ ចូលចិត្តការតែងនិពន្ធ ឬក៏អត់? លោកថា ប្រសិនបើពួកគាត់ចូលចិត្តការតែងនិពន្ធ វាមិនមានអ្វីពិបាកនៅក្នុងការជំរុញនោះទេ ព្រោះតែទឹកចិត្តរបស់គាត់បានដក់នៅក្នុងការតែងនិពន្ធរួចទៅហើយ ។ យ៉ាងណាក៏ដោយ បើតាមការលើកឡើងរបស់លោក វណ្ណ សារ៉េត មានវិធីច្រើនដើម្បីឱ្យក្លាយទៅជាអ្នកនិពន្ធដែលមានការទទួលស្គាល់ ប៉ុន្តែសំខាន់បំផុតយុវជនត្រូវមានដើមទុនចំណេះវិជ្ជាសិន បន្ទាប់មកស្វែងយល់ពីរៀមច្បងដែលមានបទពិសោធន៍ មានកិត្តិនាម និងឱ្យពួកគាត់ជួយតម្រង់ ជួយចង្អុលផ្លូវជាដើម ៕

លោក សេក សត្យា | Mr. Sek Sathya

លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ស.ស.យ.ក រាជធានីភ្នំពេញ ផ្ដល់អាហារូបករណ៍៣កន្លែងសិក្សានៅសាកលវិទ្យាល័យប៊ែលធីអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 19/09/2024

ដើម្បីបន្តចូលរួមចំណែកជាមួយរាជរដ្ឋាភិបាលក្នុងការលើកកម្ពស់វិស័យអប់រំ និងបណ្ដុះបណ្ដាលធនធានមនុស្ស សហភាពសហព័ន្ធយុវជនកម្ពុជារាជធានីភ្នំពេញ នឹងផ្តល់អាហារូបករណ៍ថ្នាក់បរិញ្ញាបត្រចំនយន៣កន្លែងនៅសាកលវិទ្យាល័យប៊ែលធីអន្តរជាតិ...

អាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យ Boston ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 10/11/2025

តាមរយៈអាហារូបករណ៍ Trustee Scholarship បានផ្តល់ឱកាសដល់និស្សិតអន្តរជាតិចំនួន២០នាក់ ឱ្យទៅសិក្សាថ្នាក់បរិញ្ញាបត្រ នៅសាកលវិទ្យាល័យ Boston នៃសហរដ្ឋអាមេរិក ក្នុងឆ្នាំសិក្សា២០២៦។ អាហារូបករណ៍ផ្ដោតសំខាន់លើថ្លៃសិក្សាពេញលេញ...

ឱកាសសិក្សាអាហារូបករណ៍ពីកម្មវិធីអាហារូបករណ៍រដ្ឋាភិបាលជប៉ុនឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 25/04/2025

តាមរយៈស្ថានទូតជប៉ុនប្រចាំកម្ពុជា កម្មវិធីអាហារូបករណ៍រដ្ឋាភិបាលជប៉ុន MEXT ( Japanese Government Scholarship 2026) ប្រកាសផ្ដល់អាហារូបករណ៍ដល់និស្សិតកម្ពុជាសម្រាប់ការសិក្សាថ្នាក់ឧត្ដមចំនួន៤កម្រិត នៅឆ្នាំសិក្សា២០២៦។

អាហារូបករណ៍ថ្នាក់បរិញ្ញាបត្រនៅរាជបណ្ឌិតសភាកម្ពុជា សម្រាប់សិស្សនិទ្ទេស A, B និង C

ព័ត៌មានអាហារូបករណ៍, ព្រឹត្តិការណ៍

• 09/12/2024

រាជបណ្ឌិតសភាកម្ពុជា បានប្រកាសពីការបណ្តុះបណ្តាលថ្នាក់បរិញ្ញាបត្រក្នុងឆ្នាំសិក្សា២០២៤-២០២៥ ដោយក្នុងនោះនឹងផ្តល់អាហារូបករណ៍ ១០០%, ៥០% និង ៣០% សម្រាប់សិស្សដែលមាននិទ្ទេស A, B និង C សម្រាប់ការសិក្សារយៈពេល៤ឆ្នាំ។

ឱកាសសិក្សាអាហារូបករណ៍ជំនាញវិជ្ជាជីវៈនៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី

ព័ត៌មានអាហារូបករណ៍, ព្រឹត្តិការណ៍

• 19/11/2024

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរីប្រកាសផ្ដល់អាហារូបករណ៍សិក្សាជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន២៤០កន្លែង។

កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 15/05/2023

កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនក្រោមកម្មវិធី ...

វិទ្យាស្ថានវិទ្យាសាស្រ្តគ្រប់គ្រង និងសេដ្ឋកិច្ច ផ្ដល់ការសិក្សាជំនាញកុំព្យូទ័រ និងទីផ្សារចំនួន១៧៤កន្លែងឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 30/05/2023

វិទ្យាស្ថានវិទ្យាសាស្រ្តគ្រប់គ្រង និងសេដ្ឋកិច្ច ប្រកាសផ្ដល់អាហារូបករណ៍សិក្សាជំនាញរយៈពេល៣ខែដល់សិស្សានុសិស្ស និងសាធារណៈជនដោយឥតគិតថ្...

ឱកាសទទួលបានអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ China Three Gorges

ព័ត៌មានអាហារូបករណ៍, ព្រឹត្តិការណ៍

• 07/04/2023

សាកលវិទ្យាល័យ China Three Gorges នៃប្រទេសចិន បានប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ចំនួន០៥...

វិទ្យាស្ថានពហុបច្ចេកទេសខេត្តកំពង់ធំ ជ្រើសរើសយុវជនឱ្យចូលរៀនជំនាញបច្ចេកទេស ដោយឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 13/03/2025

វិទ្យាស្ថានពហុបច្ចេកទេសខេត្តកំពង់ធំ ប្រកាសជ្រើសរើសយុវជនដែលមកពីគ្រួសារមានបណ្ណក្រីក្រ១ និងទី២ និងគ្រួសារងាយរងហានិភ័យ ឱ្យចូលសិក្សាជំនាញបច្ចេកទេស និងវិជ្ជាជីវៈ ដោយឥតបង់ថ្លៃ។