យុវសិស្សថ្នាក់ទី១១ មកពីខេត្តត្បូងឃ្មុំ ពោធិ៍សាត់ និងបាត់ដំបង ដណ្តើមបានជ័យលាភីឆ្នើមក្នុងកម្មវិធី «អាជីវកម្មខ្ញុំ» ឆ្នាំ២០២៦

បេក្ខជនជាសិស្សថ្នាក់ទី១១ ចំនួន ៣ក្រុម មកពីខេត្តត្បូងឃ្មុំ ពោធិ៍សាត់ និងបាត់ដំបង ទទួលបានជ័យលាភីឆ្នើមក្នុងវគ្គផ្តាច់ព្រ័ត្រនៃកម្មវិធីប្រកួតប្រជែងផែនការអាជីវកម្ម «អាជីវកម្មខ្ញុំ» ឆ្នាំ២០២៦ ក្រោយឆ្លងកាត់ការបណ្តុះបណ្តាល និងការប្រកួតជម្រុះសមត្ថភាពយ៉ាងស្វិតស្វាញជាច្រើនដំណាក់កាល។

សម្រាប់ក្រុមបេក្ខជនជ័យលាភីលេខ១ បានទៅលើ គម្រោងអាជីវកម្ម «គ្រាប់ស្វាយចន្ទីមេមត់» មកពីខេត្តត្បូងឃ្មុំ, ជ័យលាភីលេខ២ បានទៅលើ គម្រោងអាជីវកម្ម «អាហារបួសសុខភាព» មកពីខេត្តពោធិ៍សាត់ និងជ័យលាភីលេខ៣ បានទៅលើ គម្រោងអាជីវកម្ម «ដូងវេទមន្តបាត់ដំបង» មកពីខេត្តបាត់ដំបង។

កម្មវិធី «អាជីវកម្មខ្ញុំ» រៀបចំឡើង ដើម្បីគាំទ្រយុវជនដែលមានក្ដីស្រមៃ និងចំណង់ចំណូលចិត្តក្នុងការធ្វើអាជីវកម្ម ឱ្យអភិវឌ្ឍផ្នត់គំនិត និងបំណិនសហគ្រិនភាព ព្រមទាំងចេះទទួលខុសត្រូវចំពោះសង្គម និងបរិស្ថាន។ តាមរយៈកម្មវិធីនេះ យុវជនទទួលបានការបណ្ដុះបណ្ដាលជំនាញសរសេរផែនការអាជីវកម្ម ការចុះសិក្សា និងអនុវត្តជាក់ស្ដែងនៅតាមទីតាំងអាជីវកម្ម និងក្រុមហ៊ុន ព្រមទាំងការបង្ហាញសមត្ថភាពក្នុងការប្រកួតប្រជែងចំនួន ២វគ្គ មុនឈានដល់វគ្គផ្ដាច់ព្រ័ត្រ។

កម្មវិធីនេះ ក៏ជួយពង្រឹងជំនាញទន់ បំណិនជីវិត នវានុវត្តន៍ ព័ត៌មានវិទ្យា និងការនិយាយជាសាធារណៈ។ លើសពីនេះ កម្មវិធីផ្ដល់កាលានុវត្តភាពឱ្យយុវជនបញ្ចេញសក្ដានុពល បង្កើតផលិតផលគំរូ និងកសាងបណ្ដាញទំនាក់ទំនងជាមួយសហគ្រិនជោគជ័យ គ្រូដឹកនាំ និងបុគ្គលដែលមានឥទ្ធិពលក្នុងសង្គម ដើម្បីស្វែងយល់ពីបទពិសោធ និងត្រៀមខ្លួនឈានទៅសម្រេចក្ដីស្រមៃរបស់ខ្លួន។

ក្នុង​ឱកាស​នោះ ឯកឧត្តម សេរី ជំនះ រដ្ឋលេខាធិការក្រសួងអប់រំ យុវជន និងកីឡា មានប្រសាសន៍ថា ការប្រឹងប្រែងរបស់ប្អូនៗជាបេក្ខជន សមនឹងទទួលបាននូវការកោតសរសើរដោយស្មោះពីចិត្ត។ ឯកឧត្តម សេរី ជំនះ បន្តថា ការអភិវឌ្ឍធនធានមនុស្ស ជាពិសេសសមត្ថភាពយុវជន ជាអាទិភាពសំខាន់របស់រាជរដ្ឋាភិបាលកម្ពុជាក្នុងនីតិកាលទី៧នេះ។ នៅក្នុងស្មារតីនេះ កម្មវិធី «អាជីវកម្មខ្ញុំ» បានចូលរួមចំណែកគាំទ្រដល់ការអនុវត្តយុទ្ធសាស្ត្របញ្ចកោណដំណាក់កាលទី១ គោលនយោបាយជាតិស្ដីពីការអភិវឌ្ឍយុវជនកម្ពុជា និងផែនការសកម្មភាពជាតិស្ដីពីការអភិវឌ្ឍយុវជនកម្ពុជា។

ឯកឧត្តម សេរី ជំនះ រដ្ឋលេខាធិការក្រសួងអប់រំ យុវជន និងកីឡា

គួរជម្រាបជូនថា វគ្គប្រកួតផ្ដាច់ព្រ័ត្រ នៃកម្មវិធីប្រកួតប្រជែងផែនការអាជីវកម្ម «អាជីវកម្មខ្ញុំ» ឆ្នាំ២០២៦ មានការចូលរួមពីបេក្ខជនចំនួន ៥ក្រុម ដែលជាសិស្សថ្នាក់ទី១១ មកពីគ្រឹះស្ថានមធ្យមសិក្សាចំណេះទូទៅនៃខេត្តចំនួន ៥ រួមមាន គម្រោងអាជីវកម្ម «ងាវប្រែរូប» មកពីខេត្តកែប, គម្រោងអាជីវកម្ម «ដូងវេទមន្តបាត់ដំបង» មកពីខេត្តបាត់ដំបង, គម្រោងអាជីវកម្ម «អាហារបួសសុខភាព» មកពីខេត្តពោធិ៍សាត់, គម្រោងអាជីវកម្ម «ការអភិវឌ្ឍខ្យងប័រប៉ៃលិន» មកពីខេត្តប៉ៃលិន និងគម្រោងអាជីវកម្ម «គ្រាប់ស្វាយចន្ទីមេមត់» មកពីខេត្តត្បូងឃ្មុំ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Tasmania នៃប្រទេសអូស្ត្រាលី

ព័ត៌មានអាហារូបករណ៍, ព្រឹត្តិការណ៍

• 08/04/2025

កម្មវិធីអាហារូបករណ៍ University of Tasmania Scholarship 2025 ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Tasmania ប្រទេស​អូស្រ្តាលី សម្រាប់ឆ្នាំសិក្សា២០២៥។

ឱកាសសិក្សាអាហារូបករណ៍ថ្នាក់បរិញ្ញាបត្រ១០កន្លែងនៅសាកលវិទ្យាល័យភូមិន្ទភ្នំពេញឆ្នាំសិក្សា២០២២-២០២៣

ព័ត៌មានអាហារូបករណ៍, ព្រឹត្តិការណ៍

• 13/01/2023

កម្មវិធីអាហារូបករណ៍ ស សុខា បានប្រកាស​ផ្ដល់ជូនអាហារូបករណ៍សិក្សាថ្នាក់បរិញ្ញាបត្រចំនួន១០កន្លែងនៅសាកលវិទ្យាល័យភូមិន្ទភ្នំពេញឆ្នាំសិក្សា២០២២-២០២៣ ។...

វិទ្យាស្ថានពហុបច្ចេកទេស​ភូមិភាគតេជោសែនស្វាយរៀង ផ្តល់អាហារូបករណ៍១០០% ចំនួន២៧០កន្លែង

ព័ត៌មានអាហារូបករណ៍, ព្រឹត្តិការណ៍

• 23/01/2025

វិទ្យាស្ថាន​ពហុបច្ចេកទេស​ភូមិ​ភាគ​តេជោសែនស្វាយរៀង បានប្រកាស​ជ្រើសរើស​និស្សិត​ឱ្យ​ចូលរៀន​ជំនាញ​បច្ចេកទេស និង​វិជ្ជាជីវៈ លើកទី២ សម្រាប់​ឆ្នាំសិក្សា​២០២៤-២០២៥ ដោយផ្តល់អាហារូបករណ៍១០០% សរុបចំនួន ២៧០កន្លែង។

ឱកាសសិក្សាថ្នាក់ឧត្ដមសិក្សា៤០០កន្លែង ពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 25/10/2023

ឱកាសសិក្សាអាហារូបករណ៍ថ្នាក់ឧត្ដមសិក្សានៅវិទ្យាស្ថានខ្មែរជំនាន់ថ្មីចំនួន៤០០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។អាហារូបករណ៍ផ្ដល់ជូនក្រោមការ.....

អាហារូបករណ៍កម្រិតសញ្ញាបត្រជាន់ខ្ពស់បច្ចេកទេសចំនួន៧២កន្លែងនៅប្រទេសវៀតណាម

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 13/09/2024

ឱកាសសិក្សាអាហារូបករណ៍កម្រិតសញ្ញាបត្រជាន់ខ្ពស់បច្ចេកទេសចំនួន៧២កន្លែងនៅប្រទេសវៀតណាមរយៈពេល៤ឆ្នាំសម្រាប់ឆ្នាំសិក្សា២០២៤-២០២៥។ អាហារូបករណ៍ភាគីវៀតណាមផ្ដល់ជូន និងរ៉ាប់រងលើថ្លៃសិក្សា ការស្នាក់នៅ និងការហូបចុក...

អាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលចិនប្រភេទ B នៅសាកលវិទ្យាល័យ Shanghai ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 10/01/2025

កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសផ្ដល់អាហារូបករណ៍ថ្នាក់ឧត្ដមសិក្សា សិក្សា​នៅសាកលវិទ្យាល័យ Shanghai សម្រាប់ឆ្នាំសិក្សា២០២៥ ដល់និស្សិតអន្តរជាតិជាច្រើននាក់។ អាហារូបករណ៍ផ្ដល់ការសិក្សា ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់...

វិទ្យាស្ថានពហុបច្ចេកទេស​ភូមិភាគ​តេជោសែនឦសាន ​ជ្រើសរើសយុវជន​ចូលរៀនជំនាញ TVET

ព័ត៌មានអាហារូបករណ៍, ព្រឹត្តិការណ៍

• 25/04/2024

វិទ្យាស្ថាន​ពហុបច្ចេកទេស​ភូមិភាគ​ឦសាន បានប្រកាស​ជ្រើសរើស​យុវជនចំនួន​២៤០នាក់ ចូលរៀន​ជំនាញ​បច្ចេកទេស និង​វិជ្ជាជីវៈ ១ សិក្សាក្នុងរយៈពេល៤ខែ ក្នុងកម្មវិធី១.៥លាននាក់ ។

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​រតនគិរី ផ្តល់​ការ​សិក្សា​ជំនាញ១១ ដោយ​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 18/11/2024

មជ្ឈមណ្ឌល​បណ្ដុះបណ្ដាល​វិជ្ជាជីវៈ​ខេត្ត​រតនគិរី បានប្រកាស​ផ្តល់​ការ​សិក្សា​ជំនាញ​ចំនួន១១ ដោយ​ឥតគិតថ្លៃ ដល់យុវជន​មក​ពី​គ្រួសារ​ក្រីក្រ និងគ្រួសារ​ងាយ​រង​ហានិភ័យ​ ក៏​ដូចជា​កម្មករ​និយោជិក​ក្រៅ​ប្រព័ន្ធ។

អាហារូបករណ៍ថ្នាក់ឧត្ដមសិក្សាពីកម្មវិធី Canada-ASEAN នៅប្រទេសកាណាដា ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 25/03/2025

ឱកាសសិក្សាថ្នាក់ឧត្ដមសិក្សា និងក្រោយឧត្ដមសិក្សា ពីកម្មវិធី Canada-ASEAN Scholarships and Educational Exchanges for Development (SEED) ឆ្នាំសិក្សា២០២៥ ។