ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអភិវឌ្ឍន៍អាស៊ីសច្ចៈចំនួន៥០កន្លែង សម្រាប់សិស្សានុសិស្ស និងសាធារណៈជន នៅឆ្នាំសិក្សា២០២២-២០២៣ ។ អាហារូបករណ៍ជាការផ្ដល់ឱ្យពីសហភាពសហព័ន្ធយុវជនកម្ពុជារាជធានីភ្នំពេញ (ស.ស.យ.ក.) សហការណ៍ជាមួយវិទ្យាស្ថានអភិវឌ្ឍន៍អាស៊ីសច្ចៈ ។
ជំនាញដែលអាហារូបករណ៍ផ្ដល់ឱ្យសិក្សារួមមាន ជំនាញទីផ្សារ គណនេយ្យ គ្រប់គ្រងពាណិជ្ជកម្ម ភាសាអង់គ្លេស និងវិទ្យាសាស្ត្រកុំព្យូទ័រ ដែលមានវេនសិក្សាពេលព្រឹក៨:០០-១១:០០នាទី និងវេនល្ងាច៥:៣០-៨:៣០ នាទី ។
លក្ខខណ្ឌ នៃការជ្រើសរើសរួមមាន ជាបេក្ខជនដែលមានជីវភាពខ្វះខាត មានសញ្ញាបត្រមធ្យមសិក្សាទុតិយភូមិ (BacII) ឬឯកសារបញ្ជាក់ដែលមានតម្លៃស្មើសម្រាប់ការសិក្សាថ្នាក់បរិញ្ញាបត្រ ។ មានលិខិតបញ្ជាក់ធ្លាក់ ឬសញ្ញាបត្រមធ្យមសិក្សាទុតិយភូមិ ឬឯកសារបញ្ជាក់ដែលមានតម្លៃស្មើសម្រាប់ការសិក្សាថ្នាក់បរិញ្ញាបត្ររង។ បេក្ខជនត្រូវឆ្លងកាត់ការប្រឡងប្រជែងជ្រើសរើសដែលរៀបចំដោយក្រុមការងារសាបព្រោះគ្រាប់ពូជ ។
ជាមួយគ្នានេះបេក្ខជនត្រូវភ្ជាប់ជាមួយឯកសារចាំបាច់មួយចំនួនដូចជា ពាក្យសុំអាហារូបករណ៍១ច្បាប់ បង្កាន់ដៃទទួលពាក្យស្នើសុំអាហារូបករណ៍១ច្បាប់ ជីវប្រវត្តិសង្ខេបដែលមានបិទរូបថតថ្មី(៤x៦)១ច្បាប់ អត្តសញ្ញាណប័ណ្ណសញ្ជាតិខ្មែរ ឬសេចក្ដីចម្លងសំបុត្រកំណើត/សំបុត្របញ្ជាក់កំណើត១ច្បាប់ រូបថតក្នុងពេលថ្មីៗទំហំ(៤x៦ ស.ម ថតពីមុខគ្មានវែនតា និងមានផ្ទៃខាងក្រោយពណ៌ស ចំនួន៣សន្លឹក ។
សម្រាប់បេក្ខជនដែលមានចំណាប់អារម្មណ៍ក្នុងការដាក់ពាក្យសូមបំពេញទម្រង់បែបបទស្នើសុំអាហារូបករណ៍ឱ្យបានត្រឹមថ្ងៃទី០៥ ខែកុម្ភៈ ឆ្នាំ២០២៣ វេលាម៉ោង៥:៣០នាទីល្ងាច ។ សម្រាប់ព៏ត៌មានបន្ថែមសូមទំនាក់ទំនទៅកាន់ ០១៦ ៨៣១ ៣៩៧ (Telegram)៕
