ក្រសួងអប់រំរឹតបន្តឹងការធានាគុណភាពការសិក្សាថ្នាក់បណ្ឌិត ដើម្បីលើកកម្ពស់តម្លៃសញ្ញាបត្រ

ក្រសួងអប់រំ យុវជន និងកីឡា ជំរុញការពង្រឹងយន្តការត្រួតពិនិត្យគុណភាព និងស្តង់ដារនិក្ខេបបទថ្នាក់បណ្ឌិត ដើម្បីលើកកម្ពស់គុណភាពសញ្ញាបត្របណ្ឌិតនៅកម្ពុជា និងឆ្លើយតបនឹងស្តង់ដារអប់រំក្នុងតំបន់ និងអន្តរជាតិ។ ការជំរុញនេះ ធ្វើឡើងក្នុងកិច្ចប្រជុំស្តីពី «ការពិនិត្យវឌ្ឍនភាពនៃកំណែទម្រង់ការសិក្សាថ្នាក់បណ្ឌិត» ដែលដឹកនាំដោយឯកឧត្តម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា នៅវិទ្យាស្ថានជាតិអប់រំ កាលពីថ្ងៃទី៦ ខែតុលា ឆ្នាំ២០២៦។

ឯកឧត្តម ហង់ជួន ណារ៉ុន បានសង្កត់ធ្ងន់លើសារៈសំខាន់នៃការបន្តកំណែទម្រង់ការសិក្សាថ្នាក់បណ្ឌិត ដោយត្រូវរៀបចំយន្តការត្រួតពិនិត្យគុណភាព និងស្តង់ដារនិក្ខេបបទឱ្យបានតឹងរ៉ឹង និងច្បាស់លាស់ ដើម្បីពង្រឹងគុណភាពថ្នាក់បណ្ឌិតនៅកម្ពុជា។

ក្រសួងត្រូវ​ពន្លឿនការរៀបចំសេចក្ដីណែនាំពាក់ព័ន្ធនឹងការធ្វើនិក្ខេបបទ និងវិធីសាស្ត្រស្រាវជ្រាវសម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ទាំងការសិក្សាផ្ទាល់នៅថ្នាក់រៀន និងតាមប្រព័ន្ធអនឡាញ។

ជាមួយគ្នានេះ ក្រុមការងារត្រូវរៀបចំបញ្ជីគ្រឹះស្ថានសិក្សាទាំងអស់ដែលផ្តល់សញ្ញាបត្របណ្ឌិត ដើម្បីត្រៀមចុះអធិការកិច្ចគុណភាពបណ្តុះបណ្តាល និងបន្តប្រមូលស្នាដៃនិក្ខេបបទពីសាកលវិទ្យាល័យរដ្ឋ និងឯកជនទូទាំងប្រទេស ដាក់តម្កល់នៅបណ្ណាល័យសម្ដេចព្រះសង្ឃរាជ ជួន ណាត។

លោកបណ្ឌិត យ៉ង់ ពៅ អគ្គលេខាធិការនៃរាជបណ្ឌិត្យសភាកម្ពុជា ប្រាប់ AMS ថា ការធានាគុណភាពការសិក្សាថ្នាក់បណ្ឌិត ត្រូវផ្អែកលើការគោរពយ៉ាងម៉ឺងម៉ាត់នូវស្តង់ដារសិក្សា និងក្រមសីលធម៌វិទ្យាសាស្ត្រ ដោយមិនអាចរំលងនីតិវិធីសំខាន់ៗបានឡើយ។

លោកបណ្ឌិតបានបញ្ជាក់ថា និស្សិតថ្នាក់បណ្ឌិតត្រូវអាន និងសិក្សាឯកសារជាច្រើន ព្រមទាំងឆ្លងកាត់នីតិវិធីសិក្សា និងស្រាវជ្រាវជាបន្តបន្ទាប់ មុននឹងឈានដល់ការការពារនិក្ខេបបទ។

តាមការបញ្ជាក់របស់លោកបណ្ឌិត យ៉ង់ ពៅ និស្សិតថ្នាក់បណ្ឌិតនៅរាជបណ្ឌិត្យសភាកម្ពុជា ត្រូវបង្ហាញស្នាដៃស្រាវជ្រាវក្នុងសិក្ខាសាលាចំនួន២លើក និងមានស្នាដៃចុះផ្សាយក្នុងទស្សនាវដ្តីវិទ្យាសាស្ត្រចំនួន២លើក មុនឈានដល់ការការពារនិក្ខេបបទ។

ការការពារនិក្ខេបបទ ត្រូវឆ្លងកាត់ការពិនិត្យ សួរនាំ និងរិះគន់ពីគណៈកម្មការ ដែលមានសមាជិកចាប់ពី៣នាក់ រហូតដល់៧នាក់។ លោកបណ្ឌិតបញ្ជាក់ថា នីតិវិធីទាំងនេះមិនអាចរំលងបានឡើយ។

លោកបណ្ឌិត យ៉ង់ ពៅ បានសង្កត់ធ្ងន់ថា គុណភាពនៃការបណ្តុះបណ្តាលថ្នាក់បណ្ឌិត មិនអាស្រ័យតែលើការបញ្ចប់ការសិក្សានោះទេ ប៉ុន្តែអាស្រ័យលើការគោរពស្តង់ដារសិក្សា ក្រមសីលធម៌សិក្សា និងក្រមសីលធម៌វិទ្យាសាស្ត្រ។

តាមក្រសួងអប់រំ កំណែទម្រង់ និងការពង្រឹងគុណភាពអប់រំថ្នាក់បណ្ឌិត គឺជាទិសដៅយុទ្ធសាស្ត្រមួយក្នុងការអភិវឌ្ឍសេដ្ឋកិច្ចផ្អែកលើចំណេះដឹង និងការអភិវឌ្ឍធនធានមនុស្សកម្ពុជា ឆ្ពោះទៅសម្រេចចក្ខុវិស័យកម្ពុជា ឆ្នាំ២០៣០ និងឆ្នាំ២០៥០៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សិក្សាថ្នាក់បរិញ្ញាបត្រ និង​បរិញ្ញាបត្រជាន់ខ្ពស់ នៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 22/01/2026

សាកលវិទ្យាល័យ Muhammadiyah Purwokerto (UMP) ប្រកាសជ្រើសរើសនិស្សិតអន្តរជាតិឱ្យចូលរៀនក្នុងកម្មវិធីសិក្សាថ្នាក់បរិញ្ញាបត្រ និង​ថ្នាក់បរិញ្ញាបត្រ​ជាន់ខ្ពស់ សម្រាប់ឆ្នាំសិក្សា២០២៦...

អាហារូបករណ៍អន្តរជាតិ Lester B. Pearson នៅសាកលវិទ្យាល័យ Toronto

ព័ត៌មានអាហារូបករណ៍, ព្រឹត្តិការណ៍

• 22/07/2024

ជាឱកាស​សម្រាប់និស្សិត​ដែល​ចង់បន្ត​ការ​សិក្សា​នៅ​សាកលវិទ្យាល័យ Totonto ប្រទេស​កាណាដា ដោយពេលនេះ កម្មវិធីអាហារូបករណ៍ Lester B. Pearson បានប្រកាស​ជ្រើសរើសនិស្សិតពីជុំវិញពិភពលោក...

អាហារូបករណ៍៩០កន្លែងនៅវិទ្យាស្ថានជាតិកសិកម្មព្រែកលៀបឆ្នាំសិក្សា២០២២-២០២៣

ព័ត៌មានអាហារូបករណ៍, ព្រឹត្តិការណ៍

• 13/03/2023

ឱកាសទទួលបានអាហារូបករណ៍​សិក្សា​នៅ​វិទ្យាស្ថានជាតិកសិកម្មព្រែកលៀបឆ្នាំសិក្សា២០២២-២០២៣ ចំនួន​៩០កន្លែង ។ អាហារូបករណ៍ផ្ដល់ជូនថ្នាក់បរិញ្ញាបត្...

ឱកាសសិក្សានៅអឺរ៉ុប ៖ អូទ្រីសប្រកាសផ្តល់អាហារូបករណ៍កម្រិតបរិញ្ញាបត្រជាន់ខ្ពស់ និងក្រោយបណ្ឌិត សម្រាប់ឆ្នាំសិក្សា ២០២៧-២០២៨

ព័ត៌មានអាហារូបករណ៍, ព្រឹត្តិការណ៍

• 23/09/2026

ក្រសួងអប់រំ យុវជន និងកីឡា បានចេញសេចក្តីជូនដំណឹងជាផ្លូវការស្តីពីការផ្តល់អាហារូបករណ៍របស់ក្រសួងអប់រំ វិទ្យាសាស្ត្រ និងស្រាវជ្រាវសហព័ន្ធអូទ្រីស (BMBWF)

វិទ្យាស្ថានបច្ចេកវិទ្យាកំពង់ឈើទាលជ្រើសរើសនិស្សិតអាហារូបករណ៍ទៅសិក្សានៅប្រទេសថៃ ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 05/12/2024

វិទ្យាស្ថានបច្ចេកវិទ្យាកំពង់ឈើទាល​ ប្រកាសការប្រឡងជ្រើសរើសសិស្ស និស្សិត និងសាធារណជន ជាច្រើនកន្លែង ដើម្បីទៅបន្ត​ការ​សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃ ក្រោមគម្រោងព្រះរាជទានរបស់ ព្រះអង្គម្ចាស់ក្សត្រីយមហាចក្រីសិរិនថន

អាហារូបករណ៍សិក្សា​ជំនាញ​វិស្វកម្មឧស្សាហកម្ម នៅវិទ្យាស្ថានពហុបច្ចេកទេស​ខេត្តកំពង់ស្ពឺ

ព័ត៌មានអាហារូបករណ៍, ព្រឹត្តិការណ៍

• 28/11/2025

ដោយ​មានការ​គាំទ្រពីគម្រោង​អភិវឌ្ឍន៍ជំនាញសម្រាប់សេដ្ឋកិច្ចនាពេលអនាគត (SFESDP) របស់ក្រសួងការងារ និង​បណ្តុះបណ្តាលវិជ្ជាជីវៈ, វិទ្យាស្ថានពហុបច្ចេកទេស​ខេត្តកំពង់ស្ពឺ បានប្រកាស​ពីការ​បណ្តុះបណ្តាល​ឥតគិតថ្លៃ​ទៅលើ...

អាហារូបករណ៍ Unpad ASEAN Scholarship ថ្នាក់អនុបណ្ឌិត សិក្សានៅសាកលវិទ្យាល័យ UNIVERSITAS PADJADJARAN ប្រទេសឥណ្ឌូណេសុី

ព័ត៌មានអាហារូបករណ៍, ព្រឹត្តិការណ៍

• 30/10/2025

កម្មវិធីអាហារូបករណ៍ Unpad ASEAN (UAS) ដែលជាគំនិតផ្តួចផ្តើមរបស់សាកលវិទ្យាល័យ Padjadjaran (Universitas Padjadjaran) គាំទ្រដល់បុគ្គល និងអ្នកជំនាញឆ្នើមមកពីបណ្តាប្រទេសអាស៊ានដើម្បីបន្តការសិក្សាថ្នាក់...

អាហារូបករណ៍ថ្នាក់ឧត្ដមសិក្សាពីរដ្ឋាភិបាលតួកគី ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 19/01/2024

ស្ថានទូតតួកគីប្រចាំនៅកម្ពុជាប្រកាសជូនដំណឹងអាហារូបករណ៍សិក្សាថ្នាក់ឧត្ដមសិក្សានៅប្រទេសតួកគីឆ្នាំសិក្សា២០២៤។ កម្មវិធីអាហារូបករណ៍ជាការផ្ដល់ជូនពីរដ្ឋាភិបាលតួកគីផ្ដល់...

វិទ្យាស្ថានអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ផ្ដល់អាហារូបករណ៍រយៈពេលខ្លីផ្នែកព័ត៌មានវិទ្យា៥០កន្លែង

ព័ត៌មានអាហារូបករណ៍, ព្រឹត្តិការណ៍

• 09/05/2023

វិទ្យាស្ថានអភិវឌ្ឍន៍វិទ្យាសាស្ត្រ និងបច្ចេកវិទ្យាកម្រិតខ្ពស់ប្រកាសជ្រើសរើសនិស្សិតឱ្យសិក្សាអាហារូបករណ៍ចំនួន៥០កន្លែងឆ្នាំសិក្សា២០២៣ ។ អាហារូបករណ៍សិក្សារយៈពេល៤ខែ...