ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសផ្ដល់អាហារូបករណ៍ថ្នាក់ឧត្ដមសិក្សា សិក្សានៅសាកលវិទ្យាល័យ Shanghai សម្រាប់ឆ្នាំសិក្សា២០២៥ ដល់និស្សិតអន្តរជាតិជាច្រើននាក់។ អាហារូបករណ៍ផ្ដល់ការសិក្សា ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។
អាហារូបករណ៍បើកឱ្យស្នើពាក្យសិក្សាជំនាញដោយសេរីដែលមាននៅសាកលវិទ្យាល័យ Shanghai។ បេក្ខជន បេក្ខនារី ជ័យលាភីអាហារូបករណ៍ នឹងទទួលបាន ថ្លៃសិក្សា ការស្នាក់នៅ ប្រាក់ឧបត្ថម្ភប្រចាំខែសម្រាប់ការរស់នៅ និងការធានារ៉ាប់រងផ្នែកវេជ្ជសាស្ត្រ។
លក្ខខណ្ឌក្នុងការជ្រើសរើស ៖ ជាបេក្ខជនដែលមិនមានសញ្ជាតិចិន មានលិខិតឆ្លងដែនប្រភេទធម្មតា មានសុខភាពល្អទាំងផ្លូវកាយ និងផ្លូវចិត្ត។ សម្រាប់បេក្ខជនដែលស្នើពាក្យថ្នាក់បរិញ្ញាបត្រជាន់ខ្ពស់ ត្រូវមានសញ្ញាបត្រថ្នាក់បរិញ្ញាបត្រ និងមានអាយុមិនលើសពី៣៥ឆ្នាំ, សម្រាប់បេក្ខជនស្នើថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់ និងមានអាយុមិនលើស៤០ឆ្នាំ។ ជាមួយគ្នានេះ បេក្ខជនទាំងអស់ត្រូវមានជំនាញភាសាអង់គ្លេស ឬភាសាចិនដែលតម្រូវទៅតាមកម្មវិធីសិក្សានៃជំនាញ និងជាបេក្ខជនដែលមិនទទួលបានអាហារូបករណ៍ផ្សេងក្នុងកំឡុងពេលទទួលបានអាហារូបករណ៍រដ្ឋាភិបាលចិនប្រភេទ B (Type B)។
សម្រាប់បេក្ខជនដែលមានចំណាប់អារម្មណ៍ក្នុងការដាក់ពាក្យស្នើសុំអាហារូបករណ៍ សូមភ្ជាប់ច្បាប់ចម្លងនៃទំព័រព័ត៌មានលិខិតឆ្លងដែន ឬអត្តសញ្ញាណបនថតចម្លង សញ្ញាបត្របញ្ជាក់ការសិក្សាខ្ពស់បំផុត (ដែលមាន និងតាមលក្ខខណ្ឌកំណត់ខាងលើ) ប្រតិចារិកសិក្សា វិញ្ញាបនបត្របញ្ជាក់ភាសា ផែនការស្រាវជ្រាវ លិខិតណែនាំ លិខិតបញ្ជាក់គ្មានឧក្រិដ្ឋកម្ម។
គួរបញ្ជាក់ថា រាល់ឯកសារយោងទាំងអស់ត្រូវបកប្រែជាភាសាចិន ឬភាសាអង់គ្លេស និងជាឯកសារដែលពិតប្រាកដ ត្រឹមត្រូវ មិនក្លែងបន្លំឯកសារ។
សម្រាប់ព័ត៌មានបន្ថែម អាចចូលទៅកាន់តំណភ្ជាប់ https://mp.weixin.qq.com/s/VZSyYBty6cIC_dk9JG0l2Q ឬទំនាក់ទំនងទៅកាន់ Ms.LIU Yuan តាមរយៈ liuyuan2020@shu.edu.cn ឬ Ms. WANG Jing តាមរយៈ apply9@oa.shu.edu.cn ឬចូលទៅកាន់ https://apply.shu.edu.cn/ ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៦ ខែកុម្ភៈ ឆ្នាំ២០២៥៕
