ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសល្អសម្រាប់យុវជនរស់នៅក្នុងខេត្តកោះកុង ពេលនេះ មជ្ឈមណ្ឌលបណ្តុះបណ្តាលវិជ្ជាជីវៈខេត្តកោះកុង បានប្រកាសផ្តល់អាហារូបករណ៍១០០%ជាច្រើនកន្លែង សម្រាប់សិស្សនិស្សិតដែលមានបំណងចង់សិក្សាជំនាញវិជ្ជាជីវៈ។
អាហារូបករណ៍សិក្សាមានរយៈពេល១ឆ្នាំ និង២ឆ្នាំ តាមកម្មវិធីរបស់រដ្ឋ នៃក្រសួងការងារ និងបណ្តុះបណ្តាលវិជ្ជាជីវៈ ដោយផ្តោតទៅលើចំណេះដឹង ចំណេះធ្វើ និងក្រមសីលធម៌វិជ្ជាជីវៈ ដោយមានមុខជំនាញជ្រើសរើសជាច្រើនដូចជា ៖
១.ថ្នាក់សញ្ញាបត្របច្ចេកទេស និងវិជ្ជាជីវៈ១ វិជ្ជាជីវៈ២ និងវិជ្ជាជីវៈ៣ សិក្សារយៈពេល១ឆ្នាំ ដោយមានជំនាញតបណ្តាញអគ្គិសនី, អេឡិចត្រូនិច, បរិក្ខារត្រជាក់, ជួសជុល និងថែទាំរថយន្ត, ជាងកំបោរ, ជាងផ្សារ និងជំនាញសេវាកម្មកុំព្យូទ័រ។
២.ថ្នាក់សញ្ញាបត្រជាន់ខ្ពស់/បរិញ្ញាបត្ររងបច្ចេកទេស សិក្សារយៈពេល២ឆ្នាំ មានជំនាញអគ្គិសនី, អេឡិចត្រូនិច, យន្តសាស្រ្តរថយន្ត, វិទ្យាសាស្រ្តកុំព្យូទ័រ, សំណង់ស៊ីវិល និងជំនាញបរិក្ខាត្រជាក់។
សម្រាប់លក្ខខណ្ឌនៃការជ្រើសរើស ចំពោះថ្នាក់សញ្ញាបត្របច្ចេកទេស និងវិជ្ជាជីវៈ១ វិជ្ជាជីវៈ២ និងវិជ្ជាជីវៈ៣ សិស្សត្រូវមានសញ្ញាបត្រមធ្យមសិក្សាបឋមភូមិ (ថ្នាក់ទី៩) ឬសញ្ញាបត្រសមមូល។ ចំពោះថ្នាក់សញ្ញាបត្រជាន់ខ្ពស់ ឬបរិញ្ញាបត្ររងបច្ចេកទេស និស្សិតត្រូវមានសញ្ញាបត្រមធ្យមសិក្សាទុតិយភូមិ (ជាប់ ឬធ្លាក់បាក់ឌុប) ឬសញ្ញាបត្រដែលមានតម្លៃស្មើ។
ចាប់ទទួលចុះឈ្មោះចូលរៀនពីថ្ងៃជូនដំណឹងនេះតទៅ នៅអាស័យដ្ឋានភូមិ១ សង្កាត់ស្មាច់មានជ័យ ក្រុងខេមរភូមិន្ទ ទល់មុខមន្ទីរទេសចរណ៍ខេត្តកោះកុង៕
