គរុនិស្សិតខេត្តបន្ទាយមានជ័យ ជាប់ជ័យលាភីលេខ១ ក្នុងការប្រកួតផលិតវីដេអូប្រយុទ្ធប្រឆាំងគ្រឿងញៀន

ស្នាដៃវីដេអូដែលផលិត​ឡើង​ដោយ​គរុនិស្សិតនៃសាលាគរុកោសល្យ និងវិក្រឹតការខេត្តបន្ទាយមានជ័យ បាន​ជាប់ជ័យលាភីលេខ១ ក្នុងការប្រកួតផលិតវីដេអូ ក្រោមប្រធានបទ «ពលរដ្ឋល្អរួមគ្នាប្រយុទ្ធប្រឆាំងគ្រឿងញៀន ដើម្បីសន្តិភាព សន្តិសុខ និងការអភិវឌ្ឍ» ដែលរៀបចំឡើងដោយក្រសួងអប់រំ យុវជន និងកីឡា។

ថ្លែងក្នុងពិធីប្រកាសជ័យលាភី នៅថ្ងៃទី២២ ខែតុលា ឆ្នាំ២០២៦ លោក​ជំទាវ​បណ្ឌិត គឹម សេដ្ឋានី រដ្ឋលេខាធិការ​ប្រចាំការ ក្រសួងអប់រំ យុវជន និងកីឡា បានមានប្រសាសន៍ដោយ​កោតសរសើរបេក្ខជនជ័យលាភី ដែលបានចូលរួមប្រកួតផលិតវីដេអូ ប្រកបដោយចំណេះដឹង អត្ថន័យ និងបច្ចេកទេសល្អៗ ដើម្បីចូលរួមចំណែកប្រយុទ្ធប្រឆាំងគ្រឿងញៀន ។

រដ្ឋលេខាធិការ​ប្រចាំការ ក្រសួងអប់រំ បញ្ជាក់ថា តាមរយៈការប្រកួតផលិតវីដេអូនេះ បង្ហាញឱ្យឃើញថា គរុសិស្សមានបំណិនសរសេរមាតិកា សិក្សាស្វែងយល់ទូលំទូលាយអំពីប្រធានបទ មានសមត្ថភាពក្នុងការសម្តែង ការថត ការកាត់តវីដេអូ សមត្ថភាពប្រើប្រាស់បច្ចេកវិទ្យា និងការខិតខំរៀនសូត្រ ដើម្បីក្លាយជាពលរដ្ឋពេញលេញមួយរបស់ជាតិ​។ ជាពិសេស ជំនាញទាំងអស់នេះ គឺសង្គមជាតិកំពុងមានតម្រូវការ។

ជាមួយគ្នានេះ ឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន មានប្រសាសន៍ថា ខ្លឹមសារវីដេអូប្រកួតទាំងអស់សុទ្ធតែឆ្លុះបញ្ចាំងពីការអនុវត្តគោលនយោបាយរបស់រាជរដ្ឋាភិបាល ប៉ុន្តែអ្វីដែលសំខាន់គឺសារអប់រំអំពីផលប៉ះពាល់ និងគ្រោះថ្នាក់នៃការប្រើប្រាស់គ្រឿងញៀន ដែលតម្រូវឱ្យបុគ្គលគ្រប់រូបត្រូវចេះបដិសេធ។ លើសពីនេះ ការបង្ការទប់ស្កាត់មុន គឺជាការយល់ដឹងអំពីផលប៉ះពាល់ និងគ្រោះថ្នាក់នៃគ្រឿងញៀនដោយខ្លួនឯង។

ឯកឧត្តម នាយឧត្តមសេនីយ៍ មាស វិរិទ្ធ បញ្ជាក់បន្ថែមថា គ្រឿងញៀនបំផ្លាញទាំងសុខភាព​​ផ្លូវកាយ និងផ្លូវចិត្ត។ គ្រឿងញៀន មិនបានជួយឱ្យសុខភាពរឹងមាំទេ ពីព្រោះគ្រឿងញៀនចូលទៅដល់ក្នុងខ្លួនមនុស្ស ប្ដូរចិត្តរបស់មនុស្ស ប្ដូរសន្ដានរបស់មនុស្ស ដែលនាំឱ្យមនុស្សប្រែប្រួលបន្តិចម្ដងៗ ព្រមទាំងធ្វើឱ្យសុខភាពទ្រុឌទ្រោម និងមិនអាចប្រកបកិច្ចការអ្វីបានឡើយ។

ការប្រកួតផលិតវីដេអូ «ពលរដ្ឋល្អរួមគ្នាប្រយុទ្ធប្រឆាំងគ្រឿងញៀន ដើម្បីសន្តិភាព សន្តិសុខ និងការអភិវឌ្ឍ» ក្រុមជ័យលាភីលេខ១ គរុនិស្សិតនៃសាលាគរុកោសល្យ និងវិក្រឹតការខេត្តបន្ទាយមានជ័យ មានសមាជិកចំនួន ៥នាក់ រួមមាន ចាន់រ៉ាត់ សៀវមិញ, ទូច សុខណា, ហាយ គិមហុង, ទី សុណាត និង ផាត់ សុភីន។

កញ្ញា ចាន់រ៉ាត់ សៀវមិញ ជាតំណាងក្រុមគរុនិស្សិតនៃសាលាគរុកោសល្យ និងវិក្រឹតការខេត្តបន្ទាយមានជ័យ លើកឡើងថា​ ការប្រកួតផលិតវីដេអូនេះ ពិតជាមានសារៈសំខាន់ខ្លាំងណាស់ ដោយផ្ដល់ចំណេះដឹងដូចជា ទី១. អាចរៀនអំពីរបៀបនៃការផលិតវីដេអូ បច្ចេកទេសក្នុងការផលិតវីដេអូ និងទី២. អាចស្វែងយល់ពីឥទ្ធិពលនៃគ្រឿងញៀន ផលប៉ះពាល់នៃគ្រឿងញៀន ក៏ដូចជាល្បិចជនខិលខូច ក្នុងការទាក់ទាញកុំឱ្យធ្លាក់ក្នុងអន្ទាក់របស់ពួកគេ។

បេក្ខជនទាំង៥នាក់ សុទ្ធតែជាគ្រូបង្រៀននៅតាមតំបន់ជនបទ ជាពិសេសនៅតាមបណ្ដោយព្រំដែន ហើយកញ្ញា ចាន់រ៉ាត់ សៀវមិញ នឹងចេញទៅបម្រើប៉ុស្តិ៍ការងារនៅសាលាបឋមសិក្សាព្រៃចាន់ នៅភូមិរង់ចាំបច្ចុប្បន្ន។ សៀវមិញ បន្តថា ក្មេងនៅតាមទីក្រុង ទីប្រជុំជន ទទួលបានការអប់រំ និងការណែនាំច្រើន នៅតែមានការភ្លើតភ្លើន ប្រើប្រាស់គ្រឿងញៀន ចុះទម្រាំងតែក្មេងនៅតាមទីជនបទ ជួបការខ្វះខាតច្រើន ព្រមទាំងទទួលបានការអប់រំតិចតួច ខ្វះការផ្សព្វផ្សាយ ព្រមទាំងរត់ភៀសសឹកផង មានការភ័យខ្លាចពីសង្គ្រាមផង តើពួកគេនឹងងាយធ្លាក់ចូលអន្ទាក់របស់ជនខិលខូចបែបណា? ដូច្នេះ មានតែលោកគ្រូ អ្នកគ្រូ នៅតាមគ្រឹះស្ថានអប់រំទេ ដែលជាអ្នកមានចំណេះដឹង​ អាចអប់រំ ណែនាំពួកគាត់អំពីផលប៉ះពាល់ និងជៀសឆ្ងាយពីគ្រឿងញៀន។

កញ្ញា ចាន់រ៉ាត់ សៀវមិញ បន្ថែមថា ក្នុងនាមជាគរុនិស្សិត និងត្រៀមចេញទៅបង្រៀនខាងមុខ ប្ដេជ្ញាចិត្តថា នឹងសាបព្រោះចំណេះដឹងដល់សិស្សានុសិស្ស ក៏ដូចជាអប់រំទូន្មានដល់សិស្សានុសិស្ស អំពីផលប៉ះពាល់របស់គ្រឿងញៀន។

គួរជម្រាបជូនថា ការប្រកួតផលិតវីដេអូ ក្រោមប្រធានបទ៖ «ពលរដ្ឋល្អរួមគ្នាប្រយុទ្ធប្រឆាំងគ្រឿងញៀន ដើម្បីសន្តិភាព សន្តិសុខ និងការអភិវឌ្ឍ» នេះ មានបេក្ខជនមកពីគ្រឹះស្ថានបណ្ដុះបណ្ដាលគ្រូចំនួន១៦ បានដាក់ស្នាដៃប្រកួតសរុប ៤៦វីដេអូ ដែលផលិតដោយគរុសិស្ស។ គណៈកម្មការវាយតម្លៃ ជម្រុះនៅជុំទី១ ពី៤៦វីដេអូ មកត្រឹម​១៩វីដេអូ ដើម្បីបន្តជម្រុះនៅវគ្គផ្ដាច់ព្រ័ត្រ។ បន្ទាប់មក គណៈកម្មការវាយតម្លៃថ្នាក់ជាតិ បានសហការគ្នាជាមួយមន្រ្តីជំនាញ អាជ្ញាធរប្រយុទ្ធប្រឆាំងគ្រឿងញៀន ជម្រុះពី ១៩វីដេអូ មកត្រឹមជ័យលាភី ៥វីដេអូចុងក្រោយ។ សម្រាប់វីដេអូ ជ័យលាភីទាំងអស់ នឹងដាក់បញ្ចូលក្នុង App NoDrug របស់អាជ្ញាធរជាតិប្រយុទ្ធប្រឆាំងគ្រឿងញៀនផងដែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលចិនប្រភេទ B នៅសាកលវិទ្យាល័យ Shanghai ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 10/01/2025

កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសផ្ដល់អាហារូបករណ៍ថ្នាក់ឧត្ដមសិក្សា សិក្សា​នៅសាកលវិទ្យាល័យ Shanghai សម្រាប់ឆ្នាំសិក្សា២០២៥ ដល់និស្សិតអន្តរជាតិជាច្រើននាក់។ អាហារូបករណ៍ផ្ដល់ការសិក្សា ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់...

វិទ្យាស្ថានជាតិពាណិជ្ជសាស្រ្តផ្តល់អាហារូបករណ៍ សិក្សា​ជំនាញ​ក្នុង​វិស័យ​ធុរកិច្ច និង​ព័ត៌មានវិទ្យា ដោយ​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 22/04/2024

វិទ្យាស្ថានជាតិពាណិជ្ជសាស្រ្ត បានប្រកាស​ផ្តល់អាហារូបករណ៍​ជាច្រើន​កន្លែង​ដល់​យុវជន​ ដែលមាន​បំណង​ចង់សិក្សា​ជំនាញក្នុងវិស័យ​ធុរកិច្ច និង​ព័ត៌មាន​វិទ្យា។

អាហារូបករណ៍ ថ្នាក់វេជ្ជបណ្ឌិតវេជ្ជសាស្រ្ត សម្រាប់ឆ្នាំសិក្សា២០២៦-២០២៧ ទៅសិក្សានៅសាធារណរដ្ឋគុយបា

ព័ត៌មានអាហារូបករណ៍, ព្រឹត្តិការណ៍

• 26/12/2025

ក្នុងឆ្នាំ២០២៦ខាងមុខនេះ រដ្ឋាភិបាល​នៃសាធារណរដ្ឋគុយបា បានផ្តល់អាហារូបករណ៍ចំនួន ១កន្លែង ដល់​និស្សិត​កម្ពុជា ដើម្បី​ទៅបន្ត​ការ​សិក្សា​ថ្នាក់វេជ្ជបណ្ឌិតវេជ្ជសាស្រ្ត (Doctor of Medicine) នៅ​សាធារណរដ្ឋគុយបា សម្រាប់ឆ្នាំសិក្សា​២០២៦-២០២៧។

អាហារូបករណ៍ ១ ៤០០កន្លែង លើ២១មុខជំនាញ ពីវិទ្យាស្ថានជាតិវិជ្ជាជីវៈ​បាត់ដំបង ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

ព័ត៌មានអាហារូបករណ៍, ព្រឹត្តិការណ៍

• 20/10/2025

វិទ្យាស្ថានជាតិវិជ្ជាជីវៈបាត់ដំបង ប្រកាស​ផ្តល់អាហារូបករណ៍ចំនួន ១ ៤០០កន្លែង លើ២១មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពី...

ឱកាស​សិក្សា​អាហារូបករណ៍​ចំនួន​២០កន្លែង​នៅ​សាកលវិទ្យាល័យ​ក្រចេះ​ឆ្នាំ​សិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/11/2024

ឱកាស​ទទួល​បានការសិក្សា​ថ្នាក់​បរិញ្ញាបត្រ​ចំនួន២០​កន្លែង​នៅ​សាកលវិទ្យាល័យ​ក្រចេះ សម្រាប់​ឆ្នាំសិក្សា​២០២៤-២០២៥។ អាហារូបករណ៍​ផ្ដល់​ជូន​ការ​សិក្សា​ពី​គម្រោង...

កម្មវិធីអាហារូបករណ៍ថ្នាក់អនុបណ្ឌិតពីប្រទេសអៀរឡង់ សម្រាប់ឆ្នាំសិក្សា ២០២៧/២០២៨

ព័ត៌មានអាហារូបករណ៍, ព្រឹត្តិការណ៍

• 30/06/2026

កម្មវិធីអាហារូបករណ៍ Ireland Fellows Programme – Asia សម្រាប់ឆ្នាំសិក្សា 2027/2028 ត្រូវបានបើកទទួលពាក្យជាផ្លូវការហើយ! អាហារូបករណ៍នេះផ្តល់ឱកាសដល់និស្សិត និងមន្ត្រីជំនាញមកពីប្រទេសកម្ពុជា វៀតណាម និងឡាវ...

វិទ្យាស្ថានជាតិអប់រំ ជ្រើសរើសគ្រូបង្រៀន ៤០នាក់ ចូលថ្នាក់បរិញ្ញាបត្រជាន់ខ្ពស់ ឯកទេសប្រឹក្សាគរុកោសល្យ

ព័ត៌មានអាហារូបករណ៍, ព្រឹត្តិការណ៍

• 24/04/2026

ជាឱកាស​សម្រាប់គ្រូបង្រៀនដែលចង់អភិវឌ្ឍសមត្ថភាព ! ពេលនេះ វិទ្យាស្ថានជាតិអប់រំ បានប្រកាស​ជ្រើសរើស​បេក្ខជនចំនួន ៤០នាក់ ឱ្យ​ចូលសិក្សា​ថ្នាក់បរិញ្ញាបត្រ​ជាន់ខ្ពស់ ឯកទេស​ប្រឹក្សា​គរុកោសល្យ សម្រាប់ជំនាន់ទី៧

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ France Eiffel Excellence ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 31/10/2024

កម្មវិធីអាហារូបករណ៍ France Eiffel Excellence ឆ្នាំសិក្សា២០២៥ប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតអន្តរជាតិ។ អាហារូបករណ៍គាំទ្រ និងផ្ដល់ដោយក្រសួងបារាំងសម្រាប់អឺរ៉ុប និងក្រសួងការបរទេស។

អាហារូបករណ៍ថ្នាក់ឧត្តមសិក្សា ១០០% ចំនួន ១៣កន្លែង ពី U-GO

ព័ត៌មានអាហារូបករណ៍, ព្រឹត្តិការណ៍

• 11/11/2026

ឱកាសសម្រាប់យុវតីកម្ពុជា បន្តការសិក្សានៅថ្នាក់ឧត្តមសិក្សា, ពេលនេះ U-GO (សហរដ្ឋអាមេរិក) បានប្រកាសផ្តល់អាហារូបករណ៍ ១០០% ចំនួន ១៣កន្លែង