ថ្នាលបឋម EPL EdTech ជួយគាំទ្រដល់ការរៀន បង្រៀន និងត្រួតពិនិត្យការសិក្សារបស់សិស្ស

ថ្នាលបឋម PLP (Primary Learning Program​) ត្រូវបានអភិវឌ្ឍ និងដាក់ឱ្យប្រើប្រាស់នៅឆ្នាំ២០២៥នេះ ដើម្បីគាំទ្រដល់ការរៀន និងបង្រៀន ក៏​ដូចជាការអភិវឌ្ឍវិជ្ជាជីវៈជាប្រចាំ និងការត្រួតពិនិត្យការសិក្សារបស់សិស្សក្នុងកម្រិតបឋមសិក្សា។

ក្នុងពិធីប្រកាសដាក់ឱ្យអនុវត្តជាផ្លូវការថ្នាលបឋម PLP (Primary Learning Program) ឯកឧត្តមបណ្ឌិត​សភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា ការសម្រេចបាននូវថ្នាលបឋម PLP នេះ បានចូលរួមចំណែកលើកកម្ពស់គុណភាពអប់រំបឋមសិក្សា តាមរយៈការទាញយកប្រយោជន៍ជាច្រើនពីការរីកចម្រើន នៃបច្ចេកវិទ្យាឌីជីថលសម្រាប់ការអប់រំនៅកម្ពុជា។ ជាពិសេស ឆ្លើយតបនឹងទិសដៅរបស់ក្រសួងអប់រំ ក្នុងការលើកកម្ពស់ការបណ្តុះបណ្តាល និងការបំប៉នបន្ថែមដល់គ្រូបង្រៀនលើការអនុវត្តវិធីសាស្ត្របង្រៀនអំណាន និងគណិតវិទ្យាថ្នាក់ដំបូង ដោយមានឈ្មោះថា «កញ្ចប់សម្ភារៈអំណាន និងគណិតវិទ្យាថ្នាក់ដំបូង» ដើម្បីធានាឱ្យ​សិស្សចេះអាន សរសេរ និងគិតលេខបានល្អប្រសើរ បន្ទាប់ពីបញ្ចប់ថ្នាក់បឋមសិក្សា។

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា

ជាមួយគ្នានេះ រដ្ឋមន្ត្រីក្រសួងអប់រំ ក៏បានជំរុញក្រុមការងារពាក់ព័ន្ធរៀបចំថ្នាលបឋម PLP បន្តពិនិត្យតាមដាន និងអនុវត្តកញ្ចប់អំណានដំបូង និងគណិតដំបូង បណ្តុះបណ្តាលគ្រូបង្រៀនបន្ថែមឱ្យឆ្លើយតបនឹងយុគសម័យឌីជីថល ជាពិសេសប្រើប្រាស់បញ្ញាសិប្បនិម្មិត (AI) នៅក្នុងការអប់រំទាំងការរៀន និងបង្រៀន ដើម្បីបង្កើនប្រសិទ្ធភាពការងារ ក្នុងគោលដៅអភិវឌ្ឍន៍ធនធានមនុស្ស ឆ្លើយតបនឹងចក្ខុវិស័យរបស់រាជរដ្ឋាភិបាល។

បើតាម​ក្រសួងអប់រំ យុវជន និងកីឡា ថ្នាលបឋម PLP EdTech​ ជាជំនួយថ្មីមួយបន្ថែមសម្រាប់គ្រូបង្រៀន ដែលអាចបង្កភាពងាយស្រួលក្នុងតាមដានសកម្មភាពសិក្សា លទ្ធផលសិក្សារបស់សិស្ស និងរៀបចំផែនការបង្រៀនស្របតាមសមត្ថភាពសិស្ស។ មន្ត្រីបច្ចេកទេសថ្នាក់ជាតិ និងអ្នកស្រាវជ្រាវ ក៏អាចធ្វើការវាយតម្លៃលទ្ធផលសិក្សារបស់សិស្ស តាមគំរូតេស្តវាយតម្លៃថ្នាក់ជាតិ (ថ្នាក់ទី៣ និងទី៦) និងថ្នាក់តំបន់ SEA-PLM (ថ្នាក់ទី៥) ផងដែរ។ ម៉្យាងទៀត ក្រៅពីមន្ត្រីបច្ចេកទេសថ្នាក់ជាតិ និងគ្រូបង្រៀន មាតាបិតា អាណាព្យាបាល ក៏អាចតាមដានការសិក្សារបស់កូនដោយផ្អែកលើទិន្នន័យសិក្សា និងលទ្ធផលសិក្សាប្រចាំថ្ងៃ សប្តាហ៍ ឬប្រចាំខែ។

ក្រៅពីអនុញ្ញាតឱ្យគ្រូបង្រៀន អាណាព្យាបាល តាមដានការសិក្សារបស់សិស្សានុសិស្ស ថ្នាល PLP នេះ ក៏អាចឱ្យសិស្សបង្កើនចំណេះដឹងខ្លួនឯងបន្ថែម តាមរយៈការធ្វើសំណួរតេស្តលើមុខវិជ្ជានានាដូចជា ភាសាខ្មែរ គណិតវិទ្យា វិទ្យាសាស្ត្រ និងមុខវិជ្ជាផ្សេងទៀត ទៅតាមមេរៀននីមួយៗដែលមានដូចនៅក្នុងកម្មវិធីសិក្សារបស់ក្រសួងអប់រំដែរ។ មិនតែប៉ុណ្ណោះ សិស្សក៏អាចទស្សនាវីដេអូការបង្រៀន និងអាចជ្រើសរើសសៀវភៅមកអានតាមបែបឌីជីថលទៀតផង។

លោកបណ្ឌិត កាន់ ពុទ្ធី អនុប្រធាននាយកដ្ឋានបឋមសិក្សា និងជាអ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា តាមរយៈការដាក់ឱ្យប្រើប្រាស់សាកល្បង ថ្នាលបឋម PLP EdTech ក្នុងរយៈពេលពីរបីសប្ដាហ៍កន្លងមក លោកសង្កេតឃើញថា លោកគ្រូ/អ្នកគ្រូ អាណាព្យាបាល និងសិស្សានុសិស្សចាប់អារម្មណ៍ខ្លាំង។

លោកបណ្ឌិត កាន់ ពុទ្ធី បញ្ចាក់ថា បច្ចុប្បន្ន មានសាលាជិត១០០ សាលារៀន គ្រូជាង១០០០នាក់ និងសិស្សជាង៤០ ០០០ នាក់បានចុះឈ្មោះប្រើប្រាស់ថ្នាលបឋម PLP PLP ។ លោកបណ្ឌិត កាន់ ពុទ្ធី សង្ឃឹមយ៉ាងមុតមាំថា ថ្នាលបឋម PLP (PLP EdTech) នឹងចូលរួមចំណែកដោយផ្ទាល់ដើម្បីធ្វើឱ្យកំណែទម្រង់អប់រំ ជាពិសេស កំណែទម្រង់អប់រំកម្រិតបឋមសិក្សាទទួលបានជោគជ័យ។

លោកបណ្ឌិត កាន់ ពុទ្ធី អនុប្រធាននាយកដ្ឋានបឋមសិក្សា និងជាអ្នកនាំពាក្យក្រសួងអប់រំ យុវជន និងកីឡា

អ្នកគ្រូ សុខ ធីតា ជាគ្រូបង្គោល ICT នៃសាលាបឋមសិក្សាសន្ធរម៉ុក មានប្រសាសន៍ថា ថ្នាលបឋម PLP EdTech ជាកម្មវិធីមួយដែលមានសារប្រយោជន៍សម្រាប់ជំនួយដល់ការបង្រៀន និងរៀន ក៏ដូចជាការវាយតម្លៃលទ្ធផលសិក្សារបស់សិស្ស។ អ្នកគ្រូ សុខ ធីតា បន្តថា ថ្នាលបឋម PLP EdTech នេះ មានលំហាត់ជាច្រើនដែលជំនួយដល់ការយល់ដឹងរបស់សិស្ស ដូចជា ការអាន ការស្ដាប់​ការនិយាយ និងការសរសេរ។​

អ្នកគ្រូ សុខ ធីតា បន្ថែមថា បន្ទាប់ពីបានចូលរួមវគ្គបណ្ដុះបណ្ដាលថ្នាលបឋម PLP EdTech នេះ ធ្វើឱ្យអ្នកគ្រូយល់ដឹងច្រើនពីការប្រើប្រាស់ ថ្នាលបឋម PLP EdTech នេះ និងយកអ្វីដែលរៀនបានទៅផ្សព្វផ្សាយដល់លោកគ្រូ អ្នកគ្រូ នៅសាលាឱ្យចូលរួមប្រើប្រាស់ និងផ្សព្វផ្សាយដល់អាណាព្យាបាលឱ្យចេះប្រើប្រាស់ ដើម្បីជួយជំរុញការសិក្សារបស់កូននៅផ្ទះបន្ថែម។

គួរជម្រាបជូនថា សម្រាប់គ្រូបង្រៀន សិស្សានុសិស្ស និងអាណាព្យាបាល អាចចូលប្រើប្រាស់ថ្នាលបឋម PLP តាមរយៈតំណភ្ជាប់ https://plp.moeys.gov.kh/​៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងអប់រំផ្តល់អាហារូបករណ៍ពេញលេញ សម្រាប់ជំនាញ STEM ៣២០កន្លែង

ព័ត៌មានអាហារូបករណ៍, ព្រឹត្តិការណ៍

• 18/08/2026

ក្រសួងអប់រំ យុវជន និងកីឡា ប្រកាសជ្រើសរើសបេក្ខជនឱ្យសិក្សាអាហារូបករណ៍ពេញថ្លៃចំនួន ៣២០ កន្លែង សម្រាប់ថ្នាក់បរិញ្ញាបត្រ បរិញ្ញាបត្រជាន់ខ្ពស់ និង ថ្នាក់បណ្ឌិត នៅតាមគ្រឹះស្ថានឧត្តមសិក្សាសាធារណៈ ក្រោមឱវាទក្រសួង ក្នុងក្របខណ្ឌ...

អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare ប្រទេសជប៉ុន

ព័ត៌មានអាហារូបករណ៍, ព្រឹត្តិការណ៍

• 03/05/2023

សាកលវិទ្យាល័យ International University of Health and Welfare ប្រទេសជប៉ុនប្រកាសជ្រើសរើសនិស្សិតឆ្នាំមូលដ្ឋាន និងឆ្នាំទី២ផ្នែកវេជ្ជសាស្ត្រនៃសាកលវិទ្យាល័យវិទ្យាសាស្ត្រ...

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Salford ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 19/05/2025

ឱកាសសម្រាប់សិស្ស និស្សិត​កម្ពុជា​ដែល​ចង់បន្តការសិក្សា​នៅ​ចក្រភពអង់គ្លេស ពេលនេះ កម្មវិធី Salford International Excellence Scholarship បានប្រកាសផ្តល់អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...

សហភាពអឺរ៉ុបប្រកាសផ្តល់អាហារូបករណ៍ពេញលេញ Erasmus Mundus ថ្នាក់អនុបណ្ឌិតគោលនយោបាយសាធារណៈ

ព័ត៌មានអាហារូបករណ៍, ព្រឹត្តិការណ៍

• 01/10/2026

សម្រាប់និស្សិត ឬមន្ត្រីរាជការកម្ពុជាដែលមានបំណងចង់បន្តការសិក្សាថ្នាក់ឧត្តមសិក្សានៅបណ្តាប្រទេសក្នុងទ្វីបអឺរ៉ុប កម្មវិធីអាហារូបករណ៍

ឱកាសអាហារូបករណ៍ជំនាញវិជ្ជាជីវៈនៅវិទ្យាស្ថានពហុបច្ចេកទេសភូមិភាគតេជោសែនបាត់ដំបង ចំនួន៥១០កន្លែង

ព័ត៌មានអាហារូបករណ៍, ព្រឹត្តិការណ៍

• 12/03/2024

វិទ្យាស្ថានពហុបច្ចេកទេសភូមិភាគតេជោសែនបាត់ដំបង ប្រកាសផ្តល់អាហាររូបករណ៍សិក្សាជំនាញវិជ្ជាជីវៈ ចំនួន៥១០កន្លែង សម្រាប់យុវជន យុវនារីដែលមកពីគ្រួសារក្រីក្រ គ្រួសារងាយរងហានិភ័យ...

រៀនថ្នាក់សញ្ញាបត្របច្ចេកទេស និងវិជ្ជាជីវៈ១ ឥតគិតថ្លៃ ចំនួន១៨០កន្លែង នៅ​វិទ្យាស្ថាន​ពហុបច្ចេកទេស​ខេត្ត​ព្រះវិហារ

ព័ត៌មានអាហារូបករណ៍, ព្រឹត្តិការណ៍

• 05/03/2026

សម្រាប់ឆ្នាំ២០២៦នេះ វិទ្យាស្ថាន​ពហុបច្ចេកទេស​ខេត្តព្រះវិហារ បានប្រកាស​ជ្រើសរើស​សិស្ស​ទាំងពីរភេទ (អាយុចាប់ពី១៥-៣៥ឆ្នាំ) ឱ្យ​ចូលរៀន​ឥតបង់ថ្លៃ លើជំនាញចំនួន៦ ដែលកំពុង​មានតម្រូវការ​ទីផ្សារការងារ។

អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០កន្លែង​ នៅវិទ្យាស្ថានបច្ចេកវិទ្យាកម្ពុជា

ព័ត៌មានអាហារូបករណ៍, ព្រឹត្តិការណ៍

• 10/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថានបច្ចេកវិទ្យាកម្ពុជាចំនួន១០កន្លែង​ ពីកម្មវិធីអាហារូបករណ៍ EDC-AFD-EU ។​ អាហារូបករណ៍ផ្ដល់ជូនការសិក្សារយៈពេល ២ឆ្នាំ ឬ៣ឆ្នាំតាមមុនជំនាញ ...

អាហារូបករណ៍ ADB ៧កន្លែង សម្រាប់បុគ្គលិកអប់រំ សិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត

ព័ត៌មានអាហារូបករណ៍, ព្រឹត្តិការណ៍

• 27/04/2026

ក្រសួងអប់រំ យុវជន និងកីឡា ប្រកាស​ផ្តល់​អាហារូបករណ៍ ៧ កន្លែង នៅក្នុងឆ្នាំសិក្សា ២០២៦ នេះ សម្រាប់​ថ្នាក់​បរិញ្ញាបត្រ​ជាន់​ខ្ពស់ និងថ្នាក់បណ្ឌិត សិក្សា​នៅ​សាកលវិទ្យាល័យ​ក្នុង​ប្រទេស​កម្ពុជា។ ក្នុង​នោះ​សម្រាប់​ថ្នាក់​បរិញ្ញាបត្រ​...

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ជំនាញវិស្វកម្មនុយក្លេអ៊ែរពីរដ្ឋាភិបាលចិន

ព័ត៌មានអាហារូបករណ៍, ព្រឹត្តិការណ៍

• 25/04/2025

កម្មវិធីអាហារូបករណ៍រដ្ឋាភិបាលចិនប្រភេទ B ឬ CSC Type B បើកជ្រើសរើស សិស្ស និស្សិតសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ នៅសាកលវិទ្យាល័យវិស្វកម្ម Habin សម្រាប់ឆ្នាំសិក្សា២០២៥។ អាហារូបករណ៍ផ្តល់ជូន សិស្ស...