អ្នកជំនាញ ៖ ភាសារុស្ស៊ីពិបាករៀន តែបើចេះច្បាស់ នឹងងាយទទួលបានឱកាសអាហារូបករណ៍ និងការងារជំនាញខ្ពស់

អ្នកជំនាញអប់រំលើកឡើងថា ទោះបីភាសារុស្ស៊ីមិនទាន់មានប្រជាប្រិយភាពទូលំទូលាយនៅកម្ពុជាក៏ដោយ ក៏ការចេះភាសានេះអាចជួយយុវជនពង្រីកឱកាសទទួលបានអាហារូបករណ៍ទៅសិក្សានៅប្រទេសរុស្ស៊ី និងបង្កើនលទ្ធភាពចូលទៅកាន់ទីផ្សារការងារដែលទាមទារជំនាញឯកទេស ការបកប្រែ និងចំណេះដឹងបច្ចេកទេស។

លោកបណ្ឌិត ញិល រដ្ឋា ប្រធានសមាគមអតីតនិស្សិតកម្ពុជាពីសូវៀត និងរុស្ស៊ី មានប្រសាសន៍ប្រាប់ AMS ថា ភាសារុស្ស៊ីជាភាសាផ្លូវការមួយក្នុងចំណោមភាសាផ្លូវការទាំង៦ របស់អង្គការសហប្រជាជាតិ ហើយការចេះភាសានេះអាចបើកផ្លូវឱ្យអ្នកសិក្សាស្វែងយល់ពីវិទ្យាសាស្ត្រ បច្ចេកវិទ្យា ទស្សនវិជ្ជា និងប្រព័ន្ធអប់រំរបស់ប្រទេសដែលប្រើប្រាស់ភាសារុស្ស៊ី។

លោកបណ្ឌិត ញិល រដ្ឋា

លោកបណ្ឌិតបានបញ្ជាក់ថា សម្រាប់យុវជនកម្ពុជា ការចេះភាសារុស្ស៊ីបន្ថែម អាចក្លាយជាចំណុចពិសេសមួយក្នុងការប្រកួតប្រជែងលើទីផ្សារការងារ ជាពិសេសក្នុងវិស័យបកប្រែ ការងារបច្ចេកទេស និងការងារផ្សេងៗដែលត្រូវការអ្នកមានសមត្ថភាពប្រើប្រាស់ភាសានេះ។

ទោះជាយ៉ាងណា លោកបណ្ឌិត ញិល រដ្ឋា ទទួលស្គាល់ថា ភាសារុស្ស៊ីមានភាពស្មុគស្មាញ ដោយសារប្រើអក្សរក្រមស៊ីរីលិក (Cyrillic) និងមានក្បួនវេយ្យាករណ៍ដែលតម្រូវឱ្យអ្នកសិក្សាផ្លាស់ប្តូរទម្រង់ពាក្យទៅតាមភេទ និងរចនាសម្ព័ន្ធប្រយោគ។

លោកបន្តថា ការរៀនតាមប្រព័ន្ធត្រឹមត្រូវ និងមានវិន័យក្នុងការសិក្សា គឺជាកត្តាសំខាន់ដែលអាចជួយឱ្យអ្នករៀនឆ្លងផុតការលំបាកដំបូង។ លោកយល់ថា រយៈពេលប្រហែល៦ខែដំបូងអាចជាដំណាក់កាលប្រឈមសម្រាប់អ្នកចាប់ផ្តើមរៀន មុនពេលពួកគេមានមូលដ្ឋានកាន់តែរឹងមាំក្នុងការប្រើប្រាស់ភាសានេះ។

ជាមួយគ្នានេះ លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា និងជាអតីតនិស្សិតដែលបានសិក្សានៅប្រទេសរុស្ស៊ី បានឱ្យដឹងថា នៅថ្ងៃទី២១ ខែតុលា ឆ្នាំ២០២៦ រាជបណ្ឌិត្យសភាកម្ពុជាបានបើកវគ្គបណ្តុះបណ្តាលភាសារុស្ស៊ីជំនាន់ទី២ ដោយឥតគិតថ្លៃ សម្រាប់អ្នកដែលមិនទាន់មានចំណេះដឹងភាសារុស្ស៊ី និងអ្នកដែលមានចំណេះដឹងមូលដ្ឋានខ្លះៗ។

លោកបណ្ឌិតបានបញ្ជាក់ថា វគ្គបណ្តុះបណ្តាលនេះត្រូវបានរៀបចំឡើងក្រោមកិច្ចសហប្រតិបត្តិការរវាងរាជបណ្ឌិត្យសភាកម្ពុជា និងវិទ្យាស្ថានភូស្គីននៃសហព័ន្ធរុស្ស៊ី ក្នុងគោលបំណងលើកកម្ពស់ការសិក្សាភាសារុស្ស៊ី ពង្រីកឱកាសសិក្សាភាសាបរទេស និងពង្រឹងការផ្លាស់ប្តូរចំណេះដឹង ភាសា និងវប្បធម៌រវាងប្រជាជននៃប្រទេសទាំងពីរ។

លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា (រូបកណ្តាល)

លោកបណ្ឌិត សុខ ទូច បានគូសបញ្ជាក់ថា ភាសាមិនត្រឹមតែជាមធ្យោបាយសម្រាប់ទំនាក់ទំនងប៉ុណ្ណោះទេ ប៉ុន្តែថែមទាំងជាស្ពានតភ្ជាប់ចំណេះដឹង វប្បធម៌ និងមិត្តភាពរវាងប្រជាជននៃប្រទេសទាំងពីរផងដែរ។

សូមជម្រាបថា បច្ចុប្បន្នទីតាំងសំខាន់ៗដែលមានការបណ្តុះបណ្តាលភាសារុស្ស៊ីនៅកម្ពុជារួមមាន មជ្ឈមណ្ឌលវប្បធម៌រុស្ស៊ី រាជបណ្ឌិត្យសភាកម្ពុជា និងសាកលវិទ្យាល័យជាតិមានជ័យ ដែលផ្តល់ជម្រើសសិក្សាភាសាបរទេសបន្ថែមដល់អ្នកចាប់អារម្មណ៍។

ការពង្រីកការសិក្សាភាសារុស្ស៊ីអាចជួយឱ្យយុវជនកម្ពុជាបង្កើនសមត្ថភាពភាសា ស្វែងយល់ពីវប្បធម៌អន្តរជាតិ និងត្រៀមខ្លួនសម្រាប់ឱកាសសិក្សា និងការងារនាពេលអនាគត៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាថ្នាក់ Online ឥតគិតថ្លៃពី UNICEF Online Courses 2023

ព័ត៌មានអាហារូបករណ៍, ព្រឹត្តិការណ៍

• 06/06/2023

កម្មវិធីសិក្សាឥតគិតថ្លៃពី UNICEF online Course 2023 បើកទទួលនិស្សិតអន្តជាតិគ្រប់ជាតិសាសន៍សិក្សាដោយឥតគិតថ្លៃចំនួន១១៥៤វគ្គសិក្សា។ អាហារូបករណ៍ក៏មានផ្ដល់លិខិតបញ្ជាក់...

ឱកាសផ្លាស់ប្ដូរការសិក្សានៅប្រទេសបារាំងក្នុងកម្មវិធី Young Leaders Union Paris 2025

ព័ត៌មានអាហារូបករណ៍, ព្រឹត្តិការណ៍

• 30/06/2025

កម្មវិធីផ្លាស់ប្ដូរការសិក្សារយៈពេល៤ថ្ងៃនៅទីក្រុងប៉ារីស ប្រទេសបារាំង សម្រាប់និស្សិតអន្តរជាតិ ក្នុងកម្មវិធី Young Leaders Union Paris 2025 កំពុងបើកទទួលពាក្យ។ កម្មវិធីមានរយៈពេលចំនួន៤ថ្ងៃ ដោយគិតចាប់ពីថ្ងៃទី០១ ដល់ថ្ងៃទី០៤ ខែវិច្ឆិកា ឆ្នាំ២០២៥។

ក្រសួងអប់រំជ្រើសរើសនិស្សិត ១២០នាក់ ទៅសិក្សាថ្នាក់ក្រោយឧត្តមសិក្សា និងបរិញ្ញាបត្រ នៅ​ប្រទេស​វៀតណាម ក្នុងឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 14/03/2024

យោង​ទៅ​លើ​អនុស្សរណៈ នៃ​កិច្ច​ព្រមព្រៀង​ស្តីពី​កិច្ច​សហប្រតិបត្តិការ​អប់រំ រវាង​ក្រសួងអប់រំ យុវជន និងកីឡា នៃព្រះរាជាណាចក្រ​កម្ពុជា និង​ក្រសួងអប់រំ បណ្តុះបណ្តាល នៃសាធារណរដ្ឋសង្គមនិយម​វៀតណាម...

អាហារូបករណ៍អភិសន្តិបណ្ឌិត ស សុខា ចំនួន ១០ កន្លែង សិក្សា​នៅសាកលវិទ្យាល័យជាតិគ្រប់គ្រង

ព័ត៌មានអាហារូបករណ៍, ព្រឹត្តិការណ៍

• 29/09/2026

សម្រាប់សិស្សានុសិស្ស​ដែលទើបប្រឡង​ជាប់សញ្ញាបត្រ​មធ្យមសិក្សា​ទុតិយភូមិ និងមានបំណងចង់បន្តការសិក្សា​ថ្នាក់ឧត្តមសិក្សា​នៅ​សាកលវិទ្យាល័យជាតិគ្រប់គ្រង

អាហារូបករណ៍ ១០០% ចំនួន ១៥កន្លែង លើជំនាញអប់រំកុមារតូច នៅសាកលវិទ្យាល័យសិល្បៈភ្នំពេញ

ព័ត៌មានអាហារូបករណ៍, ព្រឹត្តិការណ៍

• 15/09/2026

សាកលវិទ្យាល័យសិល្បៈភ្នំពេញ បានប្រកាសផ្ដល់អាហារូបករណ៍ពេញលេញ (១០០%) ក្រោមការឧបត្ថម្ភដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហង់ជួន ណារ៉ុន

អគ្គនាយកដ្ឋានអប់រំ ជ្រើសរើសនិស្សិតចុះកម្មសិក្សាការងារ ៦រូប លើជំនាញរដ្ឋបាល អប់រំ ទំនាក់ទំនងអន្តរជាតិ និងព័ត៌មានវិទ្យា

ព័ត៌មានអាហារូបករណ៍, ព្រឹត្តិការណ៍

• 05/10/2026

ឱកាស​សម្រាប់សិស្ស​និស្សិត ដែល​កំពុងសិក្សា​លើ​ជំនាញ រដ្ឋបាលសាធារណៈ អប់រំ ទំនាក់ទំនងអន្តរជាតិ និងបច្ចេកវិទ្យាកុំព្យូទ័រ និងព័ត៌មានវិទ្យា

ឱកាសសិក្សាតាមរយៈ Online ឥតគិតថ្លៃពីកម្មវិធី UNICEF Online Course

ព័ត៌មានអាហារូបករណ៍, ព្រឹត្តិការណ៍

• 21/05/2024

ឱកាសសិក្សាអាហារូបករណ៍តាមរយៈOnlineពីកម្មវិធី UNICEF Online Course ឆ្នាំសិក្សា២០២៤។ កម្មវិធីសិក្សាអាចផ្ដល់ភាពងាយស្រួលឱ្យអ្នកសិក្សា...

វិទ្យាស្ថានពហុបច្ចេកទេសខេត្តកំពង់ស្ពឺផ្ដល់អាហារូបករណ៍សិក្សាជំនាញបច្ចេកទេសចំនួន២២៥កន្លែង

ព័ត៌មានអាហារូបករណ៍, ព្រឹត្តិការណ៍

• 16/05/2023

វិទ្យាស្ថានពហុបច្ចេកទេសខេត្តកំពង់ស្ពឺប្រកាសជ្រើសរើសសិក្ខាកាមសិក្សាជំនាញបច្ចេកទេសវគ្គខ្លី មួយសប្ដាហ៍ និងបួនខែចំនួន២២៥កន្លែង​ដោយឥតគិថ្លៃ ។...

អាហារូបករណ៍ប្រភេទ B ថ្នាក់ឧត្ដមសិក្សានៅសាកលវិទ្យាល័យធានជីន ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 31/01/2025

កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសជ្រើសរើសនិស្សិតអាហារូបករណ៍ថ្នាក់ឧត្ដមសិក្សា សិក្សានៅសាកលវិទ្យាល័យធានជីន សម្រាប់ឆ្នាំសិក្សា២០២៥។