ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – រូបភាពជាគំនូរដែលគេឃើញនៅក្នុងសៀវភៅភាសាអង់គ្លេស (English for fun) របស់ក្រសួងអប់រំ យុវជន និងកីឡា សម្រាប់ការសិក្សាចាប់ពីកម្រិតបឋមសិក្សា រហូតដល់កម្រិតវិទ្យាល័យ ដ៏គួរឱ្យទាក់ទាញ តាមពិតទៅវាត្រូវបានគូរឡើងដោយវិចិត្រការិនី សៅ ស្រីម៉ៅ ដែលនាងបានបញ្ចប់ការសិក្សាត្រឹមថ្នាក់ទី៧ប៉ុណ្ណោះ។
ស្រីម៉ៅ មានខ្សែជីវិតដ៏វែងឆ្ងាយមួយដែលមិនអាចពិពណ៌នាអស់ , ត្បិតតែ ស្រីម៉ៅ រៀនបានត្រឹមថ្នាក់ទី៧នៅក្នុងប្រព័ន្ធអប់រំចំណេះទូទៅមែន ប៉ុន្តែនាងមានចំណេះដឹង និងទេពកោសល្យនៅក្នុងផ្នែកសិល្បៈគំរូដ៏ច្រើនសន្ធឹក ហើយបច្ចុប្បន្ននាងមានឱកាសក្នុងការចូលរួមចំណែកអភិវឌ្ឍវិស័យអប់រំនៅកម្ពុជាតាមរយៈការគូររូបនៅក្នុងសៀវភៅសម្រាប់ក្រសួងអប់រំ ។
វិចិត្រការិនី សៅ ស្រីម៉ៅ បាននិយាយថា ដោយសារតែអាជីពជាអ្នកសិល្បៈ និងមើលឃើញជាក់ស្ដែងពីស្ថានភាពក្មេងៗនៅក្នុងសហគមន៍ដែលនាងបានជួបកន្លងមកមានការខ្វះខាតនូវសៀវភៅអាន ទើបនាងសម្រេចចិត្តចូលរួមគម្រោងគំនូរជាមួយក្រសួងអប់រំ ។
តាមរយៈភារកិច្ច និងទំនួលខុសត្រូវ ស្រីម៉ៅ ចាប់ផ្តើមស្និតជាមួយកិច្ចការអប់រំជាច្រើន តួយ៉ាងដូចជានៅមុនពេលផលិតសៀវភៅម្តងៗ នាងតែងសិក្សា ស្រាវជ្រាវបន្ថែមអំពីអត្ថន័យខ្លឹមសារជាមុនសិន ទើបអាចគូសរូបដែលឆ្លើយតបទៅនឹងអត្ថន័យទាំងនោះបាន។ កត្តាទាំងនេះហើយធ្វើឱ្យនាងរឹងរឹតតែឱ្យតម្លៃទៅការអប់រំបន្ថែមមួយកម្រិតទៀត។
ទោះមិនបានត្រឡប់ទៅផ្តើមការសិក្សាឡើងវិញ ប៉ុន្តែ ស្រីម៉ៅ បានរិះរកវិធីសាស្រ្តនានាដើម្បីអភិវឌ្ឍសមត្ថភាពដូចជា ការស្វ័យសិក្សា និងឈ្វេងយល់ទៅតាមរយៈការអាន, ការសង្កេតបញ្ហាសង្គមតាមដានព័ត៌មានថ្មីៗ និងហ៊ានផ្តល់ឱកាសឱ្យខ្លួនឯងសាកល្បងគម្រោង ឬភារកិច្ចថ្មីៗតាមរយៈជំនាញរបស់ខ្លួនដើម្បីអភិវឌ្ឍសមត្ថភាពបន្ថែម។
កញ្ញា សៅ ស្រីម៉ៅ
“ទោះមានបញ្ហាអ្វីក៏ដោយ ខ្ញុំនៅតែបន្តដើរទៅមុខជានិច្ច និងតែងតែគាំទ្រខ្លួនឯង ព្រោះមានតែខ្លួនឯងទេទើបជាកម្លាំងចិត្តដែលមិនចេះរីងស្ងួត”
តាមពិតទៅ ត្បិតតែ កញ្ញា សៅ ស្រីម៉ៅ រៀនសូត្របានត្រឹមថ្នាក់ទី៧ក៏ពិតមែន ប៉ុន្តែនាងបានសាងសមិទ្ធិផល និងផលប្រយោជន៍ជាច្រើនសម្រាប់សង្គមតាមរយៈជំនាញសិល្បៈរបស់នាង តួយ៉ាងដូចជាពេលកន្លងមក ស្នាដៃគំនូរ ក៏ដូចជាការសូន្យរូបរបស់នាងត្រូវបានគេយកទៅតាំងពីព័ណ៌នៅប្រទេសជាច្រើនជុំវិញពិភពលោក, នាងក៏បានបង្កើតជាទីតាំងមួយដោយឱ្យឈ្មោះថា ទីសំចត ដើម្បីបម្រើផលប្រយោជន៍សង្គមដូចជា ការបង្ហាញពីសិល្បៈ ការស្នាក់អាស្រ័យក្នុងរយៈពេលខ្លី និងជាកន្លែងផ្តល់នូវភាពច្នៃប្រតិដ្ឋដល់អ្នកសិល្បៈឯទៀតជាដើម។
យ៉ាងណាក៏ដោយ ការសម្រេចបាននូវសមិទ្ធិផលទាំងនេះ ស្រីម៉ៅ បានបញ្ជាក់ថា វាបានមកដោយការខិតខំរបស់ខ្លួនឯង ហើយអ្វីដែលសំខាន់បំផុតនោះ គឺការយកចិត្តទុកដាក់ទៅលើសុខភាព ទាំងផ្លូវកាយ និងផ្លូវចិត្ត។ « តាមរយៈបទពិសោធន៍ ការដែលខ្ញុំអាចឱ្យខ្លួនឯងមានវីធីទទួលបានការងារច្រើន គឺដោយតែខ្ញុំផ្តោតទៅលើសុខភាពជាអាទិភាព និងមានការបង្កើតវិន័យផងដែរ តែខ្ញុំតែងតែឆ្លៀតពេលហាត់ប្រាណ បរិភោគអាហាសុខភាព និងរៀបចំផែនការងារឱ្យបានត្រឹមត្រូវ»៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រជាន់ខ្ពស់ ពី ADB-KFP ឆ្នាំ២០២៦ ទៅសិក្សានៅប្រទេសកូរ៉េខាងត្បូង
ព័ត៌មានអាហារូបករណ៍, ព្រឹត្តិការណ៍
• 13/01/2026
ឱកាសសម្រាប់មន្ត្រីរាជការ បុគ្គលិកអង្គការ និងនិស្សិតកម្ពុជា ដែលមានបំណងចង់ពង្រឹងសមត្ថភាពលើជំនាញគោលនយោបាយ និងការគ្រប់គ្រង ពេលនេះសាលាគោលនយោបាយសាធារណៈ និងការគ្រប់គ្រង KDI (KDI School)
ឱកាសសម្រាប់ប្រជាពលរដ្ឋ និងយុវជននៅខេត្តបន្ទាយមានជ័យ សិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន ១៦៥០នាក់
ព័ត៌មានអាហារូបករណ៍, ព្រឹត្តិការណ៍
• 13/03/2024
វិទ្យាស្ថានពហុបច្ចកទេសខេត្តបន្ទាយមានជ័យ បានជូនដំណឹងថា វិទ្យាស្ថាននឹងបើកវគ្គបណ្តុះបណ្តាលដល់បងប្អូនប្រជាពលរដ្ឋ យុវជន កម្មករ កម្មការិនី និងជនចំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ...
អាហារូបករណ៍ថ្នាក់បរិញ្ញាបត្រជាន់ខ្ពស់ ៥០កន្លែង លើជំនាញបច្ចេកវិទ្យាឌីជីថល នៅ CADT
ព័ត៌មានអាហារូបករណ៍, ព្រឹត្តិការណ៍
• 12/01/2026
ក្រសួងប្រៃសណីយ៍និងទូរគមនាគមន៍ (ក.ប.ទ.) ប្រកាសជ្រើសរើសនិស្សិតអាហារូបករណ៍ចំនួន ៥០ នាក់ ស្មើនឹង ២ ថ្នាក់ ដើម្បីសិក្សាថ្នាក់ បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថល ព្រមទាំងធ្វើការបណ្តុះបណ្តាលវិធីសាស្ត្របង្រៀនជំនាញបច្ចេកវិទ្យាឌីជីថល...
ឱកាសសម្រាប់និស្សិតកម្ពុជា! អាហារូបករណ៍ពេញថ្លៃ DAAD ថ្នាក់បរិញ្ញាបត្រជាន់ខ្ពស់ ផ្នែក STEM នៅប្រទេសអាល្លឺម៉ង់
ព័ត៌មានអាហារូបករណ៍, ព្រឹត្តិការណ៍
• 05/06/2026
បច្ចុប្បន្ន កម្មវិធីអាហារូបករណ៍ដ៏មានកិត្យានុភាព DAAD Study Scholarships for STEM Disciplines របស់រដ្ឋាភិបាលអាល្លឺម៉ង់ កំពុងបើកទទួលពាក្យស្នើសុំពីនិស្សិតមកពីប្រទេសកំពុងអភិវឌ្ឍ រួមទាំងប្រទេសកម្ពុជាផងដែរ...
អាហារូបករណ៍ចូលសិក្សាវគ្គបណ្តុះបណ្តាលជំនាញអប់រំភាសាកូរ៉េ នៅសាកលវិទ្យាល័យភូមិន្ទភ្នំពេញ
ព័ត៌មានអាហារូបករណ៍, ព្រឹត្តិការណ៍
• 24/07/2025
សាកលវិទ្យាល័យភូមិន្ទភ្នំពេញ បានប្រកាសដល់និស្សិតដែលកំពុងសិក្សាថ្នាក់បរិញ្ញាបត្រ ឬបញ្ចប់ការសិក្សាថ្នាក់បរិញ្ញាបត្រភាសាកូរ៉េ នៅសាកលវិទ្យាល័យភូមិន្ទភ្នំពេញ និងគ្រប់ស្ថាប័នទាំងអស់ថា សាកលវិទ្យាល័យនឹងផ្តល់អាហារូបករណ៍ចំនួន១៥កន្លែង...
អាហារូបករណ៍ ៧០% សិក្សាវគ្គខ្លីនៅ ADITI Academy
ព័ត៌មានអាហារូបករណ៍, ព្រឹត្តិការណ៍
• 21/08/2025
ឱកាសសិក្សាវគ្គខ្លីផ្នែកព័ត៌មានវិទ្យានៅ ADITI Academy សម្រាប់សិស្សានុសិស្សចូលសិក្សារយៈពេល៣ខែ ដោយភ្ជាប់ការសិក្សាទ្រឹស្ដី និងការអនុវត្តជាក់ស្ដែង។
កម្មវិធី Kemitraan Negara Berkembang ប្រកាសផ្តល់អាហារូបករណ៍ថ្នាក់ឧត្តមសិក្សាជាច្រើនកន្លែងនៅប្រទេសឥណ្ឌូនេស៊ី
ព័ត៌មានអាហារូបករណ៍, ព្រឹត្តិការណ៍
• 27/01/2023
ភ្នំពេញ - ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតថ្នាក់អន្តរជាតិសិក្សានៅប្រទេសឥណ្ឌូនេស៊ី ឆ្នាំសិក្សា២០២៣...
កម្មវិធីពិសេសរបស់ AMS EDUCATION
ព័ត៌មានសង្ខេប
