ក្រសួងអប់រំ ស្នើឱ្យភាគីពាក់ព័ន្ធចូលរួមប្រើប្រាស់សំណេរ និងអក្ខរាវិរុទ្ធភាសាខ្មែរឱ្យបានត្រឹមត្រូវ

ក្រសួងអប់រំ យុវជន និងកីឡា កាលពីពេលថ្មីៗនេះ បានចេញសេចក្ដីណែនាំឱ្យ​មានការលើកកម្ពស់ការប្រើប្រាស់សំណេរ និងអក្ខរាវិរុទ្ធភាសាខ្មែរឱ្យបានត្រឹមត្រូវ មិនថានៅលើបណ្តាញផ្សព្វផ្សាយ បណ្តាញទំនាក់ទំនងសង្គម និងនៅតាមទីសាធារណៈ ទាំងក្បួនសរសេរ អក្ខរាវិរុទ្ធ និងវេយ្យាករណ៍ ក្នុងន័យបណ្តុះស្មារតីស្រឡាញ់ ថែរក្សាអក្សរ និងភាសាជាតិឱ្យបានគង់វង្ស និងរីកចម្រើនថែមទៀត។

លោកស្រីបណ្ឌិត ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា អរិយធម៌ប្រទេសមួយដែលរុងរឿងរីកចម្រើន គឺអាចបញ្ជាក់បានតាមរយៈរឿងជាច្រើន នៅក្នុងនោះ គឺមានវប្បធម៌ដែលមានភាសាជាផ្នែកមួយសំខាន់។ ហើយការថែរក្សា និងសរសេរអក្សរខ្មែរបានត្រឹមត្រូវ និងច្បាស់លាស់នេះ គឺជារឿងមួយចាំបាច់ ហើយមិនអាចបំភ្លេចបានដើម្បីឆ្លើយតបទៅនឹងមហិច្ឆិតាដែលកម្ពុជាចង់ក្លាយទៅជាប្រទេសអភិវឌ្ឍន៍នៅឆ្នាំ២០៥០ ខាងមុខនេះ។

នៅក្នុងប្រវត្តិសាស្រ្តក៏បានបញ្ជាក់អំពីគំនិតច្នៃប្រឌិតខ្ពស់របស់បុព្វបុរសខ្មែរនៅក្នុងការបង្កើតអក្សរសាស្រ្តខ្មែរ ហើយបានខិតខំប្រឹងប្រែងថែរក្សាអក្សរខ្មែរ បើទោះជាកម្ពុជាស្ថិតនៅក្នុងសម័យអាណាព្យាបាលបារាំងក៏ដោយ។ ដូច្នេះហើយ ក្នុងនាមជាកូនខ្មែរដែលមានបំណងចង់អភិវឌ្ឍន៍ប្រទេសជាតិឱ្យក្លាយទៅជាប្រទេសអភិវឌ្ឍ ត្រូវការថែរក្សាភាសា និងសរសេរឱ្យបានត្រឹមត្រូវ។

លោកស្រីបណ្ឌិត ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា

លោកស្រីបណ្ឌិត ឃួន វិច្ឆិកា បញ្ជាក់បន្ថែមថា ការសរសេរឱ្យបានត្រឹមត្រូវបានរួមចំណែក ដូចជា ទី១. ការសរសរបានត្រឹមត្រូវ បង្ហាញពីភាពច្បាស់លាស់ក្នុងការទំនាក់ទំនង និងជៀសវាងការយល់ច្រឡំ ។ ទី២. ការសរសរបានត្រឹមត្រូវជួយក្នុងឯកសារបច្ចេកទេសផ្លូវការ​​ ក៏ដូចជាឯកសារផ្លូវច្បាប់ផងដែរ។ ដូច្នេះ ការសរសេរឱ្យបានត្រឹមត្រូវតាមអក្ខរាវិរុទ្ធនៅក្នុងឃ្លាស្របទៅតាមអត្ថន័យដែលកុំឱ្យអ្នកអានមានការយល់ច្រឡំមានសារសំខាន់ទាំងការទំនាក់ទំនងទូទៅ និងប្រើនៅក្នុងឯកសារគតិយុត្តិនានា។

ការថែរក្សា និងសរសេរអក្សរខ្មែរបានត្រឹមត្រូវ និងច្បាស់លាស់នេះ គឺជារឿងមួយចាំបាច់

លោកស្រីបណ្ឌិត ឃួន វិច្ឆិកា បន្តថា កន្លងមក ក្រសួងអប់រំ តែងតែលើកទឹកចិត្តគ្រូបង្រៀន ក៏ដូចជាសិស្សានុសិស្សចូលរួមប្រើប្រាស់សំណេរអក្ខរាវិរុទ្ធឱ្យបានត្រឹមត្រូវផងដែរ។ ក្រសួងអប់រំ តែងយកចិត្តទុកដាក់បណ្ដុះបណ្ដាលភាសាខ្មែរ ដោយសិក្សាស្រាវជ្រាវបន្ថែមទៅលើវិធីសាស្រ្តបង្រៀនល្អៗថ្មីៗ ដើម្បីធ្វើឱ្យការអប់រំភាសាខ្មែរកាន់តែមានប្រសិទ្ធភាពខ្ពស់ ។ ទន្ទឹមគ្នានេះ ដើម្បីឱ្យមុខវិជ្ជាភាសាខ្មែរ មានភាពទាក់ទាញសម្រាប់ប្អូនៗសិស្សានុសិស្ស ហើយរៀនឆាប់ចេះសរសេរ គឺក្រសួងអប់រំ បានស្រាវជ្រាវជាប្រចាំទៅលើវិធីសាស្រ្តបង្រៀន។

ជាក់ស្ដែង កាលពីឆ្នាំ២០១៩ ក្រសួងអប់រំ បានសិក្សាស្រាវជ្រាវ និងរកឃើញវិធីសាស្រ្តបង្រៀនថ្មី និងបានអនុវត្តសាកល្បងនៅតាមសាលាមួយចំនួន ហើយពេលនេះកំពុងផ្សព្វផ្សាយនៅទូទាំងប្រទេសអំពីវិធីសាស្រ្តបង្រៀនអំណានដំបូង ដើម្បីជំរុញឱ្យការរៀន និងសរសេរភាសាខ្មែរ មានប្រសិទ្ធភាពកាន់តែខ្ពស់ និងធ្វើឱ្យក្មេងៗឆាប់ចេះភាសាខ្មែរ។ ក្រៅពីនេះ ក្រសួងអប់រំ ក៏គាំទ្រសម្រាប់ការតែងនិពន្ធសៀវភៅសម្រាប់សាលារៀន ជាពិសេសនៅតាមគ្រឹះស្ថានអប់រំនានា រួមមាន វិទ្យាស្ថានគរុកោសល្យ គ្រឹះស្ថានឧត្តមសិក្សា ក៏ដូចជាលោកគ្រូ អ្នកគ្រូដែលចាប់អារម្មណ៍ចង់សរសេរសៀវភៅ អាចចូលរួមសរសេរអត្ថបទជាភាសាខ្មែរដើម្បីបោះពុម្ព និងចែកផ្សាយដល់ប្អូនៗសិស្សានុសិស្សផងដែរ។  

រូបភាព៖ សិស្សានុសិស្សពិភាក្សាក្រុម។

យ៉ាងណាក៏ដោយ ដើម្បីលើក​កម្ពស់ការប្រើប្រាស់សំណេរ និងអក្ខរាវិរុទ្ធភាសាខ្មែរ​ឱ្យ​បានត្រឹម​ត្រូវ បើ​តាមសេចក្តីណែនាំរបស់ក្រសួងអប់រំ យុវជន និងកីឡាគ្រប់អង្គភាពទាំងនៅថ្នាក់ជាតិ ថ្នាក់ក្រោមជាតិ គ្រឹះស្ថានសិក្សាសាធារណៈនិងឯកជន សិស្សានុសិស្ស យុវជន និងអ្នកពាក់ព័ន្ធ ត្រូវអនុវត្តដូចជា ៖

១. សិស្សានុសិស្ស និងយុវជនទាំងអស់ត្រូវយកចិត្តទុកដាក់ និងខិតខំរៀនភាសាខ្មែរ ទាំងលើការអាន និងការសរសេរ ឱ្យបានត្រឹមត្រូវតាមអក្ខរាវិរុទ្ធ និងវេយ្យាករណ៍ភាសាខ្មែរ។

២. សិស្សានុសិស្ស យុវជន និងពលរដ្ឋទាំងអស់ ត្រូវយកចិត្តទុកដាក់ក្នុងការប្រើប្រាស់ភាសាខ្មែរ ទាំងការនិយាយទាំងការសរសេរ ឱ្យបានត្រឹមត្រូវតាមក្បួនវេយ្យាករណ៍ និងអក្ខរាវិរុទ្ធភាសាខ្មែរ ក្នុងគ្រប់ស្ថានភាព ទោះក្នុងបណ្តាញទំនាក់ទំនងសង្គមឬទំនាក់ទំនងផ្ទាល់ ការផ្សព្វផ្សាយឬការចែករំលែកព័ត៌មាន និងការកម្សាន្តណាមួយក្តី។

៣. គ្រប់គ្រឹះស្ថានសិក្សាសាធារណៈ និងឯកជនទាំងអស់ ត្រូវត្រួតពិនិត្យ និងកែលម្អគ្រប់សំណេរទាំងឡាយដែលប្រើប្រាស់ ដាក់តាំង និងផ្សព្វផ្សាយជាសាធារណៈ នៅក្នុងបរិវេណគ្រឹះស្ថានសិក្សារបស់ខ្លួន ជាពិសេសអក្ខរាវិរុទ្ធ និងក្បួនវេយ្យាករណ៍ភាសាខ្មែរ។

៤. គ្រូបង្រៀនគ្រប់ភូមិសិក្សា គ្រប់កម្រិតថ្នាក់ និងគ្រប់មុខវិជ្ជា ត្រូវជំរុញ និងលើកទឹកចិត្ត សិស្ស និងនិស្សិតឱ្យយកចិត្តទុកដាក់លើការអាន និងការសរសេរភាសាខ្មែរ ឱ្យបានត្រឹមត្រូវ និងផុលផុស។

៥. គណៈគ្រប់គ្រងគ្រប់គ្រឹះស្ថានសិក្សាសាធារណៈ និងឯកជនទាំងអស់ ត្រូវជំរុញឱ្យមានការប្រឡងប្រជែងអាន និងសរសេរ ដើម្បីលើកកម្ពស់ប្រសិទ្ធភាពនៃការអាន និងការសរសេរភាសាខ្មែរ។

៦. គ្រប់អង្គភាពអប់រំទាំងថ្នាក់ជាតិ ថ្នាក់ក្រោមជាតិ និងសាលារៀន ត្រូវពង្រឹង និងយកចិត្តទុកដាក់ក្នុងការប្រើប្រាស់អក្ខរាវិរុទ្ធ និងក្បួនវេយ្យាករណ៍ភាសាខ្មែរឱ្យបានត្រឹមត្រូវ នៅក្នុងលិខិតរដ្ឋបាល ឬលិខិតបទដ្ឋានគតិយុត្តទាំងឡាយ។

៧. មាតាបិតា និងអាណាព្យាបាលសិស្ស ត្រូវជួយជំរុញ បង្កលក្ខណៈងាយស្រួល និងលើកទឹកចិត្តកូនចៅក្នុងការអាន ការសរសេរ និងការស្រាវជ្រាវ ដោយប្រើប្រាស់ភាសាខ្មែរឱ្យបានត្រឹមត្រូវ។

៨. មាតាបិតា អាណាព្យាបាលសិស្ស និងគ្រូបង្រៀន ត្រូវលើកទឹកចិត្តកូនចៅ និងសិស្សានុសិស្សឱ្យប្រកាន់ទម្លាប់ប្រើប្រាស់អក្សរខ្មែរ សម្រាប់កត់ត្រា និងសរសេរភាសាខ្មែរ និងគួរចៀសវាងការប្រើអក្សរនៃភាសាដទៃជំនួសតួអក្សរខ្មែរ ។ ជាមួយគ្នានេះ ក្រសួងសូមអំពាវនាវដល់គ្រប់ស្ថាប័នពាក់ព័ន្ធ អាជ្ញាធរមានសមត្ថកិច្ច អាជ្ញាធរមូលដ្ឋានមហាជន និងអ្នកពាក់ព័ន្ធទាំងអស់ មេត្តាជួយណែនាំ ត្រួតពិនិត្យ និងកែសម្រួលលើការប្រើប្រាស់សំណេរ និងអក្ខរាវិរុទ្ធភាសាខ្មែរ ដែលបានប្រើប្រាស់ដាក់តាំង និងផ្សព្វផ្សាយគ្រប់ទម្រង់ នៅតាមទីសាធារណៈ ឬតាមបណ្ដាញទំនាក់ទំនងសង្គមនានា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អតីតពលករវិលត្រឡប់​មក​ពីប្រទេស​ថៃ, វិទ្យាស្ថាន​ពហុបច្ចេកទេស​ភូមិ​ភាគតេជោសែនសៀមរាប ផ្តល់អាហារូបករណ៍ជិត៣ពាន់កន្លែង សិក្សាជំនាញឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 12/05/2026

ជា​ឱកាស​សម្រាប់​បងប្អូនអតីតពលករ​វិលត្រឡប់មក​ពីប្រទេស​ថៃ ពេលនេះវិទ្យាស្ថានពហុបច្ចេកទេស​ភូមិ​ភាគ​តេជោសែន​សៀមរាប ដែល​ជា​គ្រឹះស្ថាន​សាធារណៈ​ស្ថិត​នៅក្រោម​ក្រសួងការងារ និង​បណ្តុះបណ្តាលវិជ្ជាជីវៈ...

អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍ ISDB Scholarship Program 2024

ព័ត៌មានអាហារូបករណ៍, ព្រឹត្តិការណ៍

• 19/04/2024

ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បណ្ឌិត និងវគ្គសិក្សាផ្សេងៗពេញលេញពីកម្មវិធីអាហារូបករណ៍ ISDB Scholarship ...

អាហារូបករណ៍ BISU 2026 ថ្នាក់បរិញ្ញាបត្រជាន់ខ្ពស់ ជំនាញបកប្រែភាសាបរទេស នៅ​សាធារណរដ្ឋប្រជាមានិតចិន

ព័ត៌មានអាហារូបករណ៍, ព្រឹត្តិការណ៍

• 17/03/2026

ឱកាស​សម្រាប់យុវជន សិស្ស និស្សិត ដែលកំពុងស្វែង​រក​អាហារូបករណ៍សិក្សា​ជំនាញបកប្រែ កម្រិតថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Beijing International Studies University។

អាហារូបករណ៍ថ្នាក់ក្រោយឧត្តមសិក្សា និងឧត្តមសិក្សា ទៅសិក្សា​នៅជាំងក្វាងស៊ី ប្រទេស​ចិន សម្រាប់ឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 14/03/2024

សម្រាប់និស្សិត​កម្ពុជា​ដែល​មានបំណងចង់បន្តការសិក្សា​ថ្នាក់ក្រោយ​ឧត្តមសិក្សា និង​ថ្នាក់ឧត្តមសិក្សា នៅប្រទេសចិន ពេលនេះ ក្រសួងអប់រំ យុវជន និង​កីឡា បាន​ប្រកាស​ពីអាហារូបករណ៍​ចំនួន​៨កន្លែង សម្រាប់​សិស្ស និស្សិត ...

ក្រសួងអប់រំជ្រើសរើសនិស្សិតអាហារូបករណ៍សថ្នាក់បរិញ្ញាបត្រនៅប្រទេសបង់ក្លាដែសឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 19/05/2023

ក្រសួងអប់រំ យុវជន និងកីឡា ប្រកាសជ្រើសរើសសិស្សនិស្សិត មន្ត្រីរាជការ និងសាធារណជននារីកម្ពុជាសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យអាស៊ីសម្រាប់ស្ត្...

អាហារូបករណ៍ថ្នាក់បរិញ្ញាបត្រគ្រូបង្រៀនភាសាចិន ចំនួន៣០កន្លែង សម្រាប់ប្រទេសក្នុងតំបន់អាស៊ីអាគ្នេយ៍

ព័ត៌មានអាហារូបករណ៍, ព្រឹត្តិការណ៍

• 30/03/2026

សាកលវិទ្យាល័យ Yunnan Normal Unversity (ស្ថិតនៅទីក្រុងគុនមីង ខេត្តយួនណាន ប្រទេសចិន ប្រកាស​ផ្តល់អាហារូបករណ៍ដល់សិស្សនិស្សិតចំនួន៣០នាក់ មកពីប្រទេសក្នុងតំបន់អាស៊ីអាគ្នេយ៍ដើម្បីសិក្សាថ្នាក់​បរិញ្ញាបត្រគ្រូបង្រៀន...

ឱកាសអាហារូបករណ៍ស្រាវជ្រាវថ្នាក់បណ្ឌិត (PhD) សម្រាប់គ្រូពេទ្យ ពីមូលនិធិ VCRF នៅសាកលវិទ្យាល័យ RMIT ប្រទេសអូស្ត្រាលី

ព័ត៌មានអាហារូបករណ៍, ព្រឹត្តិការណ៍

• 17/06/2026

សាកលវិទ្យាល័យ RMIT នៃប្រទេស​អូស្រ្តាលី បានប្រកាស​ពីការ​ផ្តល់អាហារូបករណ៍ស្រាវជ្រាវថ្នាក់បណ្ឌិត (VCRF Scholarship) ផ្តោតលើការសិក្សាស្រាវជ្រាវអំពី «របួសជង្គង់ចំពោះកីឡាករ-កីឡាការិនី» ជាពិសេសគឺ...

ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ នៅវិទ្យាស្ថានស៊ីអ៊ីអូ ១០០កន្លែង

ព័ត៌មានអាហារូបករណ៍, ព្រឹត្តិការណ៍

• 14/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិពីវិទ្យាស្ថានស៊ីអ៉ីអូចំនួន១០០ កន្លែងសម្រាប់សិស្សានុសិស្សកំពុងត្រៀមបញ្ចប់ថ្នាក់ទី១២ និងនិស្សិត...

វិទ្យាស្ថានបច្ចេកទេស​ឧស្សាហកម្ម ផ្តល់អាហារូបករណ៍ជាង៣ពាន់កន្លែង សម្រាប់ការសិក្សាជំនាញបច្ចេកទេស និងវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 30/10/2023

វិទ្យាស្ថានបច្ចេកទេស​ឧស្សាហកម្ម (ITI) បានប្រកាសជ្រើសរើស​សិស្ស និស្សិត​ទាំងពីរភេទ​ឱ្យ​ចូលរៀនជំនាញបច្ចេកទេស និង​វិជ្ជាជីវៈ ថ្នាក់អាហារូបករណ៍​ចំនួន ៣៤៨៥នាក់។