ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីអាហារូបករណ៍ Matsumae International នៃប្រទេសជប៉ុនប្រកាសផ្ដល់អាហារូបករណ៍សិក្សាថ្នាក់ស្រាវជ្រាវតាមរយៈកម្មវិធីមូលនិធី MIF ឆ្នាំសិក្សា២០២៤ ។
ថ្នាក់សិក្សាស្រាវជ្រាវដែលអាហារូបករណ៍ផ្ដល់ជូនរួមមាន ផ្នែកវិទ្យាសាស្រ្តធម្មជាតិ ផ្នែកវិស្វកម្ម និងផ្នែកឳសថសាស្ត្រ ។ ការសិក្សាថ្នាក់ស្រាវជ្រាវនឹងមានរយៈពេល៦ខែ ចន្លោះពី ខែមេសា ឆ្នាំ២០២៤ និងខែមីនា ឆ្នាំ២០២៥ ចំនួន១០កន្លែង ។
លក្ខខណ្ឌដែលនិស្សិតអាចដាក់ពាក្យស្នើសុំអាហារូបករណ៍បានរួមមាន ជាបេក្ខជនដែលមានសញ្ញាថ្នាក់បណ្ឌិត មានអាយុមិនលើសពី៤៩ឆ្នាំ មានតេសត្តភាសាជប៉ុន ឬភាសាអង់គ្លេស ជាបុគ្គលមិនធ្លាប់មានបទពិសោធន៍រស់នៅ ឬសិក្សានៅប្រទេសជប៉ុន មានបំណងយកចិត្តទុកដាក់ក្នុងការអភិវឌ្ឍប្រទេសកំណើតរបស់អ្នក មិនមានសញ្ជាតិជប៉ុន លើសពីនេះការសិក្សាក្នុងវិស័យស្រាវជ្រាវវិទ្យាសាស្ត្រធម្មជាតិ វិស្វកម្ម និងវេជ្ជសាស្រ្ត ត្រូវបានលើកទឹកចិត្ត ។
បេក្ខជនដែលបានជាប់អាហារូបករណ៍នឹងទទួលបានការគាំទ្រពីភាគីអាហារូបករណ៍ដូចជា ថ្លៃសំបុត្រយន្តហោះធ្វើដំណើរ ប្រាក់ចំណាយប្រចាំខែ២២០,០០០JPY ប្រាក់នៅពេលទៅដល់ប្រទេសជប៉ុនចំនួន ១២០,០០០JPY ធានារ៉ាប់រងពេទ្យ ការហូបចុក និងធានារ៉ាប់រងក្នុងគ្រោះថ្នាក់ផ្សេងៗ ។
ដើម្បីធ្វើការដាក់ពាក្យ និងព័ត៌មានលម្អិតសូមចូលទៅកាន់តំណរភ្ជាប់ http://mif-testpage.com/wp/en/fellowship/announcement/#overview ។
អាហារូបករណ៍នឹងបើកទទួលពាក្យថ្ងៃទី១ ខែមេសា រហូតដល់ថ្ងៃទី៣០ ខែមិថុនា ឆ្នាំ២០២៣ ម៉ោងនៅប្រទេសជប៉ុន ៕
