ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅចុងសប្តាហ៍នេះ ពោលគឺនៅថ្ងៃទី៣-៤ ខែមេសា ឆ្នាំ២០២៦ វិទ្យាល័យបឹងត្របែក នឹងរៀបចំកម្មវិធីតន្រ្តីសប្បុរសធម៌ និងសង្រ្កាន្តឆ្នាំថ្មីដ៏ធំមួយ ក្រោមប្រធានបទ “វីរៈភាព” ដើម្បីចូលរួមអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ក៏ដូចជាពង្រឹងស្មារតីស្នេហាជាតិរបស់យុវជន។
បើតាមអ្នករៀបចំកម្មវិធី ព្រឹត្តិការណ៍សង្រ្កាន្តវិទ្យាល័យបឹងត្របែកទាំងពីរថ្ងៃនៅចុងសប្តាហ៍នេះ មានបញ្ចូលការសម្តែងប្រពៃណីខ្មែរ និងតន្រ្តីសម័យទំនើប ដើម្បីអភិរក្ស និងអភិវឌ្ឍន៍ទំនៀមទម្លាប់ សិល្បៈបុរាណខ្មែរ។
ព្រឹត្តិការណ៍ដែលគេរំពឹងថា នឹងមានអ្នកចូលរួមប្រមាណ៥ម៉ឺននាក់នេះ ក៏ជាការជំរុញការប្រាស្រ័យទាក់ទង និងធ្វើការជាក្រុមរវាងនិស្សិត និងសហគមន៍ ដើម្បីពង្រឹងជំនាញរឹង និងជំនាញទន់ ក៏ដូចជាលើកកម្ពស់អត្តសញ្ញាណជាតិដល់ស្រទាប់យុវជន និងភ្ញៀវអន្តរជាតិផងដែរ។
យោងតាមតារាងកម្មវិធី ដែលបានគ្រោងទុក ព្រឹត្តិការណ៍សង្រ្គាន្តវិទ្យាល័យបឹងត្របែក នឹងមានកម្មវិធីជាច្រើនដូចជា ការសម្តែង និងប្រគុំតន្រ្តីប្រពៃណី បុរាណខ្មែរ និងតន្រ្តីសម័យទំនើប, ការបង្ហាញស្មារតីស្នេហាជាតិ ក្រោមប្រធានបទ “វីរៈភាព”, ភូមិល្បែងប្រជាប្រិយ ដែលអនុញ្ញាតឱ្យអ្នកចូលរួមបានលេងល្បែងប្រជាប្រិយខ្មែរ, ការដាក់លក់ និងតាំងបង្ហាញផលិតផលខ្មែរជាដើម៕
