ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- ដើម្បីបង្កើតទម្លាប់អានដល់កុមារបាន គឺទាមទារឱ្យមានសម្ភារៈអានឱ្យបានច្រើន មានសៀវភៅច្រើនជម្រើស ព្រោះកាលណាកុមាររកឃើញជម្រើសមួយដែលត្រឹមត្រូវសម្រាប់ខ្លួន ពួកគេអាចចាប់អារម្មណ៍ស្រឡាញ់ការអាន បន្តសកម្មភាពអានទៅមុខ បង្កើតបំណិនអានដោយខ្លួនឯង និងក្លាយជាអ្នកអានម្ចាស់ការ ។ នេះបើតាមការលើកឡើងរបស់លោក សឿម កក្កដា ប្រធានកម្មវិធីអំណាន នៃអង្គការរូមធូរីដកម្ពុជា។
លោក សឿម កក្កដា មានប្រសាសន៍ថា លក្ខណៈពិសេសរបស់សៀវភៅកុមារ ជាចាំបាច់ត្រូវមានរូបភាពជំនួយ ក្នុងនោះ ខ្លឹមសាររឿងទាំងរូបភាព និងអត្ថបទរឿងគឺត្រូវតែផ្សារភ្ជាប់ទៅនឹងអ្វីដែលកុមារអាចយល់បាន។ លោក សឿម កក្កដា បន្តថា បើសិនជាសៀវភៅកុមារ មានលក្ខណៈហួសពីការរំពឹងទុក ឬហួសពីការយល់ដឹងរបស់កុមារខ្លាំងពេក នោះនឹងនាំឱ្យកុមារមិនអាចទទួលលទ្ធផលល្អពីការអាននោះទេ។
តើអ្នកណាដែលអាចនិពន្ធសៀវភៅកុមារបាន ?
ឆ្លើយតបនឹងសំណួរនេះ លោក សឿម កក្កដា ប្រធានកម្មវិធីអំណាននៃអង្គការរូមធូរីដកម្ពុជា បានបញ្ជាក់ថា ការនិពន្ធសៀវភៅកុមារ គឺមិនប្រកាន់ថា មានជំនាញអ្វីនោះឡើយ អ្នករៀនផ្នែកវិទ្យាសាស្រ្ត ដុកទ័រ កម្មករក៏អាចសរសេរសៀវភៅកុមារបានដែរ ឱ្យតែមានចំណាប់អារម្មណ៍ក្នុងការសរសេរ មានគំនិតច្នៃប្រឌិដ្ឋខ្ពស់ និងមើលឃើញបរិបទសង្គមបច្ចុប្បន្ន ជាគំនិតមួយដែលបណ្ដុះបណ្ដាល ឬបង្ហាញពីតថភាពសង្គមពិតប្រាកដក្នុងពេលបច្ចុប្បន្នភាពទៅឱ្យអ្នកអាន។
លោក សឿម កក្កដា
“ការបង្កើតសៀវភៅកុមារនេះ គឺមិនចាំបាច់ទាល់តែមានកម្រិតអប់រំខ្ពស់នោះឡើយ អ្វីដែលសំខាន់គឺជាអ្នកមានចំណាប់អារម្មណ៍ក្នុងការបង្កើតសៀវភៅកុមារ អាចចេះភាសាខ្មែរបានត្រឹមត្រូវ អាចសរសេរ និងអាចនិយាយភាសាខ្មែរបាន”
ទាក់ទងនឹងដំណើរការនិពន្ធសៀវភៅកុមារវិញ បើតាមលោក កក្កដា អ្នកនិពន្ធត្រូវចាប់ផ្ដើមដំបូងដោយបង្កើតគំនិតរឿងមួយ តើចង់ប្រាប់សារអ្វីទៅអ្នកអាន? បន្ទាប់មកសិក្សាពីតួអង្គ បរិយាកាសរបស់តួអង្គ ទីកន្លែង ពេលវេលា ដែលរឿងរ៉ាវទាំងអស់នោះកើតឡើង ។ បន្ទាប់មក សិក្សាពីដំណើររឿង លំហូររឿងថាតើលំដាប់លំដោយរឿងបែងចែកតាមទីតាំងត្រឹមត្រូវហើយឬនៅ?
លោក សឿម កក្កដា បន្តថា ការនិពន្ធរឿងមួយចំនួនទៀតអ្នកនិពន្ធត្រូវស្រាវជ្រាវ ដើម្បីស្រង់យកទិន្នន័យ ឬព័ត៌មានពិតប្រាកដ មកបញ្ជូលនៅក្នុងសៀវភៅនោះឱ្យមានលក្ខណៈសាមញ្ញសម្រាប់កុមារ ។ ទន្ទឹមគ្នានេះ បន្ទាប់ពីបង្កើតគំនិតរឿង ចងក្រងរឿងអស់ហើយ គឺដល់ដំណាក់កាលដែលត្រូវបង្កើតរូបភាព ហើយការបង្កើតរូបភាពត្រូវចំណាយពេលយូរ ដើម្បីឱ្យអត្ថបទស៊ីជាមួយរូបភាពដែលផលិតមក ព្រមទាំងត្រូវឆ្លងកាត់ការកែសម្រួល និងឆ្លងកាត់មតិយោបល់កែសម្រួលពី នាយកដ្ឋានអភិវឌ្ឍកម្មវិធីសិក្សា នៃក្រសួងអប់រំ ទើបអាចបោះពុម្ភផ្សាយបាន។
តាមការបញ្ជាក់របស់ លោក សឿម កក្កដា អង្គការរូមធូរីដកម្ពុជា តែងតែមានវគ្គសិក្សាសិក្ខាសាលាជារៀងរាល់ឆ្នាំ ដើម្បីផ្ដល់ជូនអ្នកចូលរួមស្វែងយល់ទាក់ទងទៅនឹងការតែងនិពន្ធសៀវភៅកុមារ។ ទន្ទឹមគ្នានេះ បើសិនយុវជនចង់រៀនជំនាញតែងនិពន្ធសៀវភៅកុមារ អាចចាប់ផ្ដើមសរសេរគំនិតរឿង ចងក្រង និងត្រៀមទុកសម្រាប់ផ្ញើមកកាន់អង្គការរូមធូរីដកម្ពុជា ដែលនឹងជ្រើសរើសគំនិតរឿងថ្មីៗជារៀងរាល់ឆ្នាំ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសផ្លាស់ប្ដូរការសិក្សារដូវក្ដៅនៅប្រទេសជប៉ុនពីកម្មវិធី Sokendai KEK ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 25/02/2025
កម្មវិធី SOkendai KEK Summer Student Program 2025 នៃប្រទេសជប៉ុន ប្រកាសជ្រើសរើសនិស្សិតអន្តរជាតិទូទាំងពិភពលោក ចូលរួមកម្មវិធីផ្លាស់ប្ដូរការសិក្សាក្នុងវិស័យស្រាវជ្រាវរយៈពេល៨សប្ដាហ៍។
អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងបណ្ឌិត នៅសាកលវិទ្យាល័យជាតិសេអ៊ូល
ព័ត៌មានអាហារូបករណ៍, ព្រឹត្តិការណ៍
• 27/06/2025
សាកលវិទ្យាល័យជាតិសេអ៊ូល (Seoul National University) កំពុងប្រកាសជ្រើសរើសនិស្សិតអន្តរជាតិ សិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សាថ្មី។ អាហារូបករណ៍ផ្ដល់ជូនតាមរយៈកម្មវិធីអាហារូបករណ៍ SNU
ឱកាសសិក្សាវគ្គបំប៉នតាម Online សម្រាប់សិស្សថ្នាក់ទី១២ ដែលជាកូនវីរៈកងទ័ពជួរមុខ
ព័ត៌មានអាហារូបករណ៍, ព្រឹត្តិការណ៍
• 01/09/2025
ដើម្បីរួមចំណែកជាមួយរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងដើម្បីជួយសម្រាលបន្ទុកហិរញ្ញវត្ថុក្នុងគ្រួសារវីរៈកងទ័ពជួរមុខ សាលាបង្វឹកស្តាតអាប់ខមមីញ៉ូនីធី ប្រកាសផ្ដល់អាហារូបករណ៍១០០% ចំពោះកូនៗវីរៈកងទ័ពជួរមុខ សម្រាប់ការសិក្សាវគ្គបំប៉នតាម Online
ឱកាសសិក្សាជំនាញកក់សំបុត្រយន្តហោះ ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 17/02/2025
ដើម្បីចូលរួមពង្រឹងគុណភាពសេវាកម្ម និងការអភិវឌ្ឍសមត្ថភាព និងជំនាញថ្មីដល់យុវជន សិស្ស និស្សិត និងអ្នកបម្រើការក្នុងឧស្សាហកម្មទេសចរណ៍ ជាពិសេសជំនាញកក់សំបុត្រយន្តហោះ ក្រសួងទេសចរណ៍ បានប្រកាសដល់អ្នកបម្រើការក្នុងវិស័យ...
ឱកាសសិក្សាអាហារូបករណ៍១៥០កន្លែង នៅបណ្ឌិតសភាបច្ចេកវិទ្យាឌីជីថលកម្ពុជាឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 13/11/2023
បណ្ឌិតសភាបច្ចេកវិទ្យាឌីជីថលកម្ពុជាប្រកាសប្រលងជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជំនាញឯកទេសនានាចំនួន១៥០កន្លែងក្នុងឆ្នាំសិក្សា២០២៣-២០២៤។ អាហារូបករណ៍....
ឱកាសសិក្សាអាហារូបករណ៍១០០% លើជំនាញបច្ចេកវិទ្យានៅថ្នាក់បណ្ដុះបណ្ដាលបច្ចេកវិទ្យា អាន-ANT
ព័ត៌មានអាហារូបករណ៍, ព្រឹត្តិការណ៍
• 21/12/2023
ថ្នាក់បណ្ដុះបណ្ដាលបច្ចេកវិទ្យាអាន-ANT ប្រកាសផ្ដល់អាហារូបករណ៍សិក្សាជំនាញបច្ចេកវិទ្យាវគ្គខ្លីចំនួន៧៥កន្លែ។ ការសិក្សាមានរយៈពេល១១ខែ...
ស.ស.យ.ក រាជធានីភ្នំពេញផ្ដល់អាហារូបករណ៍ ១០០% ចំនួន៥៩កន្លែង នៅសាកលវិទ្យាល័យចំនួនប្រាំ
ព័ត៌មានអាហារូបករណ៍, ព្រឹត្តិការណ៍
• 26/08/2025
ដើម្បីចូលរួមចំណែកលើកកម្ពស់វិស័យអប់រំ និងបណ្ដុះបណ្ដាលធនធានមនុស្ស ឆ្នាំសិក្សា២០២៥-២០២៦ សហភាពសហព័ន្ធយុវជនកម្ពុជារាជធានីភ្នំពេញ បានប្រកាសផ្ដល់អាហារូបករណ៍១០០%ចំនួន៥៩កន្លែង និងអាហារូបករណ៍៥០% មិនកំណត់ចំនួន...
ក្រសួងអប់រំជ្រើសរើសនិស្សិត ១២០នាក់ ទៅសិក្សាថ្នាក់ក្រោយឧត្តមសិក្សា និងបរិញ្ញាបត្រ នៅប្រទេសវៀតណាម ក្នុងឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 14/03/2024
យោងទៅលើអនុស្សរណៈ នៃកិច្ចព្រមព្រៀងស្តីពីកិច្ចសហប្រតិបត្តិការអប់រំ រវាងក្រសួងអប់រំ យុវជន និងកីឡា នៃព្រះរាជាណាចក្រកម្ពុជា និងក្រសួងអប់រំ បណ្តុះបណ្តាល នៃសាធារណរដ្ឋសង្គមនិយមវៀតណាម...
វិទ្យាស្ថានពហុបច្ចេកទេសតេជោសែនស្វាយរៀងជ្រើសរើសយុវជនចូលរៀនជំនាញបច្ចេកទេស និងវិជ្ជាជីវៈ ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 14/03/2025
វិទ្យាស្ថានពហុបច្ចេកទេសតេជោសែនស្វាយរៀង ប្រកាសជ្រើសរើស សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈដោយឥតគិតថ្លៃ។ ការសិក្សាផ្ដល់ជូនក្រោមកម្មវិធីសិក្សា ១លាន៥សែននាក់ ដែលគាំទ្រដោយរាជរដ្ឋាភិបាលកម្ពុជា។
កម្មវិធីពិសេសរបស់ AMS EDUCATION
ព័ត៌មានសង្ខេប
