ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យបច្ចេកវិទ្យា និងវិទ្យាសាស្រ្តកម្ពុជា ហៅកាត់ថា ខេមតិច (CamTech) បានប្រកាសផ្តល់អាហារូបករណ៍ទេពកោសល្យស្ទែម (STEM Genius Scholarship) ចំនួន ៥០កន្លែង ដោយក្នុងនោះ ៣៥កន្លែងសម្រាប់ថ្នាក់បរិញ្ញាបត្ររយៈពេល ៤ឆ្នាំ និង ១៥កន្លែង សម្រាប់ថ្នាក់បរិញ្ញាបត្ររងរយៈពេលពីរឆ្នាំ។
សម្រាប់អាហារូបករណ៍ថ្នាក់បរិញ្ញាបត្រ ត្រូវបានចែកចេញជាពីរ ដោយ ទី១.អាហារូបករណ៍ពេញ ១០០ភាគរយ ចំនួន ១៦កន្លែង ក្នុងនោះ ១០កន្លែងជាប្រភេទអាហារូបករណ៍ទេពកោសល្យស្ទែម ហង់ជួន ណារ៉ុន, ២កន្លែង ជាប្រភេទអាហារូបករណ៍សម្រាប់ស្រ្តីលើជំនាញស្ទែម, ២កន្លែង សម្រាប់អាហារូបករណ៍សមធម៌សម្រាប់សិស្សមកពីបណ្តាខេត្ត និង ២កន្លែង អាហារូបករណ៍សម្រាប់សិស្សទូទៅ។
សិស្សដែលទទួលបានអាហារូបករណ៍នេះ មានប្រាំពីរជំនាញសម្រាប់ជ្រើសរើស ដូចជា វិស្វកម្មរ៉ូបូត និងស្វ័យប្រវត្តិកម្ម, វិទ្យាសាស្រ្តទិន្នន័យ និងបញ្ញាសិប្បនិម្មិត, សន្តិសុខតាមប្រព័ន្ធអ៊ីនធឺណេត, វិស្វកម្មសូហ្វវែរ, ស្ថាបត្យកម្ម, ការរចនាផ្នែកខាងក្នុង និង បច្ចេកវិទ្យាអប់រំ។
ទី២ អាហារូបករណ៍ពិសេស ចំនួន ១៩កន្លែង ក្នុងនោះ ៩កន្លែងសម្រាប់មុខជំនាញឯកទេស ៧៥% និង ១០កន្លែង សម្រាប់មុខជំនាញឯកទេស ៥០% ។ សិស្សដែលទទួលបានអាហារូបករណ៍នេះ មាន ៩មុខជំនាញសម្រាប់ជ្រើសរើស រួមមាន ៖ វិស្វកម្មរ៉ូបូត និងស្វ័យប្រវត្តិកម្ម, វិទ្យាសាស្រ្តទិន្នន័យ និងបញ្ញាសិប្បនិម្មិត, សន្តិសុខតាមប្រព័ន្ធអ៊ីនធឺណេត, វិស្វកម្មសូហ្វវែរ, ស្ថាបត្យកម្ម, ការរចនាផ្នែកខាងក្នុង, បច្ចេកវិទ្យាអប់រំ, ភាសាអង់គ្លេសសម្រាប់ធុរកិច្ច និងពាណិជ្ជកម្ម និងជំនាញ ភាសាចិនសម្រាប់ធុរកិច្ច។
ដោយឡែកសម្រាប់សញ្ញាបត្រជាន់ខ្ពស់ផ្នែកវិស្វកម្ម អាហារូបករណ៍ពេញ ១០០%ចំនួន៥កន្លែង, ៧៥%ចំនួន៥កន្លែង និង ៥០%ចំនួន៥កន្លែង ដោយសិស្សនិស្សិតអាចជ្រើសរើសជំនាញចំនួន៥ រួមមាន ៖ វិស្វកម្មសូហ្វវែរ ឯកទេសបច្ចេកវិទ្យាបញ្ញាសិប្បនិម្មិត, វិស្វកម្មសូហ្វវែរ ឯកទេសកម្មវិធី AR/VR, វិស្វកម្មសូហ្វវែរ ឯកទេសកម្មវិធីហ្គេម, វិស្វកម្មសូហ្វែរ ឯកទេសអភិវឌ្ឍន៍កម្មវិធីទូរស័ព្ទ និង វិស្វកម្មសូហ្វវែរ ឯកទេសអភិវឌ្ឍន៍វេបសាយ។
លក្ខខណ្ឌទទួលបានអាហារូបករណ៍ សម្រាប់ថ្នាក់បរិញ្ញាបត្រ ត្រូវតែជាពលរដ្ឋខ្មែរ, បានបញ្ចប់ថ្នាក់ទី១២ ឬនិស្សិតទើបចាប់ផ្តើមរៀននៅសាកលវិទ្យាល័យ (ទាបបំផុតនិទ្ទេស D), មិនមានអាយុលើសពី ២៥ឆ្នាំនៅថ្ងៃដាក់ពាក្យ, បានជាប់ការប្រឡងជ្រើសរើសនៅខេមតិច (ភាសាអង់គ្លេស និងគណិតវិទ្យា) និងសម្ភាសន៍, មានការប្តេជ្ញាចិត្តជានិស្សិតពេញម៉ោង និងចូលរួមកម្មវិធីហាត់ការងារ។
សម្រាប់សញ្ញាបត្រជាន់ខ្ពស់ផ្នែកវិស្វកម្ម ក៏ត្រូវតែជាពលរដ្ឋខ្មែរ, បានបញ្ចប់ថ្នាក់ទី១២ (ជាប់ ឬធ្លាក់សញ្ញាបត្រមធ្យមសិក្សាទុតិយភូមិ) , មិនមានអាយុលើសពី២៥ឆ្នាំ នៅថ្ងៃដាក់ពាក្យ, បានជាប់ការប្រឡងជ្រើសរើសនៅខេមតិច (ភាសាអង់គ្លេស និងគណិតវិទ្យា) និងសម្ភាសន៍ ព្រមទាំងមានការប្តេជ្ញាចិត្តជានិស្សិតពេញម៉ោង និងចូលរួមកម្មវិធីហាត់ការងារ។ ផុតកំណត់ទទួលពាក្យ នៅថ្ងៃទី0៤ ខែមិថុនា ឆ្នាំ២០២២ ខណៈកាលបរិច្ឆេទប្រឡង និងសម្ភាសន៍នឹងធ្វើឡើងនៅថ្ងៃទី0៩ ខែមិថុនា ឆ្នាំ២០២២។ ដោយឡែកសម្រាប់ការប្រកាសលទ្ធផលនឹងធ្វើឡើងនៅថ្ងៃទី១១ ខែមិថុនា ឆ្នាំ២០២២ និងចូលរៀនវគ្គថ្មី នៅថ្ងៃទី១៣ ខែមិថុនា ឆ្នាំ២០២២។ ព័ត៌មានបន្ថែម សូមទាក់ទងទៅកាន់លេខទូរស័ព្ទ ៖ 078 212 181 / 086 212 181 ឬចូលទៅកាន់ Facebook page: facebook.com/CamTechUniversity ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ ១ ៤០០កន្លែង លើ២១មុខជំនាញ ពីវិទ្យាស្ថានជាតិវិជ្ជាជីវៈបាត់ដំបង ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ
ព័ត៌មានអាហារូបករណ៍, ព្រឹត្តិការណ៍
• 20/10/2025
វិទ្យាស្ថានជាតិវិជ្ជាជីវៈបាត់ដំបង ប្រកាសផ្តល់អាហារូបករណ៍ចំនួន ១ ៤០០កន្លែង លើ២១មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពី...
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់៧០កន្លែងពីកម្មវិធីអាហារូបករណ៍ CP ALL ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 25/04/2023
កម្មវីធីអាហារូបករណ៍ CP ALL បើកផ្ដល់អាហារូបករណ៍ដល់និស្សិតកម្ពុជា និងឡាវ សម្រាប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃឆ្នាំសិក្សា២០២៣ ។...
អាហារូបករណ៍ថ្នាក់ឧត្ដមសិក្សាពីកម្មវិធី Malaysia International Scholarship ឆ្នាំ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 11/06/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ Malaysia International Scholarship(MIS)ឆ្នាំ២០២៤-២០២៥.....
អាហារូបករណ៍ទេពកោសល្យឌីជីថលតេជោ ប្រកាសផ្តល់អាហារូបករណ៍ថ្នាក់បរិញ្ញាបត្រ ចំនួន៥០០កន្លែង សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 11/08/2025
ក្នុងឆ្នាំសិក្សា២០២៥-២០២៦ នេះ កម្មវិធី អាហារូបករណ៍ទេពកោសល្យឌីជីថលតេជោ តាមរយៈក្រសួងប្រៃសណីយ៍និងទូរគមនាគមន៍ (ក.ប.ទ.) នឹងបន្តផ្តល់អាហារូបករណ៍ចំនួន ៥០០ កន្លែង សម្រាប់សិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល...
អាហារូបករណ៍ ASEAN-China Young Leaders ថ្នាក់បណ្ឌិត បរិញ្ញាបត្រជាន់ខ្ពស់ និងថ្នាក់ស្រាវជ្រាវសម្រាប់ឆ្នាំសិក្សា២០២៦-២០២៧ នៅប្រទេសចិន
ព័ត៌មានអាហារូបករណ៍, ព្រឹត្តិការណ៍
• 21/01/2026
ក្នុងសេចក្តីជូនដំណឹងកាលពីដើមសប្តាហ៍នេះ ក្រសួងអប់រំ យុវជន និងកីឡា បានឱ្យដឹងថា គណៈកម្មាធិការអាហារូបករណ៍អ្នកដឹកនាំវ័យក្មេងអាស៊ាន-ចិន (ASEAN-China Young Leaders Scholarship) នឹងផ្តល់អាហារូបករណ៍...
ឱកាសសម្រាប់សិស្ស-និស្សិត RUPP ទៅបន្តការសិក្សាថ្នាក់បរិញ្ញាបត្រជាន់ខ្ពស់នៅ Sogang University
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 29/05/2026
សាកលវិទ្យាល័យ Sogang (Sogang University) ដែលជាគ្រឹះស្ថានឧត្តមសិក្សាដ៏ល្បីល្បាញ និងចំណាស់ជាងគេមួយនៅក្នុងសាធារណរដ្ឋកូរ៉េ ក្រោមជំនួយកិច្ចសហការជាមួយអង្គការ Jesuit Service-Cambodia...
វិទ្យាស្ថានពហុបច្ចេកទេសភូមិភាគតេជោសែនតាកែវ ជ្រើសរើសយុវជនចូលរៀនជំនាញបច្ចេកទេស និងវិជ្ជាជីវៈ១ ចំនួនជាង១ពាន់នាក់
ព័ត៌មានអាហារូបករណ៍, ព្រឹត្តិការណ៍
• 21/02/2025
វិទ្យាស្ថានពហុបច្ចេកទេសភូមិភាគតេជោសែនតាកែវ បានប្រកាសពីការជ្រើសរើសយុវជនឱ្យចូលរៀនជំនាញបច្ចេកទេស និងវិជ្ជាជីវៈ១ ក្រោមគ្រោងកម្មវិធី ១,៥លាននាក់របស់រាជរដ្ឋាភិបាល រហូតដល់ទៅចំនួន ១៦៨០នាក់ ក្នុងឆ្នាំ២០២៥នេះ។
អាហារូបករណ៍ ASEAN-India Fellowship in Agriculture and Allied Sciences ថ្នាក់ឧត្តមសិក្សា ឆ្នាំ២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 02/07/2025
សម្រាប់អ្នកដែលចង់ទទួលបានអាហារូបករណ៍ទៅលើជំនាញកសិកម្ម ឥឡូវនេះ ASEAN-India Fellwoship for Higher Education in Agriculture and Allied Sciences កំពុងតែបើកឱកាស ផ្ដល់អាហារូបករណ៍។
ឱកាសសិក្សាថ្នាក់ឧត្ដមសិក្សា៤០០កន្លែង ពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 25/10/2023
ឱកាសសិក្សាអាហារូបករណ៍ថ្នាក់ឧត្ដមសិក្សានៅវិទ្យាស្ថានខ្មែរជំនាន់ថ្មីចំនួន៤០០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។អាហារូបករណ៍ផ្ដល់ជូនក្រោមការ.....
កម្មវិធីពិសេសរបស់ AMS EDUCATION
ព័ត៌មានសង្ខេប
