ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ពិធីបុណ្យចូលឆ្នាំចិនបានប្រព្រឹត្តទៅកាលពីថ្ងៃចន្ទ គេសង្កេតឃើញថានៅតាមបណ្តាផ្ទះ ហាងទំនិញ កន្លែងធ្វើការចំនួនធំ នៅរាជធានីភ្នំពេញ ក៏ដូចជាទីប្រជុំជនធំៗនៃបណ្តាខេត្ត បានប្រារព្ធពិធីសែនបុណ្យចូលឆ្នាំចិនតាមទម្លាប់ដោយបរិយាកាសរីករាយ ។ ប្រពៃណីសែនចូលឆ្នាំចិននៅកម្ពុជា បានផ្សាភ្ជាប់ទំនាក់ទំនងប្រពៃណីរស់នៅរបស់ប្រជាជន និងទំនាក់ទំនងល្អនៅក្នុងគ្រួសារនីមួយៗ ដែលមានជំនឿ ។
ទស្សនមហាជនខ្មែរមួយចំនួនយល់ឃើញថា ការប្រារព្ធពិធីបុណ្យចូលឆ្នាំចិននៅកម្ពុជា រៀបចំដោយប្រជាពលរដ្ឋខ្មែរជាប់សែស្រឡាយចិននេះ គឺបានបង្ហាញពីពហុវប្បធម៌នៃការរស់នៅ ក៏ដូចជាសេរីភាពនៃជំនឿសាសនានៅកម្ពុជា ។
ឯកឧត្តម សេង សុមុនី រដ្ឋលេខាធិការ និងជាអ្នកនាំពាក្យក្រសួងធម្មការ និងសាសនា បានសម្តែងនូវការគាំទ្រចំពោះការលើកឡើងដោយថា ជាគោលការណ៍រួម រាជរដ្ឋាភិបាលបានទទួលយកពហុវប្បធម៌ ពហុប្រពៃណី ពហុសាសនា តាមរដ្ឋធមនុញ្ញដែលមានចែងនៅក្នុងមាត្រា៤៣ ដែលថា ប្រជាពលរដ្ឋទាំងពីរភេទ មានសិទ្ធិពេញទីខាងជំនឿ និងការប្រតិបត្តិខាងផ្លូវសាសនា ពោលគឺរាជរដ្ឋាភិបាលទទួលយក និងបើកទូលាយសម្រាប់ជំនឿគ្រប់ជាតិសាសន៍ទាំងអស់។
ជុំវិញទិដ្ឋភាពពិធីបុណ្យចូលឆ្នាំចិននៅកម្ពុជា លោកបណ្ឌិត ឈន ប៊ុនថង ប្រធានវិទ្យាស្ថានទំនាក់ទំនងវប្បធម៌ អប់រំ និងទេសចរណ៍ នៃរាជបណ្ឌិត្យសភាកម្ពុជា មានប្រសាសន៍ថា ពិធីបុណ្យចូលឆ្នាំចិនមិនបានជះឥទ្ធិពលអាក្រក់មកលើសង្គមខ្មែរនោះទេ ផ្ទុយទៅវិញបានបង្ហាញពីតម្លៃនៃការគោរពប្រពៃណីជនជាតិ ស្របតាមច្បាប់សង្គម ព្រមទាំងគោលការណ៍សិទ្ធិមនុស្សជាសកល ។
លោកបណ្ឌិត បានបញ្ជាក់បន្ថែមថា ប្រជាពលរដ្ឋខ្មែរដែលជាប់សែស្រឡាយចិន បានរៀបចំពិធីបុណ្យចូលឆ្នាំចិនជារឿងធម្មតា ដែលដែលជាសិទ្ធិប្រារព្ធប្រពៃណី និងទំនៀមទម្លាប់រៀងៗខ្លួន ។ ការប្រារព្ធពិធីនេះ ប្រៀបដូចជាប្រជាជនខ្មែរទៅរស់នៅអាមេរិក បារាំង កាណាដា អូស្រ្តាលីជាដើម តែងតែប្រារព្ធពិធីបុណ្យផ្សេងៗ ពិធីចូលឆ្នាំខ្មែរ និងបុណ្យភ្ជុំជាដើមនៅលើទឹកដីគេ ។
មិនខុសគ្នាពីលោកបណ្ឌិត ឈន ប៊ុនថង សម្រាប់លោកបណ្ឌិត យ៉ង់ ពៅ អគ្គលេខាធិការនៃរាជបណ្ឌិត្យសភាកម្ពុជា មានប្រសាសន៍ថា ការរៀបចំពិធីបុណ្យចូលឆ្នាំចិននៅកម្ពុជានេះ វាជារឿងធម្មតា ព្រោះប្រទេសកម្ពុជាផ្តល់សេរីភាពខាងជំនឿ ដូចមានចែងនៅក្នុងរដ្ឋធម្មនុញ្ញ ។ បើតាមលោកបណ្ឌិត ប្រទេសឬជនជាតិណាដែលរឹតត្បិត ឬអភិរក្សជ្រុលនិយមទៅលើជំនឿ សាសនា គឺប្រទេសនោះមិនសូវរីកចម្រើននោះទេ ។
“ឧទាហរណ៍សហរដ្ឋអាមេរិកគេអនុញ្ញាតឱ្យគោរពជំនឿគ្រប់ជនជាតិ ! ការគោរពជំនឿប្រពៃណីកាន់តែច្រើន ធ្វើ ឱ្យសេដ្ឋកិច្ចកាន់តែរីកចម្រើន មានន័យថា មនុស្សចាយលុយទិញនេះ ទិញនោះមករៀបចំសែន តែសំខាន់យើងធ្វើហើយអត់ទៅធ្វើការ អាហ្នឹងបានវាខាត…” – លោកបណ្ឌិត យ៉ង់ ពៅ អគ្គលេខាធិការនៃរាជបណ្ឌិត្យសភាកម្ពុជា
យ៉ាងណាក៏ដោយ លោកបណ្ឌិត យ៉ង់ ពៅ ក៏បានស្នើដល់ប្រជាពលរដ្ឋខ្មែរយើងត្រូវសិក្សាស្វែងយល់អំពីគុណតម្លៃរបស់វប្បធម៌ខ្លួនឯងឱ្យបានច្បាស់ និងស៊ីជម្រៅ ព្រោះថា បើប្រជាជនខ្មែរទន់ខ្សោយចំណេះដឹងវប្បធម៌ អាចវប្បធម៌របស់គេនឹងលប់លើ ពេលនោះ ចង់ឬមិនចង់ ងាយនឹងទទួលយកវប្បធម៌បរទេស ។
ជាការកត់សម្គាល់ជនជាតិចិន ឬកូនកាត់សែស្រឡាយចិនរស់នៅប្រទេសជាច្រើនជុំវិញពិភពលោកប្រារព្ធធ្វើពិធីបុណ្យចូលឆ្នាំចិន ពិសេស ប្រទេសដែលស្ថិតនៅក្បែរសមុទ្រចិន ដូចជា ប្រទេសសិង្ហបុរី ឥណ្ឌូនេស៊ី ម៉ាឡេស៊ី ហ្វីលីពីន ថៃ កម្ពុជា និងកូរ៉េជាដើម ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ France Excellence សិក្សាថ្នាក់បណ្ឌិតនៅប្រទេសបារាំង ឆ្នាំ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 25/03/2026
ជាឱកាសសម្រាប់និស្សិតកម្ពុជាដែលមានបំណងចង់បន្តការសិក្សានៅប្រទេសបារាំង។ ស្ថានទូតបារាំងប្រចាំកម្ពុជា បានប្រកាសបើកទទួលពាក្យសុំអាហារូបករណ៍ France Excellence (BFE) ថ្នាក់បណ្ឌិត...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត ១២១កន្លែង ពីកម្មវិធីអាហារូបករណ៍ Thailand Scholarship Year 2025
ព័ត៌មានអាហារូបករណ៍, ព្រឹត្តិការណ៍
• 06/03/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យជាច្រើនក្នុងប្រទេសថៃ ក្រោមកម្មវិធីអាហារូបករណ៍ Thailand Scholarship Year 2025, THe Ministry of Higer Education, Science...
វិទ្យាស្ថានពហុបច្ចេកទេសខេត្តកំពង់ស្ពឺ ជ្រើសរើសយុវជន៥៧០នាក់ ចូលរៀនជំនាញបច្ចេកទេស និងវិជ្ជាជីវៈ
ព័ត៌មានអាហារូបករណ៍, ព្រឹត្តិការណ៍
• 26/04/2024
វិទ្យាស្ថានពហុបច្ចេកទេសខេត្តកំពង់ស្ពឺ បានប្រកាសពីការជ្រើសរើសយុវជនរហូតដល់ចំនួន ៥៧០នាក់ ដើម្បីចូលរៀនជំនាញបច្ចេកទេស និងវិជ្ជាជីវៈ១ កម្មវិធី ១.៥លាននាក់ជំហានទី២ ដែលនឹងចាប់ផ្តើមនៅពាក់កណ្តាល...
អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei
ព័ត៌មានអាហារូបករណ៍, ព្រឹត្តិការណ៍
• 12/05/2025
កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាសផ្តល់អាហារូបករណ៍...
ឱកាសផ្លាស់ប្ដូរការសិក្សាទៅសាកលវិទ្យាល័យ Chulalongkorn នៃកម្មវិធី AMIS Programme
ព័ត៌មានអាហារូបករណ៍, ព្រឹត្តិការណ៍
• 24/01/2024
ឱកាសផ្លាស់ប្ដូរការសិក្សានៅសាកលវិទ្យាល័យChulalongkorn នៃកម្មវិធី Asian International Mobility for Student និង The ASEAN University Network-ASEAN Credit Transfer ...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Porto នៃព័រទុយហ្គាល់ ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 08/10/2025
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Porto នៃប្រទេសព័រទុយហ្គាល់ សម្រាប់និស្សិតអន្តរជាតិជាច្រើនកន្លែង នៅឆ្នាំសិក្សា២០២៦។ អាហារូបករណ៍ផ្ដល់សម្រាប់ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់បណ្ឌិត។
វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 24/03/2025
វិទ្យាស្ថានបច្ចេកទេសឧស្សាហកម្មបន្តផ្ដល់ការសិក្សាជំនាញវិជ្ជាជីវៈ ជាច្រើនកន្លែងសម្រាប់ សិស្សានុសិស្ស និងសាធារណៈជន ចូលសិក្សាជំនាញវិជ្ជាជីវៈដោយឥតគិតថ្លៃ។ ការសិក្សាផ្ដល់ជូនក្រោមកម្មវិធីសិក្សា ១លាន៥សែននាក់ ដែលគាំទ្រ...
សាលារៀនសុវណ្ណភូមិផ្ដល់ជូនអាហារូបករណ៍១០០% ជូនដល់កូនៗរបស់យុទ្ធជនពលីជីវិតដើម្បីបុព្វហេតុការពារជាតិ
ព័ត៌មានអាហារូបករណ៍, ព្រឹត្តិការណ៍
• 31/07/2025
ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលីក្នុងបុព្វហេតុការពារជាតិ សាលារៀនសុវណ្ណភូមិ ប្រកាសផ្ដល់អាហារូបករណ៍១០០% រហូតដល់ចប់ថ្នាក់ទី១២...
អាហារូបករណ៍វគ្គបណ្ដុះបណ្ដាលភាសាអង់គ្លេសពីមជ្ឈមណ្ឌលស៊ីមេអូ RELC នៅប្រទេសសឹង្ហបុរី សម្រាប់ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 17/07/2023
មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។
កម្មវិធីពិសេសរបស់ AMS EDUCATION
ព័ត៌មានសង្ខេប
