ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – លោក ជា ពុំសក្ខីណា ជានិស្សិតកំពុងសិក្សាថ្នាក់បណ្ឌិតនៅសាកលវិទ្យាល័យ TsingHua និងជាអតីតនិស្សិតអាហារូបករណ៍រដ្ឋាភិបាលចិនដែលឆ្លងកាត់ការប្រឡងពីក្រសួងអប់រំ យុវជន និងកីឡា ។ លោក ជា ពុំសក្ខីណា បានឱ្យដឹងថា រដ្ឋាភិបាលចិនកំពុងផ្តល់អាហារូបករណ៍ពីរប្រភេទខុសគ្នាដល់និស្សិតអន្តរជាតិ សម្រាប់សិក្សាគ្រប់កម្រិត មានអាហារូបករណ៍រដ្ឋាភិបាលចិនប្រភេទ A និងប្រភេទ B ។ ទន្ទឹមគ្នានេះ ក៏មានកម្មវិធីសិក្សាភាសាចិនក្រោមមូលនិធិរបស់ China Scholarship Council ហៅកាត់ CSC ឬ CSC Scholarship ផងដែរ ។
លោក ជា ពុំសក្ខីណា បានលើកឡើងថា បច្ចុប្បន្នរដ្ឋាភិបាលចិនកំពុងផ្តល់អាហារូបករណ៍មានច្រើនប្រភេទសិស្ស-និស្សិតអន្តរជាតិ ។ អាហារូបករណ៍ Bilateral Program ឬប្រភេទ A ជាកញ្ជប់អាហារូបករណ៍របស់ស្ថានទូតចិនប្រចាំប្រទេសនីមួយៗ ។ ក្នុងនោះនិស្សិតកម្ពុជាអាចដាក់ពាក្យតាមស្ថានប័ននានាដូចជា ក្រសួងអប់រំយុវជន និងកីឡា (សម្រាប់សិស្ស និស្សិតទូទៅ គ្រប់សមាសភាព) និងនៅសហភាពសហព័ន្ធយុវជនកម្ពុជា និងស្ថាប័នផ្សេងទៀត ។ ចំណែកអាហារូបករណ៍ Chinese University Program និង Silk Road Program ឬ ប្រភេទ B ជាកញ្ជប់អាហារូបករណ៍របស់សាកលវិទ្យាល័យ និងតម្រូវឱ្យបេក្ខជនដាក់ពាក្យស្នើសុំទៅកាន់សាកលវិទ្យាល័យដោយផ្ទាល់ ។
និស្សិតថ្នាក់បណ្ឌិតកំពុងសិក្សានៅប្រទេសចិនរូបនេះ បានឱ្យដឹងទៀតថា អាហារូបករណ៍ទាំងពីរប្រភេទនេះ មានគុណសម្បត្តិ និងគុណវិបត្តិរៀងៗខ្លួន ។ គុណសម្បត្តិអាហារូបករណ៍ប្រភេទ A ផ្ដល់ជូនមុខជំនាញសិក្សាគ្រប់មុខជំនាញ មានជម្រើសសាកលវិទ្យាល័យ កម្រិតភាសាទាបជាងប្រភេទ B មានអត្រាជាប់ខ្ពស់ក្រោយពីជាប់វគ្គជម្រុះរបស់ស្ថាប័នទទួលពាក្យ ។ អាហារូបករណ៍នេះជាទូទៅមិនមានការប្រកួតប្រជែងជាមួយបេក្ខជនមកពីប្រទេសផ្សេង។
ចំណែកគុណវិបត្តិរបស់អាហារូបករណ៍ប្រភេទ A គឺមានការប្រកួតប្រជែងក្នុងស្រុកពិបាក បេក្ខជនអាចជ្រើសរើសជំនាញបានតែមួយមុខ ។ រីឯស្ថាប័នមួយចំនួនតម្រូវឱ្យបេក្ខជនបានបញ្ជប់កម្រិតសិក្សាខ្លួនជាមុនសិនទើបអាចស្នើសុំទៅកម្រិតបន្ទាប់បាន ។
ដោយឡែកគុណសម្បត្តិអាហារូបករណ៍ប្រភេទ B បេក្ខជនមិនមានការប្រឡងប្រជែងក្នុងស្រុក ស្នើសុំទៅកាន់សាកលវិទ្យាល័យផ្ទាល់ បេក្ខជនអាចស្នើសុំអាហារូបករណ៍បានបីសាកលវិទ្យាល័យ និងជម្រើសជំនាញផ្សេងគ្នា ព្រមទាំងមានឱកាសច្រើនសម្រាប់ថ្នាក់អនុបណ្ឌិត និងបណ្ឌិត ។ អាហារូបករណ៍ប្រភេទ B និស្សិតកំពុងសិក្សាឆ្នាំក្រោយអាចដាក់ពាក្យបាន ។
ផ្ទុយនឹងគ្នានេះ គុណវិបត្តិរបស់អាហារូបករណ៍ប្រភេទ B មានដូចជា ជ្រើសរើសសាលា និងជំនាញតិចសម្រាប់ថ្នាក់បរិញ្ញាបត្រ សាកលវិទ្យាល័យមួយកំណត់ក្នុងការដាក់ពាក្យ មានការប្រកួតប្រជែងជាមួយបេក្ខជនមកពីប្រទេសដទៃ មានការប្រកួតប្រជែងលើកម្រិតភាសាខ្ពស់ជាងអាហារូបករណ៍ប្រភេទ A ។ លើសពីនេះសាកលវិទ្យាល័យមួយចំនួនទាមទារផ្ញើឯកសារទៅកាន់សាលាដោយផ្ទាល់ និងត្រូវចំណាយលើថ្លៃដាក់ពាក្យដោយខ្លួនឯង ។
គួរបញ្ជាក់ថា លោក ពុំ សក្ខីណា បានចូលរួមជាវាគ្មិនម្នាក់ក្នុងចំណោមវាគ្មិន ០៦នាក់នៅក្នុងសិក្ខាសាលាស្ដីពីនីតិវិធីក្នុងការស្នើរសុំអាហារូបករណ៍ទៅលើការសិក្សានៅប្រទេសចិន ភាគ២ សប្ដាហ៍ទី២ កាលពីថ្ងៃអាទិត្យ ទី១២ ខែធ្នូ ឆ្នាំ២០២១ រៀបចំដោយសហភាពសហព័ន្ធយុវជនកម្ពុជា រាជធានីភ្នំពេញ ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
អ្នកជាប់ ឬធ្លាក់ថ្នាក់ទី១២ មានឱកាសទទួលបានអាហារូបករណ៍១០០%ដូចគ្នា នៅ CGTI
ព័ត៌មានអាហារូបករណ៍, ព្រឹត្តិការណ៍
• 01/11/2024
សម្រាប់ប្អូនៗដែលមានបំណងចង់ទទួលយកអាហារូបករណ៍១០០% ក្នុងឆ្នាំ២០២៤-២០២៥ ប្រញាប់ឡើងចំនួនមានកំណត់ !!!
ឱកាសចូលរួមវគ្គសិក្សាជាស៊េរី “មេរៀនអតីតកាល មាគ៌ាឆ្ពោះទៅអនាគត” ពី អ.វ.ត.ក.
ព័ត៌មានអាហារូបករណ៍, ព្រឹត្តិការណ៍
• 08/12/2025
ជាឱកាសសម្រាប់គ្រូបង្រៀន សាស្រ្តាចារ្យបង្រៀនលើមុខវិជ្ជាមនុស្សសាស្រ្ត ព្រមទាំងអ្នកដឹកនាំជំនាន់ក្រោយទាំងអស់! ពេលនេះ អង្គជំនុំជម្រះវិសាមញ្ញ ក្នុងតុលាការកម្ពុជា (អ.វ.ត.ក.) ប្រកាសបើកដាក់ពាក្យ សម្រាប់ការចូលរួមវគ្គសិក្សា...
អាហារូបករណ៍ថ្នាក់បរិញ្ញាបត្រជាន់ខ្ពស់ពីមជ្ឈមណ្ឌលសហប្រតិបត្តិការអន្តរជាតិកូរ៉េ សម្រាប់មន្រ្តីក្រសួងយុត្តិធម៌
ព័ត៌មានអាហារូបករណ៍, ព្រឹត្តិការណ៍
• 18/11/2025
ក្រសួងយុត្តិធម៌ កំពុងប្រកាសជ្រើសរើសមន្រ្តីចំណុះក្រសួងចំនួន ៥នាក់ ឱ្យទទួលអាហារូបករណ៍ថ្នាក់បរិញ្ញាបត្រជាន់ខ្ពស់ ទៅសិក្សានៅប្រទេសកូរ៉េ ក្រោមកម្មវិធីរបស់មជ្ឈមណ្ឌលសហប្រតិបត្តិការអន្តរជាតិកូរ៉េ (KOICA) ឆ្នាំសិក្សា២០២៦។
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Zhejiang Normal ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 13/01/2025
សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Zhijiang សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាលើជំនាញ...
វិទ្យាស្ថានពហុបច្ចេកទេសខេត្តកំពង់ ផ្តល់អាហារូបករណ៍ដល់យុវជនចំនួន១៥០នាក់ សិក្សាជំនាញបច្ចេកទេសឥតគិតថ្លៃ ជំហានទី២
ព័ត៌មានអាហារូបករណ៍, ព្រឹត្តិការណ៍
• 22/03/2024
វិទ្យាស្ថានពហុបច្ចេកទេសកំពង់ធំប្រកាសផ្ដល់អាហារូបករណ៍សិក្សាជំនាញបច្ចេកទេស និងវិជ្ជាជីវៈក្រោមកម្មវិធី១.៥លាន ជំហានទី២ ចំនួន១៥០ នាក់...
ឱកាសផ្លាស់ប្ដូរការសិក្សានៅប្រទេសបារាំងក្នុងកម្មវិធី Young Leaders Union Paris 2025
ព័ត៌មានអាហារូបករណ៍, ព្រឹត្តិការណ៍
• 30/06/2025
កម្មវិធីផ្លាស់ប្ដូរការសិក្សារយៈពេល៤ថ្ងៃនៅទីក្រុងប៉ារីស ប្រទេសបារាំង សម្រាប់និស្សិតអន្តរជាតិ ក្នុងកម្មវិធី Young Leaders Union Paris 2025 កំពុងបើកទទួលពាក្យ។ កម្មវិធីមានរយៈពេលចំនួន៤ថ្ងៃ ដោយគិតចាប់ពីថ្ងៃទី០១ ដល់ថ្ងៃទី០៤ ខែវិច្ឆិកា ឆ្នាំ២០២៥។
អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថាន វ៉ាន់ដា ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 07/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សា...
អាហារូបករណ៍សិក្សាជំនាញវិជ្ជាជីវៈ នៅវិទ្យាស្ថានពហុបច្ចេកទេសខេត្តកំពង់ធំ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 18/09/2023
វិទ្យាស្ថានពហុបច្ចេកទេសខេត្តកំពង់ធំ (PIKT) ប្រកាសជ្រើសរើសសិស្ស-និស្សិតថ្នាក់អាហារូបករណ៍ សិក្សាជំនាញវិជ្ជាជីវៈ ចាប់ពីកម្រិតសញ្ញាបត្របច្ចេកទេស រហូតដល់កម្រិតសញ្ញាបត្រជាន់ខ្ពស់បច្ចេកទេស...
អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី វិទ្យាស្ថានបណ្ដុះបណ្ដាលវិស័យកាត់ដេរ (CGTI) ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 14/11/2023
ឱកាសសិក្សាអាហារូបករណ៍ជំនាញបច្ចេកទេសពីវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ឬហៅថា CGTI ប្រកាស់ផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន៥៥កន្លែង...
កម្មវិធីពិសេសរបស់ AMS EDUCATION
ព័ត៌មានសង្ខេប
ព័ត៌មានផ្សេងៗទៀត
សហភាពអឺរ៉ុបប្រកាសផ្តល់អាហារូបករណ៍ ៣០កន្លែង ដល់និស្សិត និងអ្នកជំនាញកម្ពុជា ទៅសិក្សាលើវិស័យទឹកនៅអឺរ៉ុប
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ HTW Berlin University ប្រទេសអាល្លឺម៉ង់
