ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ដើម្បីធ្វើឱ្យសាលារៀនដំណើរការទៅបានល្អ គណៈគ្រប់គ្រងសាលារៀន ជាអ្នកធ្វើការជិតស្និទ្ធជាមួយគ្រូបង្រៀន និងដើរតួជាបណ្តាញសាលារៀននៅតាមភូមិ គណៈកម្មការទ្រទ្រង់សាលារៀន ឬគណៈកម្មការអភិវឌ្ឍន៍សាលារៀន ។ លើសពីនេះ គណៈគ្រប់គ្រងសាលារៀនត្រូវមានទំនាក់ទំនងជាមួយសហគមន៍ និងអប់រំដល់ឪពុកម្តាយសិស្សឱ្យដឹងពីសារៈសំខាន់នៃការអប់រំ និងអំពីការកែលម្អសាលារៀន ។
បើយោងតាមឯកសាររបស់ក្រសួងអប់រំ ស្ដីពី កម្មវិធីសាសាកុមារមេត្រី ភារកិច្ចរបស់គណៈគ្រប់គ្រងសាលារៀនត្រូវអនុវត្តរួមមាន៖
១. ធ្វើការជាមួយគណៈកម្មការទ្រទ្រង់សាលារៀន ៖ ពិភាក្សាអំពីរបៀបអនុវត្តគោលការណ៍ប្រឆាំងការសម្លុតធ្វើបាបនៅតាមសាលារៀន ដែលកើតឡើងនៅពេលដែលសិស្សម្នាក់ក្លាយជាគោលដៅនៃការប្រព្រឹត្តអវិជ្ជមានម្តងហើយម្តងទៀតពីសិស្សផ្សេងទៀត ឬពីគ្រូបង្រៀនណាម្នាក់ ។ ម៉្យាងវិញទៀត ត្រូវធ្វើស្វ័យវាយតម្លៃអំពីកិច្ចការពារកុមារ ដោយប្រើប្រាស់ឧបករណ៍ស្វ័យវាយតម្លៃផ្ដល់ជា «ប័ណ្ណពិន្ទុ» សម្រាប់ជាការវាយតម្លៃជាក់ស្ដែងដែលអាចជួយនាយកដ្ឋានអប់រំ និងសាលារៀនក្នុងការវាស់វែងកម្រិតរបស់សិស្សបំពេញបានតាមស្តង់ដារមូលដ្ឋានសម្រាប់ការគាំពារកុមារក្នុងមជ្ឍដ្ឋានអប់រំ និងចង្អុលបង្ហាញផ្នែកដែលត្រូវកែតម្រូវ ។ លើលពីនេះ ពិភាក្សា និងកែសម្រួលគោលការណ៍ការពារកុមារនៅតាមសាលារៀន ។
២. ធ្វើការជាមួយគ្រូបង្រៀន៖ ផ្តល់ព័ត៌មានអំពីសិទ្ធិកុមារ និងក្របខ័ណ្ឌច្បាប់នានា សម្រាប់ការពារកុមារពីអំពើហិង្សានៅក្នុងមជ្ឈដ្ឋានសាលារៀន ។ លើសពីនេះ រៀបចំកិច្ចប្រជុំជាមួយគ្រូបង្រៀនទាំងអស់ ដើម្បីពន្យល់អំពីភារកិច្ចរបស់គ្រូនៅក្នុងការទប់ស្កាត់អំពើហិង្សាចំពោះកុមារ ។ ក្នុងនោះ គ្រូបង្រៀនមានភារកិច្ច រក្សាបរិយាកាសនៃការគោរពគ្នាទៅវិញទៅមក និងភាពថ្លៃថ្នូរ ។ លើសពីនេះ ដឹងពីគោលនយោបាយ គោលការណ៍ និងបទបញ្ញត្តិសាលារៀន ព្រមទាំងពង្រឹងការអនុវត្តបរិបទទាំងនោះដោយត្រឹមត្រូវ និងជាប់ជាប្រចាំមិនប្រើទណ្ឌកម្មលើរាងកាយ និងផ្នែកស្មារតី នៅពេលដាក់វិន័យសិស្សរបស់ខ្លួន ។
៣. ធ្វើការជាមួយសិស្ស៖ ប្រាប់សិស្សនៅក្នុងសាលារៀនអំពីសិទ្ធិកុមារ និងសិទ្ធិក្នុងការទទួលខុសត្រូវរបស់សិស្ស ។ ម៉្យាងវិញទៀត ផ្សព្វផ្សាយព័ត៌មានអំពីប្រភេទខុសៗគ្នានៃអំពើហិង្សា និងផលវិបាកនៃអំពើហិង្សាចំពោះសិស្ស ។ លើសពីនេះ ប្រាប់សិស្សគួររាយការណ៍អំពីករណីអំពើហិង្សា និងការបៀតបៀន ករណីនានាដែលពាក់ព័ន្ធនឹងពួកគេផ្ទាល់ ឬសិស្សដទៃទៀតទៅដល់មនុស្សធំដែលពួកគេទុកចិត្តនៅតាមសាលា ។ ជាពិសេស ផ្សព្វផ្សាយ និងពន្យល់អំពីគោលនយោបាយស្តីពីទណ្ឌកម្មលើរាងកាយ និងផ្នែកស្មារតី ដល់សិស្ស ក៏ដូចជា អំពីការប្តេជ្ញារបស់សាលារៀន ចំពោះវិន័យបែបវិជ្ជមានផងដែរ ។
៤. ធ្វើការជាមួយឪពុកម្តាយសិស្ស៖ ជូនដំណឹងដល់ឪពុកម្តាយសិស្សអំពីភារកិច្ចរបស់គាត់ ដោយទទួលស្គាល់ថា ការអប់រំកូនៗ គឺជាការទទួលខុសត្រូវរួមគ្នារបស់ឪពុកម្តាយ អាណាព្យាបាល និងសហគមន៍សាលារៀន ។ លើសពីនេះ ដឹងពីគោលការណ៍សាលារៀន និងជួយឱ្យកូនៗអនុវត្តតាម ព្រមទាំងកសាងទំនាក់ទំនងល្អជាមួយគ្រូ ឪពុកម្តាយសិស្សដទៃទៀត និងកូនៗ ។ ទន្ទឹមគ្នានេះ ឪពុកម្ដាយសិស្សត្រូវឆ្លើយតបចំពោះសំណូមពររបស់គ្រូ និងមករៀនតាមប្រតិទិនសិក្សារបស់សាលារៀន ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសកម្មសិក្សានៅផ្ទះយុវជន ដើម្បីមិត្តភាពកម្ពុជា-ចិន
ព័ត៌មានអាហារូបករណ៍, ព្រឹត្តិការណ៍
• 13/08/2025
ផ្ទះយុវជនដើម្បីមិត្តភាពកម្ពុជា-ចិន (YHCCF) កំពុងប្រកាសជ្រើសរើស និស្សិតសាកលវិទ្យាល័យដែលកំពុងសិក្សាផ្នែកសេដ្ឋកិច្ច សហគ្រាលឬអាជីវកម្ម ការគ្រប់គ្រងផ្នែកគ្រោង ឬផ្នែកដែលពាក់ព័ន្ធ
អាហារូបករណ៍មូលនិធិ Matsumae International ថ្នាក់ស្រាវជ្រាវនៅប្រទេសជប៉ុនឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 14/03/2023
កម្មវិធីអាហារូបករណ៍ Matsumae International នៃប្រទេសជប៉ុនប្រកាសផ្ដល់អាហារូបករណ៍សិក្សាថ្នាក់ស្រាវជ្រាវតាមរយៈកម្មវិធីមូលនិធី...
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ UNIL ប្រទេសស្វីស ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 19/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យLausanne នាប្រទេសស្វីសឆ្នាំសិក្សា២០២៤ ។ អាហារូបរកណ៍បើកផ្ដល់សម្រាប់និស្សិតជុំវិញពិភពលោករួម.......
អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei
ព័ត៌មានអាហារូបករណ៍, ព្រឹត្តិការណ៍
• 12/05/2025
កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាសផ្តល់អាហារូបករណ៍...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីសាកលវិទ្យាល័យភាសា និងវប្បធម៌ប៉េកាំងឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 05/01/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍រដ្ឋាភិបាលចិនប្រភេទB នៅសាកលវិទ្យាល័យភាសា និងវប្បធម៌ប៉េកាំងសម្រាប់ឆ្នាំសិក្សា២០២៤។...
ឱកាសសិក្សាអាហារូបករណ៍ KOICA-GIST ប្រទេសកូរ៉េ ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 31/03/2023
កម្មវិធីអាហារូបករណ៍ពេញលេញ KOICA-GIST កំពុងផ្ដល់អាហារូបករណ៍ថ្នាក់ឧត្ដមសិក្សានៅវិទ្យាស្ថានបច្ចេកវិទ្យា Gwanju នៃប្រទេសកូរ៉េ ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន១០កន្លែងពីរដ្ឋាភិបាលបារាំងសម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 16/01/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសបារាំងចំនួន១០កន្លែងពីរដ្ឋាភិបាលបារាំងឆ្នាំសិក្សា២០២៤ -២០២៥។ អាហារូបករណ៍ជាការផ្ដល់...
វគ្គបណ្តុះបណ្តាលភាពយន្តខ្លីកម្ពុជា២០២៥ បើកទទួលពាក្យ
ព័ត៌មានអាហារូបករណ៍, ព្រឹត្តិការណ៍
• 05/06/2025
ក្រោមគំនិតផ្តួចផ្តើមរបស់ក្រសួងវប្បធម៌ និងវិចិត្រសិល្បៈ ដែលមានគោលបំណងចូលរួមចំណែកក្នុងការធ្វើឱ្យប្រសើរឡើងនូវវិស័យឧស្សាហកម្មភាពយន្តកម្ពុជា ដោយធ្វើការកសាងសមត្ថភាព ពង្រឹងជំនាញ និងបង្កើតឱកាសសម្រាប់យុវជន...
អាហារូបករណ៍ថ្នាក់ភាសាចិនរយៈពេល១ឆ្នាំ នៅសាកលវិទ្យាល័យ Yunnan Normal
ព័ត៌មានអាហារូបករណ៍, ព្រឹត្តិការណ៍
• 18/03/2026
សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសពីការផ្តល់អាហារូបករណ៍ដល់និស្សិតចំនួន ៣០នាក់ សម្រាប់ការបណ្តុះបណ្តាលភាសាចិនរយៈពេល១ឆ្នាំ នៅសាកលវិទ្យាល័យ Yunnan Normal ស្ថិតនៅទីក្រុងគុនមីង
កម្មវិធីពិសេសរបស់ AMS EDUCATION
ព័ត៌មានសង្ខេប
