ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការទទួលទានបន្លែ និងផ្លែឈើ គ្រប់គ្រាន់ជារៀងរាល់ថ្ងៃ នឹងជួយឱ្យកូនរបស់អ្នកមានភាពរឹងមាំ សុខភាពល្អ និងមិនងាយឈឺ ឬមានបញ្ហាសុខភាព។ ការសិក្សាបង្ហាញថា កុមារដែលមានអាយុចាប់ពី ២ ទៅ៣ឆ្នាំ គួរញ៉ាំផ្លែឈើ ១៥០ ក្រាមក្នុងមួយថ្ងៃ ហើយកុមារដែលមានអាយុចាប់ពី ៤ ទៅ ៨ឆ្នាំ គួរញ៉ាំផ្លែឈើ ២២៥ក្រាមក្នុងមួយថ្ងៃ, ហើយជាទូទៅ កុមារគឺងាយនឹងញ៉ាំផ្លែឈើជាងញ៉ាំបន្លែ។
ការញ៉ាំផ្លែឈើ និងអត្ថប្រយោជន៍សម្រាប់សុខភាព
យោងតាមនាយកដ្ឋានសុខភាព និងសេវាប្រជាជន និងក្រសួងកសិកម្មអាមេរិក បានបង្ហាញថា ការទទួលទានផ្លែឈើមានសារៈសំខាន់ ជាច្រើនដូចជា ជាប្រភេទអាហាដែលមានជាតិខ្លាញ់ទាប, មានជាតិអំបិលទាប, មានកាឡូរីទាប, ជាអាហារសុខភាពដែលគ្មានជាតិកូលេស្ដូរ៉ល និងជាប្រភពនៃប៉ូតាស្យូម ជាតិសរសៃ វីតាមីនស៊ី និងហ្វូឡែត ដែលសុទ្ធសឹងតែជាសារធាតុចិញ្ចឹម មានសារៈសំខាន់សម្រាប់ការលូតលាស់របស់កុមារ។
វិធីដែលជួយឱ្យកុមារញ៉ាំផ្លៃឈើបានច្រើន
ការជំរុញឱ្យកូនរបស់អ្នកញ៉ាំផ្លែឈើ ជាធម្មតាមិនពិបាកដូចជំរុញឱ្យពួកគេញ៉ាំបន្លែនោះទេ ព្រោះផ្លែឈើភាគច្រើន មានរសជាតិឆ្ងាញ់ ហើយជាទូទៅ ត្រូវបានកុមារចាត់ទុកថា ជាអាហារសម្រន់ដ៏ពិសេសសម្រាប់ពួកគេ។
យ៉ាងក៏ដោយ ប្រសិនបើកូនរបស់អ្នក មិនចូលចិត្តញ៉ាំផ្លែឈើទេ មានគន្លឹះមួយចំនួន ដែលអ្នកអាចអនុវត្ត ដើម្បីលើកទឹកចិត្តឱ្យពួកគេញ៉ាំផ្លែឈើបានកាន់តែច្រើន។
- ធ្វើឱ្យផ្លែឈើងាយស្រួលស្វែងរក នៅក្នុងផ្ទះ ទាំងផ្លែឈើស្រស់ និងផ្លែឈើដែលចិតរួច
- ផ្ដល់ឱ្យកុមារនូវជម្រើសច្រើនប្រភេទ ឬអ្នកអាចជូនកុមារទៅផ្សារ ដើម្បីផ្ដល់សិទ្ធិឱ្យពួកគេជ្រើសរើស ប្រភេទផ្លែឈើ ដែលពួកគេចូលចិត្ត
- បន្ថែមផ្លែឈើក្នុងរបបអាហារកុមារ ជាពិសេសគឺអាហារពេលព្រឹក
- បង្ហាញគម្រូដល់កូនរបស់អ្នក តាមរយៈការញ៉ាំផ្លែឈើរាល់ថ្ងៃ
ករណីដែលកូនរបស់អ្នក មិនចូលចិត្តញ៉ាំផ្លែឈើទាល់តែសោះ អ្នកអាចពិគ្រោះជាមួយគ្រូពេទ្យបន្ថែម ថាតើគេគួរតែញ៉ាំវីតាមីនបន្ថែមឬទេ?៕
