ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវីធីអាហារូបករណ៍ MEXT ប្រកាសផ្ដល់អាហារូបករណ៍ថ្នាក់ឧត្ដមសិក្សានៅប្រទេសជប៉ុនសម្រាប់និស្សិតបរទេសឆ្នាំសិក្សា២០២៤ ។ អាហារូបករណ៍ជាការឧបត្ថម្ភគាំទ្ររបស់រដ្ឋាភិបាលជប៉ុនតាមរយៈក្រសួងអប់រំ វិទ្យាសាស្ត្រ កីឡា វប្បធម៌ និងបច្ចេកវិទ្យាជប៉ុន ។
កម្រិតសិក្សាដែលអាហារូបករណ៍ផ្តល់ជូនមានដូចជា ការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតដែលសិក្សានៅប្រទេសជប៉ុន ។ លក្ខខណ្ឌក្នុងការដាក់ពាក្យសម្រាប់សិស្សានុសិស្ស ឬបេក្ខជនដាក់ពាក្យត្រូវតែជាបេក្ខជនដែលមានមកពីប្រទេសដែលមានទំនាក់ទំនងជាមួយប្រទេសជប៉ុន, បេក្ខជនត្រូវមានសុខភាពល្អទាំងកាយសម្បទា និងស្មារតី, មានថ្ងៃកំណើតក្រោយថ្ងៃទី០២ ខែមេសា ឆ្នាំ១៩៨៥ ។
ជាមួយគ្នានេះ បេក្ខជនត្រូវមានសញ្ញាបត្របរិញ្ញាបត្រសម្រាប់ការស្នើថ្នាក់បរិញ្ញាបត្រជាន់ខ្ពស់ សម្រាប់ថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់ និងសញ្ញាបត្រមធ្យមសិក្សាទុតិយភូមិសម្រាប់ថ្នាក់បរិញ្ញបត្រ ។ ទម្រង់ពាក្យសុំដែលបានដាក់ស្នើត្រូវតែស្របតាមការណែនាំដែលត្រូវបានលើកឡើងនៅលើគេហទំព័រផ្លូវការរបស់ស្ថានទូតជប៉ុនក្នុងប្រទេសរបស់បេក្ខជន ។
ឯកសារចាំបាច់ដែលអាហារូបករណ៍ត្រូវការមានដូចជា Mark Sheet Form ដែលមាននៅលើគេហទំព័រដើម, ទម្រង់ពាក្យសុំ MEXT ដើម, ច្បាប់ចម្លងនៃសញ្ញាបត្រ/វិញ្ញាបនបត្រ និងប្រតិចារិកពីវិទ្យាស្ថានចុងក្រោយដែលបានចូលរួម ឬរៀន, ផែនការស្រាវជ្រាវ, ច្បាប់ចម្លងនៃសញ្ញាបត្រផ្សេងៗដែលមានខាងលើ, លិខិតណែនាំពីរបស់និយោជកបច្ចុប្បន្ន និងឯកសារ ឬសញ្ញាបត្របញ្ជាក់ភាសាអង់គ្លេស ។
បេក្ខជនដែលទទួលបានអាហារូបករណ៍នឹងទទួលបានការគាំទ្រដូចជា ថ្លៃសិក្សាពេញលេញ ថ្លៃសំបុត្រយន្តហោះ ការចំណាយលើការប្រឡង ប្រាក់ប្រចាំខែសម្រាប់និស្សិតទៅតាមកម្រិតថ្នាក់សិក្សា ។ លើសពីនេះ បេក្ខជននឹងមានឱកាសសិក្សានៅសាកលវិទ្យាល័យល្បីបំផុតនៃប្រទេសជប៉ុន រួមជាមួយឱកាសស្វែងយល់ពីវប្បធម៌ និងភាសាជប៉ុនផងដែរ ។
សម្រាប់ព័ត៌មានលម្អិតអាចចូលទៅកាន់តំណភ្ជាប់ https://b4unew.com/mext-scholarship-in-japan-2024-fully-funded/ ។ ដើម្បីធ្វើការស្នើពាក្យអាហារូបករណ៍សូមចូលតាមរយៈតំណភ្ជាប់ https://www.mofa.go.jp/about/emb_cons/over/index.html ពីថ្ងៃផ្សាយដំណឹងនេះតទៅ៕
