ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មានសារធាតុចិញ្ចឹមជាច្រើនដែលរាងកាយរបស់យើងត្រូវការ មូលហេតុនេះហើយ បានជាយើងងាយនឹងខកខានក្នុងការទទួលបានសារធាតុចិញ្ចឹមគ្រប់គ្រាន់។ ក្នុងចំណោមសារធាតុចិញ្ចឹមជាច្រើន អាហារជាតិសរសៃ គឺជាសារធាតុមួយដែលមានសារៈសំខាន់ ប៉ុន្តែជារឿយៗ ត្រូវបានយើងមើលរំលង។
ហេតុអ្វីបានជាតិសរសៃមានសារៈសំខាន់ខ្លាំងសម្រាប់សុខភាពទូទៅ ?
វេជ្ជបណ្ឌិត Kellyann Petrucci ជាអ្នកជំនាញផ្នែកអាហារូបត្ថម្ភ បានលើកឡើងថា យើងកំពុងសិក្សាកាន់តែច្រើនថា តើសុខភាពពោះវៀនអាចប៉ះពាល់ដល់ផ្នែកណាខ្លះនៃជីវិត និងការរស់នៅរបស់យើង រួមទាំងសុខភាពខួរក្បាល ប្រព័ន្ធភាពស៊ាំ និងសុខភាពស្បែក ។ អ្នកជំនាញរូបនេះ បន្តថា ពោះវៀន ក៏មានអាហារ ដែលវាចូលចិត្តដែរ ហើយអាហារនោះគឺជាតិសរសៃ។
ប្រសិនបើអ្នកមិនបានទទួលទានជាតិសរសៃគ្រប់គ្រាន់ នោះសត្វល្អិត ឬអតិសុខុមប្រាណសំខាន់ៗ ដែលជួយសម្រួលប្រព័ន្ធរំលាយអាហារ នឹងមិនទទួលបានអ្វី ដែលពួកគេត្រូវការនោះទេ។ កាលណាដែលពួកគេ មិនទទួលបានសារៈជាតិសំខាន់ ដែលពួកគេត្រូវការ ពួកគេនឹងបំបែកលើស្រទាប់ពោះវៀន។
វេជ្ជបណ្ឌិត Kellyann Petrucci ជាអ្នកជំនាញផ្នែកអាហារូបត្ថម្ភ
ដំណើរនេះ គឺនាំទៅរកអ្វី ដែលគេស្គាល់ជាទូទៅថា ការ «ធ្លាយពោះវៀន – Leaky gut» ហើយ ពោះវៀន ដែលធ្លាយនោះ គឺ ជាស្នាមប្រះធំ នៅក្នុងស្រទាប់ពោះវៀនរបស់មនុស្ស ដែលបង្ករគ្រោះថ្នាក់ផ្នែកខាងក្នុងរបស់ពោះវៀនមនុស្ស ដោយសារមានជាតិពុល និងអាហារដែលមិនបានរំលាយបានល្អចូលទៅ ដែលបណ្ដាលឱ្យមានបញ្ហារលាក ។ នេះបើយោងតាមការចេញផ្សាយដោយសាកលវិទ្យាល័យហាវឺត។
វេជ្ជបណ្ឌិត Petrucci បន្តថា ការមានរបបអាហារ ដែលមានជាតិសរសៃខ្ពស់ ក៏ជួយរក្សាកម្រិតអរម៉ូនសម្រាប់ស្ត្រីផងដែរ។ ជាតិសរសៃត្រូវបានគេរកឃើញថា អាចកាត់បន្ថយជាតិស្ករក្នុងឈាម និងកម្រិតអឺស្ត្រូសែន ដែលអាចកាត់បន្ថយហានិភ័យ ក្នុងការវិវត្តទៅរកជំងឺមហារីកសុដន់តិចជាងមុន ៨ភាគរយ។
តើអ្នកគួរទទួលទានអាហារមានជាតិសរសៃជាប្រចាំថ្ងៃដោយរបៀបណា?
អ្នកជំនាញខាងលើ បានណែនាំឱ្យជម្រើសរើសអាហារនេះ ជាមួយផ្នែកមួយនៃ របបអាហារប្រចាំថ្ងៃ ព្រោះវាផ្ដល់នូវសារធាតុចិញ្ចឹមជាច្រើនដល់រាងកាយ។ ក្នុងនោះ អាហារ ដែលសម្បូរជាតិសរសៃរ ដែលងាយស្រួលរក មានដូចជា ផ្លែបឺរ បន្លែបៃតង គ្រាប់អាល់ម៉ុន ផ្លែប៊ីរី ផ្លែប៉ោម និងគ្រាប់ធញ្ញជាតិ។ វេជ្ជបណ្ឌិតរូបនេះ បន្តថា មនុស្សភាគច្រើន គួរតែទទួលទានអាហារដែលមានជាតិសរសៃ ប្រហែល ១០ ក្រាមក្នុងមួយថ្ងៃ៕
