ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – បច្ចុប្បន្ននេះពិភពលោកបានវិវឌ្ឍន៍មកកាន់សម័យកាលឧស្សាហកម្ម ៤.០ ដែលគ្រប់ឧស្សាហកម្ម និងពាណិជ្ជកម្ម ទាំងអស់កំពុងតែវិវត្តខ្លួនមកប្រើប្រាស់បច្ចេកវិទ្យា ហើយវិស័យ បច្ចេកវិទ្យាព័ត៌មាន និងសារគមនាគមន៍ (ICT) ឬវិស័យឌីជីថល បានដើរតួនាទីយ៉ាងសំខាន់សម្រាប់ឧស្សាហកម្មទី៤ នេះ ។ ស្របគ្នានេះដែរ អ្នកជំនាញមើលឃើញថា ខណៈវិស័យបច្ចេកវិទ្យាព័ត៌មាន និងសារគមនាគមន៍មានតម្រូវការខ្ពស់ តែផ្ទុយទៅវិញមានអ្នករៀនមានចំនួនតិចនៅកម្ពុជា ។
ឯកឧត្តមបណ្ឌិត សេង សុភាព ប្រធានបណ្ឌិត្យសភាបច្ចេកវិទ្យាឌីជីថលកម្ពុជា (CADT) បានមានប្រសាសន៍ថា ក្នុងចំណោមនិស្សិតដែលរៀននៅសាកលវិទ្យាល័យ ៥០ភាគរយពួកគេរៀនផ្នែកសង្គម ដូចជាជំនាញ គ្រប់គ្រង គណនេយ្យ សេដ្ឋកិច្ច និងធនាគារជាដើម ក្នុងនោះមាននិស្សិតត្រឹមតែ ១០ភាគរយប៉ុណ្ណោះ ដែលរៀនវិស័យបច្ចេកវិទ្យាព័ត៌មាន និងសារគមនាគមន៍ (ICT) ។ លោកថា បច្ចុប្បន្ននេះ វិស័យ ICT មានតម្រូវការខ្ពស់ ប៉ុន្តែមានអ្នករៀនតិចតួចតែប៉ុណ្ណោះ ។
លោក លឹម សង្វារ នាយកប្រតិបត្ដិនៃក្រុមហ៊ុន ArrowDot ដែលធ្វើការងារលើប្រព័ន្ធគ្រប់គ្រងឧស្សាហកម្ម និងការអភិវឌ្ឍផលិផលអេឡិចត្រូនិក យល់ស្របថា បច្ចេកវិទ្យាព័ត៌មាន និងសារគមនាគមន៍កំពុងមានតម្រូវការខ្ពស់នៅក្នុងសង្គម ។
លោក លឹម សង្វារ នាយកប្រតិបត្ដិនៃក្រុមហ៊ុន ArrowDot
“ពេលនេះពិភពលោកបានវិឌ្ឍន៍ មកដល់ឧស្សាហកម្ម ៤.០ ហើយ IOT (Internet Of Things) នឹងត្រូវគេប្រើប្រាស់យ៉ាងទូលំទូលាយ ។ នៅប្រទេសមួយចំនួន គេមានទីក្រុងឆ្លាតវៃ (Smart City) ដោយក្នុងទីក្រុងនោះ គេមានចំណងឆ្លាតវៃ ប្រព័ន្ធគ្រប់គ្រងសំរាមឆ្លាតវៃ ភ្លើងបំភ្លឺផ្លូវស្វ័យប្រវត្តិ និងអ្វីផ្សេងៗទៀត ដែលទាំងអស់នោះ ត្រូវការអ្នកជំនាញ ICT ដើម្បីធ្វើការបង្កើត”
លោក លឹម សង្វារ បានបញ្ជាក់បន្ថែមថា បច្ចុប្បន្ន ក្រុមហ៊ុនលោកត្រូវការធនធានមនុស្សផ្នែក ICT ជាចាំបាច់ ប៉ុន្តែអាចនឹងពិបាកស្វែងរក ។ លោកថា ក្រុមហ៊ុនដែលកំពុងប្រតិបត្តិការនៅក្នុងប្រទេសកម្ពុជាជាច្រើន គេមិនចង់បានអ្នកជំនាញ ពីខាងក្រៅប្រទេសមកបម្រើការងារនៅក្រុមហ៊ុនរបស់គេប៉ុន្មាននោះទេ ដោយសារចំណាយច្រើនលើថ្លៃឈ្នួលកម្លាំងពលកម្ម ថ្លៃស្នាក់នៅ ថ្លៃធ្វើដំណើរ ផ្ទុយទៅវិញចង់បានអ្នកជំនាញជាជនជាតិខ្មែរ ។ លោករំពឹងថា កម្ពុជានឹងបង្កើតធនធានមនុស្ស ផ្នែកនេះកាន់តែច្រើន ។
មិនខុសពីការលើកឡើងរបស់ លោក លឹម សង្វារ លោក ជា ឡង់ដា នាយកប្រតិបត្តិនៃក្រុមហ៊ុន BookmeBus ដែលជាក្រុមហ៊ុនកក់សំបុត្ររថយន្ត និងកាណូតក្នុងស្រុកតាមអនឡាញ យល់ឃើញថា បច្ចុប្បន្នជំនាញ ICT ពិតជាមានតម្រូវការខ្ពស់ សូម្បីតែក្រុមហ៊ុនរបស់លោកផ្ទាល់កំពុងខ្វះខាតអ្នកជំនាញក្នុងវិស័យនេះ ហើយកំពុងតែជ្រើរើសរើសបុគ្គលិកដែលចេះលើវិស័យនេះ ដូចជាអ្នកសរសេរកូដ អ្នក អភិវឌ្ឍន៍កម្មវិធីជាដើម ។
យ៉ាងណាក៏ដោយសម្រាប់លោកបណ្ឌិត សេង សុភាព ប្រធានបណ្ឌិត្យសភាបច្ចេកវិទ្យាឌីជីថលកម្ពុជា (CADT) បានផ្តល់អនុសាសន៍ដល់ យុវជនកម្ពុជា គួរងាកមកចាប់អារម្មណ៍ការសិក្សា ផ្នែកបច្ចេកវិទ្យា ជាពិសេសបច្ចេកវិទ្យា Digital ដែលសង្គមកំពុងត្រូវការស្ទើរតែគ្រប់វិស័យ ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់ឧត្ដមសិក្សានៅអាល្លឺម៉ង់ ពីកម្មវិធី Neudert-Foundation ២០២៦
ព័ត៌មានអាហារូបករណ៍, ព្រឹត្តិការណ៍
• 25/11/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសអាល្លឺម៉ង់សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ Neufert Founation Scholarship 2026។ អាហារូបករណ៍ផ្ដល់ការសិក្សារយៈពេល ១ឆ្នាំ ទៅ២ឆ្នាំ តាមកម្មវិធីសិក្សា។
ឱកាសសិក្សានៅប្រទេសជប៉ុន ពីកម្មវិធីអាហារូបករណ៍ធនាគារអភិវឌ្ឍអាស៊ីឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 10/03/2023
កម្មវីធីអាហារូបករណ៍ The ADB-Japan Scholarship Program (JSP) បានប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់សិក្សានៅសាកលវិទ្យាល័យ Tokyo ...
រៀនជំនាញដូនតាដោយឥតគិតថ្លៃ ជាមួយក្រសួងវប្បធម៌ និងវិចិត្រសិល្បៈ
ព័ត៌មានអាហារូបករណ៍, ព្រឹត្តិការណ៍
• 07/04/2026
ក្រសួងវប្បធម៌ និងវិចិត្រសិល្បៈ ប្រកាសពីការផ្តល់ជូនការបណ្តុះបណ្តាលជំនាញដូនតាដោយឥតគិតថ្លៃ សម្រាប់ឆ្នាំ២០២៦ ដល់យុវជន និងសាធារណជន ដែលចង់ចេះជំនាញដូចជា តម្បាញសូត្រ និងអំបោះ, តម្បាញក្រមាពណ៌ត្រុំ,
អាហារូបករណ៍ ១០០% ពី University of the Thai Chamber of Commerce ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 14/01/2025
University of the Thai Chamber of Commerce គឺជាសាកលវិទ្យាល័យល្បីមួយនៅប្រទេសថៃ ដែលផ្តោតទៅលើជំនាញធុរកិច្ច បានប្រកាសផ្តល់អាហារូបករណ៍ ១០០% សម្រាប់និស្សិតបរទេស ទៅសិក្សាថ្នាក់បរិញ្ញាបត្រ។
ឱកាសសិក្សានៅសាកលវិទ្យាល័យ Warwick ពីកម្មវិធី ASEAN-UK សម្រាប់ស្ត្រីក្នុងវិស័យ STEM
ព័ត៌មានអាហារូបករណ៍, ព្រឹត្តិការណ៍
• 28/03/2025
កម្មវិធី ASEAN-UK Sage ផ្ដល់ឱកាសសិក្សាក្នុងគម្រោង Women in STEM Scholarship ប្រកាសផ្ដល់ការសិក្សាថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Warwick ក្នុងវិស័យ STEM ដល់ស្ត្រីដែលស្ថិតក្នុងប្រទេសតំបន់អាស៊ាន...
ក្រសួងអប់រំជ្រើសរើសនិស្សិតអាហារូបករណ៍នៅសិក្សានៅប្រទេសថៃសម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 20/12/2023
ក្រសួងអប់រំ យុវជន និងកីឡា ប្រកាសប្រឡងអាហារូបករណ៍ជ្រើសរើសសិស្ស និស្សិត និងមន្ត្រីរាជធការកម្ពុជាទៅសិក្សានៅប្រទេសថៃក្រោមអាហារូបករណ៍ ព្រះអង្គម្ចាស់ក្សត្រីយ័មហាចក្រីសិរិថន។ អាហារូបករណ៍...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន៥០០កន្លែងពីកម្មវិធីអាហារូបករណ៍ ANSO ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 07/02/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ ANSO ចំនួន៥០០កន្លែងសិក្សានៅសាកលវិទ្យាល្បីៗក្នុងប្រទេសចិនឆ្នាំសិក្សា២០២៤។...
អាហារូបករណ៍កន្លែងស្នាក់នៅក្នុងទីក្រុងភ្នំពេញសម្រាប់ជនជាតិដើមភាគតិចឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 22/07/2025
សមាគមយុវជនជនជាតិដើមភាគតិចកម្ពុជា កំពុងប្រកាសផ្ដល់កន្លែងស្នាក់នៅសម្រាប់បេក្ខជនចំនួន២០រូប ដែលមិនមានលទ្ធភាពក្នុងអំឡុងពេលបន្តការសិក្សានៅទីក្រុងភ្នំពេញ តាមបណ្ដាវិទ្យាស្ថាន និងសាកលវិទ្យាល័យនានា សម្រាប់ឆ្នាំសិក្សា២០២៥-២០២៦។
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ប្រទេសបារាំងឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 10/09/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ ENS de Lyon ចំនួន២០កន្លែងពីកម្មវិធីអាហារូបករណ៍ Ampere Scholarship ក្នុងឆ្នាំសិក្សា២០២៥។ ជំនាញដែលអាហារូបករណ៍ផ្ដល់ជូនរួមមាន ផ្នែកវិទ្យាសាស្ត្រពិត ផ្នែកសិល្បៈ និងផ្នែកមនុស្សសាស្ត្រ និងសង្គមសាស្ត្រ។
កម្មវិធីពិសេសរបស់ AMS EDUCATION
ព័ត៌មានសង្ខេប
ព័ត៌មានផ្សេងៗទៀត
សិស្សកម្ពុជា២១៦នាក់ ទទួលបានជ័យលាភីមេដាយមាស ក្នុងការប្រកួតគណិតវិទ្យា វិទ្យាសាស្ត្រ និងព័ត៌មានវិទ្យា អូឡាំព្យាដអន្តរជាតិ ២០២៤
Telecom, Network និង IT ជាជំនាញមានត្រូវការខ្ពស់សម្រាប់ក្រុមហ៊ុនអ៊ីធឺណិត និងបណ្ដាញទូរស័ព្ទ
