ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មូលនិធិហាប់ស្វែល (Harpswell Foundation) ដែលជាអង្គការឈានមុខគេក្នុងការគាំទ្រ និងលើកកម្ពស់សមត្ថភាពស្ត្រីនៅកម្ពុជា បានប្រកាសបើកទទួលពាក្យស្នើសុំអាហារូបករណ៍សម្រាប់ឆ្នាំសិក្សា ២០២៦-២០២៧។ អាហារូបករណ៍នេះ ផ្តោតគោលដៅសំខាន់លើសិស្សនារីដែលកំពុងសិក្សាថ្នាក់ទី១២ នៅតាមបណ្តាវិទ្យាល័យតាមខេត្ត ដែលមានបំណងចង់បន្តការសិក្សានៅថ្នាក់ឧត្តមសិក្សាក្នុងរាជធានីភ្នំពេញ។
អត្ថប្រយោជន៍នៃអាហារូបករណ៍
បេក្ខនារីដែលត្រូវបានជ្រើសរើស នឹងទទួលបានលើសពីកន្លែងស្នាក់នៅ។ មូលនិធិហាប់ស្វែល ផ្តល់ជូននូវ៖
ការស្នាក់នៅដោយឥតគិតថ្លៃ ៖ នៅក្នុងអន្តេវាសិកដ្ឋានដែលមានសុវត្ថិភាពខ្ពស់។
ការបណ្តុះបណ្តាលបន្ថែម៖ កម្មវិធីបណ្តុះបណ្តាលភាពជាអ្នកដឹកនាំ (Leadership Center) ដើម្បីពង្រឹងសមត្ថភាព និងទំនុកចិត្ត។
បរិយាកាសសិក្សា៖ ការរស់នៅជុំវិញមិត្តភក្តិដែលជានិស្សិតនារីមានសមត្ថភាព និងការជំរុញទឹកចិត្តគ្នាទៅវិញទៅមក។
លក្ខខណ្ឌនៃការជ្រើសរើស
ដើម្បីមានឱកាសក្លាយជាបេក្ខនារីជាប់បញ្ជីសម្រាំង បេក្ខជនត្រូវមានលក្ខណៈសម្បត្តិដូចខាងក្រោម៖
- ជាសិស្សពូកែ ទទួលបានពិន្ទុល្អក្នុង ថា្នក់ និងក្នុងការប្រឡងមធ្យម សិក្សាទុតិយភូមិ
- ជាសិស្សសកម្មក្នុងការចូលរួមនិងយល់ដឹងពីកិច្ចការសង្គម
- ជាសិស្សមានសមត្ថភាពភាសាអង់ គ្លេស
- ជាសិស្សដែលមានទស្សនវិស័យសម្រាប់អនាគតរបស់ខ្លួន និងប្រទេសជាតិ។
កាលបរិច្ឆេទ និងដំណើរការជ្រើសរើស
កាលបរិច្ឆេទទទួលពាក្យ៖ ចាប់ពីថ្ងៃទី១៥ ខែមេសា រហូតដល់ថ្ងៃទី១៥ ខែឧសភា ឆ្នាំ ២០២៦។
ការប្រឡង និងសម្ភាស៖ នឹងប្រព្រឹត្តទៅក្នុងខែមិថុនា ឆ្នាំ២០២៦ តាមរយៈប្រព័ន្ធអនឡាញ (Online)។
ការប្រកាសលទ្ធផល៖ ឈ្មោះបេក្ខនារីជាប់ជុំទី១ នឹងត្រូវផ្សព្វផ្សាយលើទំព័រហ្វេសប៊ុកផ្លូវការរបស់មូលនិធិ។
ការសម្រេចជាស្ថាពរ៖ នឹងត្រូវធ្វើឡើងបន្ទាប់ពីបេក្ខនារីទទួលបានលទ្ធផលប្រឡងមធ្យមសិក្សាទុតិយភូមិ (បាក់ឌុប) ផ្លូវការ។
នេះគឺជាឱកាសសម្រាប់សិស្សនារីមកពីខេត្តឆ្ងាយៗ ដែលមានសមត្ថភាពខ្ពស់តែខ្វះខាតកន្លែងស្នាក់នៅ ដើម្បីសម្រេចក្តីសុបិន្តសិក្សានៅសាកលវិទ្យាល័យនាទីក្រុងភ្នំពេញ។ សូមរួសរាន់រៀបចំឯកសារ និង [ ដាក់ពាក្យ ] ឱ្យបានទាន់ពេលវេលា៕
