ក្រសួងអប់រំ យុវជន និងកីឡា និង អង្គការយូណេស្កូ ប្រកាសជ្រើសរើសបុគ្គលិកអប់រំ ចូលសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា នៅវិទ្យាស្ថានគរុកោសល្យរាជធានីភ្នំពេញ ក្រោមកម្មពីធីពង្រឹងការអប់រំគ្រូបង្រៀននៅកម្ពុជាដំណាក់កាលទី២ (STEPCam PhaseII) ចំនួន២០កន្លែង សម្រាប់ឆ្នាំសិក្សា២០២២៥-២០២៦។

ជំនាញដែលត្រូវបណ្ដុះបណ្ដាលរួមមាន ៖ គណិតវិទ្យា ភាសាខ្មែរ វិទ្យាសាស្ត្រ និងសិក្សាសង្គម។

លក្ខខណ្ឌក្នុងការជ្រើសរើសបេក្ខជន ៖ ជាបុគ្គលិកអប់រំកំពុងបម្រើការងារនៅតាមសាលាគរុកោសល្យ និងវិក្រឹតការ និងវិទ្យាស្ថានគរុកោសល្យ ដែលពុំទាន់មានសញ្ញាបត្របរិញ្ញាបត្រជាន់ខ្ពស់ ឬមានសញ្ញាបត្របរិញ្ញាបត្រជាន់ខ្ពស់ តែខុសឯកទេសបង្រៀន។ លើសពីនេះ បេក្ខជនត្រូវមានសញ្ញាបត្របរិញ្ញាបត្រអប់រំ ឬសញ្ញាបត្រសមមូល, ជាបុគ្គលិកអប់រំដែលកំពុងបម្រើការងារនៅសាលាគរុកោសល្យ និងវិក្រឹតការ និងវិទ្យាស្ថានគរុកោសល្យ, មានអាយុមិនលើស៥០ឆ្នាំ (គិតត្រឹមថ្ងៃដាក់ពាក្យ), មានបុគ្គលិកលក្ខណៈ និងក្រមសីលធម៌ល្អ និងជាបុគ្គលដែលសម្របនឹងការធ្វើការជាក្រុម និងជាបុគ្គល មានសុខភាពល្អបរិបូរណ៍ទាំងកាយសម្បទា និងសតិបញ្ញា។ សម្រាប់បេក្ខភាពជាគ្រូឧទ្ទេស និងជានារីត្រូវបានផ្ដល់អាទិភាពឱ្យចូលរួមកម្មវិធីអាហារូបករណ៍។

បេក្ខជនដែលមានចំណាប់អារម្មណ៍ក្នុងការដាក់ពាក្យ ត្រូវបំពេញសំណុំលិខិតដោយផ្ទាល់ដៃ និងភ្ជាប់ជាមួយឯកសារមួយចំនួនដូចជា សលាកបត្រស្នើសុំបន្តការសិក្សាថ្នាក់បរិញ្ញាបត្រជាន់ខ្ពស់ (មានគំរូភ្ជាប់) ១ច្បាប់, កិច្ចសន្យា (មានគំរូភ្ជាប់) ១ច្បាប់, វិញ្ញាបនបត្ររដ្ឋបាលបញ្ជាក់ពីអង្គភាពសាម៉ី (មានគំរូភ្ជាប់), សញ្ញាបត្របរិញ្ញាបត្រ ឬសញ្ញាបត្របរិញ្ញាបត្រជាន់ខ្ពស់ ១ច្បាប់, រូបថតថ្មី ថតចំពីមុខ គ្មានពាក់មួក គ្មានពាក់វែនតា ទំហំ៤x៦ ចំនួន២សន្លឹក។

បេក្ខជនទាំងពីរភេទដែលមានបំណងដាក់ពាក្យអាហារូបករណ៍  អាចស្វែងរកពាក្យសុំចុះឈ្មោះនៅអង្គភាពរបស់សាមី និងបំពេញរួចដាក់នៅអង្គភាពសាមី ចាប់ពីពេលជូនដំណឹង រហូតដល់ថ្ងៃទី២៣ ខែមករា ឆ្នាំ២០២៥ ម៉ោង១៧:០០នាទី។ សម្រាប់ព័ត៌មានលម្អិត អាចទាក់ទងផ្ទាល់ទៅ ០១១ ៨៩២ ០៣៩ ឬ ០៨៩ ៩៨៤ ៦១៨៕