ភ្នំពេញ – កម្មវិធីអាហារូបករណ៍ UMS International Priority Scholarship (IPS) 2023 ផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសាកលវិទ្យាល័យ Muhammadiyah Surakarta (UMS) សម្រាប់និស្សិតបរទេសឆ្នាំ២០២៣ ។ អាហារូបករណ៍ផ្ដល់ជូនជំនាញជាច្រើនសម្រាប់បេក្ខជនសិក្សា ។

ជំនាញដែលអាហារូបករណ៍ផ្ដល់ឱ្យសម្រាប់ថ្នាក់បរិញ្ញាបត្ររួមមាន មហាវិទ្យាល័យអប់រំ (ការអប់រំគណនេយ្យអប់រំ អប់រំភាសាអង់គ្លេស ការអប់រំភាសា និងអក្សរសាស្ត្រឥណ្ឌូនេស៊ី, អប់រំCivic និង Pancasila, ការអប់រំគណិតវិទ្យា, ការអប់រំគ្រូបឋម, ការអប់រំជីវវិទ្យា, ការបណ្តុះបណ្តាលគ្រូសម្រាប់ការអប់រំកុមារតូច និងជំនាញជាច្រើនទៀត) ជំនាញនៅមហាវិទ្យាល័យសេដ្ឋកិច្ច (ការអភិវឌ្ឍសេដ្ឋកិច្ច, មហាវិទ្យាល័យច្បាប់, ការគ្រប់គ្រង, គណនេយ្យ, ច្បាប់) មហាវិទ្យាល័យវិស្វកម្ម និងមហាវិទ្យាល័យសុខាភិបាល ។

ជំនាញសម្រាប់ថ្នាក់បរិញ្ញាបត្រជាន់ខ្ពស់មាន ផ្នែកគ្រប់គ្រង, ផ្នែកអប់រំឥស្លាម, ច្បាប់សេដ្ឋកិច្ចឥស្លាម, ផ្នែកច្បាប់ទូទៅ, គណនេយ្យ, គ្រប់គ្រងការអប់រំ អប់រំភាសាអង់គ្លេស, អប់រំគណិតវិទ្យា, អប់រំ, និងជំនាញជាច្រើនទៀត ។  ជាមួយគ្នានេះសម្រាប់ថ្នាក់បណ្ឌិតមាន បណ្ឌិតផ្នែកច្បាប់, បណ្ឌិតផ្នែកអប់រំ, បណ្ឌិតផ្នែកសិក្សាអ៊ីស្លាម, បណ្ឌិតផ្នែកវិស្វកម្មមេកានិក, បណ្ឌិតផ្នែកចិត្តវិទ្យា និងវេជ្ជបណ្ឌិតឱសថស្ថាន ។

បេក្ខជនត្រូវត្រៀមឯកសារចាំបាច់មួយចំនួនដូចជា ប្រតិចារិកសាកលវិទ្យាល័យ (University transcript) លិខិតឆ្លងដែន លិខិតពិនិត្យ​សុខភាព លិខិតអនុសាសន៍, Essay of Achievement (optional), Essay of Organization Experience (optional), លិខិតបញ្ជាក់មិនមានគ្រឿងញៀន, វិញ្ញាបនប័ត្រជំនាញ Bahasa, វិញ្ញាបនបត្រជំនាញភាសាអង់គ្លេស (ប្រសិនបើអ្នកចង់ចុះឈ្មោះសម្រាប់វគ្គសិក្សាដែលមានភាសាអង់គ្លេសជាមធ្យោបាយនៃការបង្រៀន អ្នកត្រូវតែផ្តល់ឯកសារនេះជាភស្តុតាងនៃជំនាញភាសាអង់គ្លេសរបស់អ្នក) ។

បេក្ខជនដែលមានចំណាប់អារម្មណ៍ក្នុងការដាក់ពាក្យសូមចូលទៅបំពេញពាក្យតាមតំណភ្ជាប់ https://mymobility.ums.ac.id/ និងដាក់ពាក្យស្នើឱ្យបានមុនថ្ងៃទី៣០ ខែមិថុនា ឆ្នាំ២០២៣ ។ សម្រាប់ព័ត៌មានបន្ថែមសូមចូលទៅកាន់តំណភ្ជាប់ https://b4unew.com/ums-international-priority-scholarship/ ៕