ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសិក្សានៅសហរដ្ឋអាមេរិកត្រូវការចំណាយច្រើន និងមានតម្លៃថ្លៃ ដូចនេះសិស្សនិស្សិតដែលមានបំណងទៅសិក្សានៅសហរដ្ឋអាមេរិកគួរដឹងពីរបៀបចំណាយឱ្យបានត្រឹមត្រូវ ។ ខាងក្រោមនេះជាការចែករំលែកបទពិសោធន៍ នៃការរស់នៅកំឡុងពេលសិក្សានៅសហរដ្ឋអាមេរិករបស់កញ្ញា សេង រ័ត្នសេដ្ឋាមុន្នី។
កញ្ញា សេង រ័ត្នសេដ្ឋាមុន្នី បានលើកឡើងថា សិស្សនិស្សិតដែលមានសាច់ញាតិ ឬបងប្អូនដែលមានផ្ទះនៅក្នុងរដ្ឋដែលអ្នកកំពុងសិក្សានោះអាចជាការប្រសើរព្រោះអាចកាត់បន្ថយការចំណាយថ្លៃស្នាក់នៅប្រចាំខែបានមួយផ្នែកធំ។ និស្សិតមានជម្រើសជ្រើសរើសកន្លែងស្នាក់នៅរួមជាមួយនិស្សិតច្រើននាក់ ឬអាចជ្រើសរើសស្នាក់នៅក្នុងបន្ទប់ Apartment ដាច់។ ចំពោះកញ្ញា សេដ្ឋាមុន្នី ត្រូវការកន្លែងដាច់ដោយឡែក និងតម្រូវការឯកជនភាព និងកន្លែងសម្រាប់ផលិតវីដេអូផងទើបកញ្ញាសម្រេចចិត្តស្នាក់នៅក្នុង Apartment ដែលមានបន្ទប់គេង២ និងបន្ទប់ទឹកមួយសម្រាប់ការស្នាក់នៅបានមនុស្ស២នាក់។
កញ្ញា សេដ្ឋាមុន្នី បន្តថា សម្រាប់ការចំណាយប្រចាំខែរបស់ខ្លួនដែលត្រូវចំណាយចាំបាច់មានដូចជា ការស្នាក់នៅក្នុង Apartment ៥៥០ដុល្លារ ថ្លៃទឹកភ្លើង និងហ្គាសប្រហែល១០០ដុល្លារ ក្នុងមួយខែសម្រាប់មនុស្សម្នាក់។ ជាការល្អដែលនិសិ្សតអាចរកកន្លែងស្នាក់នៅដែលមិនចំណាយលើថ្លៃទឹកប្រចាំខែផងដែរ។
«Apartment ឬកន្លែងស្នាក់នៅមានទៅតាមតម្លៃ និងទីតាំងផ្សេងៗគ្នាហើយនិស្សិតក៏មានជម្រើសក្នុងការជ្រើសរើសកន្លែងស្នាក់នៅបានដោយខ្លួនឯងផងដែរ»
កញ្ញា សេង រ័ត្នសេដ្ឋមុន្នី
និស្សិតអាហារូបករណ៍រូបនេះបន្ថែមដែរថា ការចំណាយលើថ្លៃ Internet និង Wifi ក៏ជាកត្តាចាំបាច់ផងដែរសម្រាប់ការសិក្សាស្រាវជ្រាវ សម្រាប់ទំនាក់ទំនង និងប្រើប្រាស់ផ្សេងៗ។ កត្តាចាំបាច់បន្ទាប់ គឺថ្លៃម្ហូបអាហារ (Grocery និងញាំខាងក្រៅ) ៥០០ដុល្លារក្នុងមួយខែ ការចំណាយលើថ្លៃសាប៊ូ និងគ្រឿងសំអាង (Skin Care) ១០០ដុល្លារក្នុងមួយខែ។
កញ្ញា សេដ្ឋាមុន្នី បន្តថា ព្រោះតែសាលារៀន និងន្លែងដែលស្នាក់នៅមានទីតាំងឆ្ងាយពីផ្សារអាស៊ី ដូចនេះការចំណាយលើថ្លៃធ្វើដំណើរត្រូវគិតបន្ថែមលើថ្លៃឡាន ថ្លៃសាំង និង Insurance ប្រហែល៥០០ដុល្លារក្នុងមួយខែ។ «ដូចនេះសម្រាប់ខ្ញុំត្រូវចំណាយអស់ជាង ១៨០០ដុល្លារ ឬតិចជាង ឬច្រើនជាងនេះអាស្រ័យទៅការប្រែប្រួល ញាំច្រើនឬតិច»។
កញ្ញា សេង រ័ត្នសេដ្ឋាមុន្នី បញ្ជាក់ដែរថា ការចែករំលែកពីការចំណាយខាងលើមិនមែនជាការចំណាយទូទៅរបស់និស្សិតដែលសិក្សានៅសហរដ្ឋអាមេរិកទាំងអស់នោះទេ គ្រាន់តែជាការចំណាយរបស់កញ្ញាតែប៉ុណ្ណោះ។ ដោយឡែកប្រសិនបើនិស្សិតចេះបែងចែកការចំណាយផ្សេងៗបានកាន់តែល្អជាងនេះ នោះនឹងអាចមានលុយសម្រាប់សន្សំផងដែរ៕
