បើ​និយាយពីការសិក្សាថ្នាក់ឧត្ដមសិក្សានៅក្នុងប្រទេសអ៉ីតាលី គេនឹងដឹងពីអាហារូបករណ៍ជាច្រើនប្រភេទ ដោយមានទាំងអាហារូបករណ៍ពេញលេញ និងអាហារូបករណ៍ដោយផ្នែក ដែលទទួលបានពីអាហារូបករណ៍ជាច្រើនទាំងក្នុង និងក្រៅប្រទេស។ ដោយឡែក ខាងក្រោមនេះជាអាហារូបករណ៍ទាំង១០ សម្រាប់និស្សិតអន្តរជាតិ អាចស្នើសិក្សានៅក្នុងប្រទេសអ៉ីតាលី។

១. អាហារូបករណ៍រដ្ឋាភិបាលអ៉ីតាលី ឬ Italian Government Scholarship ៖ ជាអាហារូបករណ៍ដែលផ្ដល់ដោយរដ្ឋាភិបាលអ៉ីតាលីជាច្រើនប្រភេទ សម្រាប់និស្សិតអន្តរជាតិដែលចង់បន្តការសិក្សានៅប្រទេសអ៉ីតាលី។ អាហារូបករណ៍ផ្ដល់ជូនសម្រាប់ថ្នាក់បរិញ្ញាបត្រ និងក្រោយបរិញ្ញាបត្រ និងគ្របដណ្ដប់លើថ្លៃសិក្សា ការស្នាក់នៅ និងប្រាក់ឧបត្ថម្ភប្រចាំ។ លើសពីនេះ កម្មវិធីអាហារូបករណ៍ក៏ផ្ដល់វគ្គសិក្សាភាសាអ៉ីតាលី និងសកម្មភាពវប្បធម៌នៃសង្គមអ៉ីតាលីផងដែរ។

២. កម្មវិធីអាហារូបករណ៍ Politecnico di Milano scholarship for International Students ៖ ជាកម្មវិធីអាហារូបករណ៍ដែលផ្ដល់សម្រាប់និស្សិតអន្តរជាតិដែលមានបំណងសិក្សាថ្នាក់ឧត្ដមសិក្សានៅក្នុងប្រទេសអ៉ីតាលី ក្នុងជំនាញ វិស្វកម្ម ស្ថាបត្យកម្ម និងការរចនា ហើយអាហារូបករណ៍ផ្ដល់ជូនសម្រាប់បេក្ខជនដែលមានប្រវត្តិការសិក្សាល្អ និងបំពេញតាមតម្រូវការចូលរៀនរបស់ Politecnico di Milano។ អាហារូបករណ៍នឹងគាំទ្រលើថ្លៃសិក្សា ការស្នាក់នៅ និងប្រាក់ឧបត្ថម្ភប្រចាំខែ។

៣. អាហារូបករណ៍ Bocconi Scholarship for International Students ៖ ជាអាហារូបករណ៍ដែលផ្ដល់សម្រាប់និស្សិតអន្តរជាតិដែលចាប់អារម្មណ៍ក្នុងការបន្តសិក្សាផ្នែកសេដ្ឋកិច្ច ការគ្រប់គ្រង ឬច្បាប់ នាសាកលវិទ្យាល័យផ្សេងៗក្នុងប្រទេសអ៉ីតាលី។ អាហារូបករណ៍ផ្ដល់ជូនសម្រាប់បេក្ខជនដែលមានប្រវត្តិការសិក្សាល្អ និងបំពេញតាមតម្រូវការចូលរៀនរបស់សាកលវិទ្យាល័យ Bocconi។ អាហារូបករណ៍គ្របដណ្តប់លើថ្លៃសិក្សា ការស្នាក់នៅ និងប្រាក់ឧបត្ថម្ភប្រចាំខែ។

៤. University of Bologna Study Grants for International Students ៖ ជាអាហារូបករណ៍ផ្ដល់ការសិក្សាដល់និស្សិតអន្តរជាតិ ដែលមានចំណាប់អារម្មណ៍លើការសិក្សាថ្នាក់បរិញ្ញាបត្រ ក្នុងផ្នែកផ្សេងៗនៃសាកលវិទ្យាល័យ Bologna។ លក្ខខណ្ឌនៃបេក្ខជន គួរជាបេក្ខជនដែលមានប្រវត្តិការសិក្សាល្អ និងបានបំពេញតាមតម្រូវការចូលរៀនរបស់សាកលវិទ្យាល័យ Bologna។ អាហារូបករណ៍នឹងគ្របដណ្ដប់លើថ្លៃសិក្សា និងផ្នែកខ្លះនៃការចំណាយលើការស្នាក់នៅ។

៥. University of Padova Scholarships for International Students ៖ ជាអាហារូបករណ៍ផ្ដល់ឱ្យនិស្សិតអន្តរជាតិដែលមានចំណាប់អារម្មណ៍លើការសិក្សាថ្នាក់បរិញ្ញាបត្រក្នុងជំនាញច្រើនជាង១២០ ដែលផ្ដល់ដោយសាកលវិទ្យាល័យ Padova ។ លក្ខខណ្ឌនៃការជ្រើសរើស ៖ ជាបេក្ខជនដែលមានប្រវត្តិសិក្សាល្អ និងបានបំពេញតាមតម្រូវការចូលរៀនរបស់សាកលវិទ្យាល័យ Padova។ អាហារូបករណ៍គ្រប់ដណ្ដប់ និងគាំទ្រលើថ្លៃសិក្សា និងផ្នែកខ្លះនៃការចំណាយក្នុងការរស់នៅកំឡុងពេលសិក្សា។

៦. Scuola Normale Superiore Scholarships for International Students ៖ ជាអាហារូបករណ៍ដែលផ្ដល់ការសិក្សាដល់និស្សិតអន្តរជាតិដែលមានបំណងសិក្សាថ្នាក់បណ្ឌិត​ (PhD) លើជំនាញសិក្សាជាច្រើនប្រភេទ។ អាហារូបករណ៍នឹងគាំទ្រលើថ្លៃសិក្សា ថ្លៃស្នាក់នៅ និងប្រាក់ចំណាយប្រចាំខែ។

៧. University of Pavia International Scholarships ៖ ជាអាហារូបករណ៍ដែលផ្ដល់សម្រាប់និស្សិតអន្តរជាតិ បន្តការសិក្សាថ្នាក់បរិញ្ញាបត្រនៅសាកលវិទ្យា Pavia ក្នុងមុខជំនាញជាច្រើន។ លក្ខខណ្ឌនៃបេក្ខជនដាក់ពាក្យអាហារូបករណ៍ ជាបុគ្គលដែលមានប្រវត្តិការសិក្សាល្អ និងបានបំពេញតម្រូវការចូលរៀននៃសាកលវិទ្យាល័យ Pavia។

៨. CICOPS Scholarship for Developing Countries ៖ ជាកម្មវិធីអាហារូបករណ៍ដែលផ្ដល់សម្រាប់និស្សិតអន្តរជាតិសម្រាប់មកពីប្រទេសដែលកំពុងអភិវឌ្ឍបានសិក្សា និងស្រាវជ្រាវបន្ថែមអំពីការអភិវឌ្ឍន៍ប្រទេស ក្នុងគោលបំណងលើកកម្ពស់កិច្ចសហប្រតិបត្តិការអន្តរជាតិ។ កម្មវិធីអាហារូបករណ៍គ្របដណ្ដប់លើថ្លៃសិក្សាពេញលេញ កន្លែងស្នាក់នៅ និងប្រាក់ចំណាយប្រចាំខែ។

៩. UNIPV International Scholarship ៖ ជាកម្មវិធីអាហារូបករណ៍ដែលផ្ដល់ការគាំទ្រលើការសិក្សាដល់និស្សិតអន្តរជាតិ សិក្សាថ្នាក់ឧត្ដមសិក្សាទៅតាមជំនាញផ្សេងៗដែលផ្ដល់ឱ្យសិក្សានៅសាកលវិទ្យាល័យ Pavia។ បេក្ខជនជ័យលាភីអាហារូបករណ៍នឹងទទួលបានការគាំទ្រលើថ្លៃសិក្សា ការគាំទ្រដោយផ្នែកសម្រាប់ការចំណាយលើការស្នាក់នៅ និងប្រចាំខែ។

និង ទី១០. Bracco Foundation Scholarship ៖ ជាអាហារូបករណ៍ដែលផ្ដល់ការសិក្សាថ្នាក់ឧត្ដមសិក្សានៅសាកលវិទ្យាល័យផ្សេងក្នុងប្រទេសអ៉ីតាលី ដោយសិក្សាលើផ្នែកវេជ្ជសាស្ត្រ ឬវិទ្យាសាស្ត្រជីវិត។ អាហារូបករណ៍គាំទ្រដល់បេក្ខជនលើថ្លៃសិក្សា កន្លែងស្នាក់នៅ និងប្រាក់ចំណាយប្រចាំខែ។

គួរជម្រាបថា ឱកាសការសិក្សានៅប្រទេសអ៉ីតាលីអាចជាបទពិសោធន៍ក្នុងការផ្លាស់ប្ដូរជីវិត និងឱកាសផ្សេងៗក្នុងដំណើរជានិស្សិតអន្តរជាតិ ដូចនេះអាហារូបករណ៍ទាំង១០ខាងលើអាចជាជម្រើសដំបូងសម្រាប់និស្សិតក្នុងការសិក្សានៅប្រទេសអ៉ីតាលី។ នេះតើយោងតាមការចុះផ្សាយរបស់គេហទំព័រ Tren Hip Latest Scholarship Opportunities៕