ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅក្នុងជីវិតដ៏មមាញឹកនាពេលបច្ចុប្បន្ន ការជួបនូវអារម្មណ៍ថប់បារម្ភ និងភាពតានតឹង ជារឿងដែលស្ទើរតែមិនអាចជៀសផុតសម្រាប់មនុស្សគ្រប់រូប។ ទោះជាយ៉ាងណាក៏ដោយ ការយល់ដឹងពីវិធីសាស្ត្រគ្រប់គ្រងអារម្មណ៍ទាំងនោះ គឺជាគន្លឹះដ៏សំខាន់ក្នុងការថែរក្សាសុខភាពផ្លូវចិត្ត និងបង្កើនគុណភាពជីវិតឱ្យកាន់តែប្រសើរឡើង។
ការរួមបញ្ចូលគ្នារវាងការហាត់ពត់ផ្លូវដង្ហើម ការសម្រាកសាច់ដុំ ការបង្កើតរូបភាពវិជ្ជមានក្នុងចិត្ត រួមជាមួយនិងការរៀបចំផែនការដោះស្រាយបញ្ហាឱ្យមានសណ្ដាប់ធ្នាប់ គឺជាឧបករណ៍ដ៏មានប្រសិទ្ធភាពដែលអាចជួយឱ្យបុគ្គលម្នាក់ៗអាចយកឈ្នះលើភាពរវើរវាយ និងការព្រួយបារម្ភលើសកម្រិតបាន។
ខាងក្រោមនេះ យើងនឹងនាំលោកអ្នកទៅស្វែងយល់អំពីបច្ចេកទេសងាយៗ ប៉ុន្តែមានឥទ្ធិពលខ្លាំង ក្នុងការស្ដារតុល្យភាពផ្លូវចិត្ត និងការត្រៀមខ្លួនប្រឈមមុខនឹងបញ្ហាប្រចាំថ្ងៃដោយភាពជឿជាក់ និងស្ងប់សុខ។
វិធីសាស្រ្តនៃការប្រើប្រាស់ផ្លូវដង្ហើម ៖ លំហាត់នៃការដកដង្ហើម ដំបូងៗគួរអនុវត្តន៍បែបងាយៗ គ្រាន់តែស្រូបដង្ហើមតាមច្រមុះ ហើយទប់ខ្យល់ដង្ហើមឱ្យនៅក្នុងពោះបន្តិច សឹមបន្ធូរខ្យល់ដង្ហើមចេញមកក្រៅ។ ឬក៏ដកដ្ហើមវែងៗតាមច្រមុះ និងផ្លុំដង្ហើមតាមមាត់ និងអនុវត្តន៍ដដែលៗឱ្យបានច្រើនដង ឬក៏កំណត់ពី១៥នាទី ទៅ៣០នាទី។
ការគូសវាសរូបភាពវិជ្ជាមាន ៖ ការគិតអំពីរូបភាពល្អៗ ឬក៏រូបភាពវិជ្ជមាន ដែលគ្រោងនឹងកើតមាននៅពេលខាងមុខ ឬក៏ការរៀបចំជាផ្ទាំងរូបភាព ដែលមានការរចនាអំពីលទ្ធផលណាមួយដែលខ្លួនចង់បាន គឺជាបច្ចេកទេសមួយដែលជួយសង្រួមចិត្តឱ្យស្ងប់ និងការសម្រាកពីស្ថានភាពតាងតឹងបានមួយរយៈ និងជាការជំរុញឱ្យស្មារតីស្ថិតនៅក្នុងបច្ចុប្បន្នភាព។
ការរៀបចំរបៀបនៃការដោះស្រាយបញ្ហា ៖ ប្រសិនបើភាពតានតឹងពាក់ព័ន្ធនឹងបញ្ហាជាច្រើន ដែលពុំទាន់ដោះស្រាយ ឬក៏មានបញ្ហាជាក់លាក់មួយ ដែលចាំបាច់ត្រូវការឱ្យដោះស្រាយ នោះការចំណាយពេល សរសេរអំពីដំណោះស្រាយ ឬការចងក្រងពីដំណោះស្រាយរាល់ដំណាក់កាល ពីមួយជំហានទៅជំហាន គឺជាការរួមចំណែកក្នុងការបន្ធូរបន្ថយអារម្មណ៍កុំឱ្យមានភាពតានតឹងពេក៕
