ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍នៅ GRIPS នៃប្រទេសជប៉ុនសម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៦-២០២៧។ អាហារូបករណ៍ផ្ដល់ជូនសម្រាប់សិក្សារយៈពេល១ឆ្នាំ (MP1) និង ២ឆ្នាំ(MP2) ៣ឆ្នាំ ឬ ៤ឆ្នាំទៅតាមកម្មវិធី ជំនាញសិក្សា។
ជំនាញអាហារូបករណ៍ផ្ដល់ជូនសម្រាប់ថ្នាក់បរិញ្ញាបត្រជាន់ខ្ពស់រួមមាន ៖ គោលនយោបាយសាធារណៈ (MP1 ឬ MP2), គោលនយោបាយម៉ាកក្រូសេដ្ឋកិច្ច ការសិក្សារយៈពេល១ឆ្នាំ ឬ ២ឆ្នាំ(MEP), ហិរញ្ញវត្ថុសាធារណៈ (PF), សេដ្ឋកិច្ច ផែនការ និងគោលនយោបាយសាធារណៈ (EPP) និង គោលនយោបាយសុវត្ថិភាព និងសន្តិសុខសមុទ្រ (MSP)។
ជំនាញអាហារូបករណ៍ផ្ដល់ជូនសម្រាប់ថ្នាក់បណ្ឌិតរួមមាន ៖ ការសិក្សារយៈពេល៥ឆ្នាំសម្រាប់កម្មវិធី GRIPS Global Governance Program (G-cube) និង Policy Analysis Program (PA)។ សម្រាប់ការសិក្សារយៈពេល៣ឆ្នាំ លើការសិក្សាក្នុងកម្មវិធីគោលនយោបាយវិទ្យាសាស្ត្រ បច្ចេកវិទ្យា និងនវានុវត្តន៍ (STI)។
ដើម្បីដាក់ពាក្យ បេក្ខជន បេក្ខនារីត្រូវភ្ជាប់ឯកសារគាំទ្រចាំបាច់មួយចំនួនដូចជា រូបថត ៣x៤ (covert to JPEG) លិខិតណែនាំចំនួន២សន្លឹក (ប្រើប្រាស់ទម្រង់បែបបទដែលបានកំណត់) ដែលណែនាំដោយសាស្ត្រាចារ្យ ឬថ្នាក់ដឹកនាំរបស់បេក្ខជន។ លិខិតបញ្ជាក់បុគ្គលិកការងារ កំណត់ត្រាសិក្សាផ្លូវការ និងវិញ្ញាបនបត្របញ្ចប់ការសិក្សា/សញ្ញាបត្រ លិខិតបញ្ជាក់តេស្តភាសាអង់គ្លេស សេចក្តីថ្លែងការណ៍គោលបំណង (Statement of purpose) សំណើស្រាវជ្រាវ (Research proposal) និងច្បាប់ចម្លងរឹង នៃនិក្ខេបបទថ្នាក់អនុបណ្ឌិត ឬសមមូល។
សម្រាប់ព័ត៌មានលម្អិតអាចចូលទៅកាន់ GRIPS និង ទាញយកទម្រង់ដាក់ពាក្យគំរូតាមរយៈ https://www.grips.ac.jp/uploads/admissions/2025/09/GRIPS_AppGuide_DM_2026.pdf
ចាប់ទទួលការស្នើពាក្យពីថ្ងៃផ្សាយដំណឹងរហូតដល់ថ្ងៃទី០៦ ខែមីនា ឆ្នាំ២០២៦៕
