ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការពិសាអាហារជុំគ្នាមានច្រើនរបៀប តួយ៉ាងនាពេលបច្ចុប្បន្នសម្រាប់យុវវ័យមួយចំនួន ចូលចិត្តបង្កើតការជួបជុំគ្នាក្នុងគោលដៅបង្កើនភាពរីករាយ ដើម្បីបំពេញទៅកាន់សុខភាពផ្លូវចិត្ត ក៏ដូចជាសុខុមាលភាពទូទៅ។ ការជួបជុំដើម្បីបង្កើនភាពរីករាយ ប៉ុន្តែពេលខ្លះអាហារដែលយុវជននិយមជ្រើសរើសមកទទួលទាន បែរជាបង្កឱ្យមានអាម្មណ៍មិនល្អទៅវិញ។ តាមរយៈគេហទំព័រ Healthline បានប្រាប់អំពីប្រភេទអាហារដែលគួរជៀសវាង ដើម្បីបង្ការកុំឱ្យមានអារម្មណ៍មួម៉ៅ ប្រែប្រួល។
អាហារទាំងនោះមានដូចជា ប្រភេទអាហារដែលចម្រាញ់ ឬប្រើខ្លាញ់ខ្លាំង, អាហារដែលកែច្នៃជ្រុល, អាហារផ្អែម ឬអាហារទាំងឡាយណាដែលមិនផ្តល់សារធាតុចិញ្ចឹមទៅកាន់ខួរក្បាលជាដើម។ តែយ៉ាងណា នៅខាងក្រោមនេះ យើងនឹងបង្ហាញពីអាហារដែលយុវជនគួរជ្រើសរើសទទួលទាន និងមិនគួរ នៅពេលមានការជួបជុំ ៖
អាហារដែលមានសារធាតុចិញ្ចឹមសំខាន់ៗ ៖ រាងកាយដែលមានសុខភាពល្អ និងអារម្មណ៍ដែលមានតុល្យភាព បានមកពីការជ្រើសរើសប្រភេទអាហារដ៏ត្រឹមត្រូវផ្តល់ទៅកាន់រាងកាយ ដោយមានដូចជាផ្លែឈើ បន្លែ គ្រាប់ធញ្ញជាតិ ទឹកដោះគោមានជាតិខ្លាញ់ទាប សាច់គ្មានខ្លាញ់ ស៊ុត ឬត្រី ។ អាហារប្រភេទនេះ មិនត្រឹមតែជំរុញដល់ការកាត់បន្ថយភាពស្មុគស្មាញប៉ុណ្ណោះទេ ប៉ុន្តែវាដើរតួនាទីយ៉ាងសំខាន់ក្នុងការកាត់បន្ថយហានិភ័យ នៃបញ្ហាសុខភាពរាងកាយក្នុងរយៈពេលវែង។
អាហារផ្តល់អត្ថប្រយោជន៍ទៅកាន់សុខភាពខួរក្បាល ៖ សុខភាពខួរក្បាល និងថាមពលបានពឹងផ្អែកទៅលើកម្រិត នៃជាតិស្ករផងដែរ ក្នុងការបង្កើនថាមពល ដូច្នេះដើម្បីទទួលបានជាតិស្ករដែលពុំសូវប៉ះពាល់ទៅកាន់សុខភាព ការបរិភោគអាហារដែលមានសារធាតុកាបូអ៊ីដ្រាតឱ្យច្រើន ក៏បានរួមចំណែកបំពេញចន្លោះខ្វះខាត ដោយមានដូចជាទឹកដោះគោ គ្រាប់ធញ្ញជាតិ ផ្លែឈើ ពពួកសណ្តែក ឬបន្លែចម្រុះជាដើម។
អាហារដែលគួរជៀសវាង ៖ ដើម្បីកាត់បន្ថយសកម្មភាពដែលនាំឱ្យអារម្មណ៍កាន់តែដុនដាបបន្ថែម គួរកាត់បន្ថយ ឬជៀសវាងការទទួលទានលើសលប់នូវប្រភេទអាហារមួយចំនួនដូចជា ភេសជ្ជៈដែលមានជាតិកាហ្វេអ៊ីនច្រើន ដែលមាននៅក្នុងតែ កាហ្វេ និងភេសជ្ជៈកំប៉ុងដែលខ្ចប់ស្រាប់ៗ កាត់បន្ថយអាល់កុល អាហារមានជាតិស្ករច្រើន អាហារកែច្នៃ អាហារខ្លាញ់ច្រើន ឬអាហារផលិតឡើងដោយការបំពង អាហារកែច្នៃ ឬអាហារដែលមិនបានចម្អិនល្អ និងមានអនាម័យគ្រប់គ្រាន់៕
