ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
លីទុយអានី គឺជាប្រទេស ដែលមានមានសុភមង្គមបំផុត ក្នុងការរស់នៅសម្រាប់ មនុស្សជំនាន់ហ្ស៊ី (Gen Z) និង មនុស្សជំនាន់សហស្សវត្សរ៍ (millennial) នេះបើយោងតាមរបាយការណ៍ សុភមង្គលពិភពលោក ឆ្នាំ ២០២៤។
ប្រទេសដែលបានចូលរួមការវាយតម្លៃចំនួន ១៣០ ត្រូវបានចាត់ចំណាត់ថ្នាក់ ដោយផ្អែកតាមការវាយតម្លៃ ចំណុចសំខាន់ៗចំនួន ៧ ដែលក្នុងនោះមានដូចជា GDP សម្រាប់មនុស្សម្នាក់, ជំនួយសង្គម, អាយុសង្ឃឹមរស់ដែលមានសុខភាពល្អ, សេរីភាព, ចិត្តសប្បុរស និងភាពគ្មានអំពើពុករលួយ។
យោងតាមមជ្ឈមណ្ឌលស្រាវជ្រាវ Pew បានឱ្យដឹងថា របាយការណ៍សុភមង្គលពិភពលោកបានចាត់ចំណាត់ថ្នាក់ប្រទេស ដែលមានសុភមង្គលបំផុតសម្រាប់អ្នកដែលមានអាយុ 30 ឆ្នាំ និងក្រោមនេះ ដែលត្រូវបានគេស្គាល់ថា ជាមនុស្សជំនាន់សហស្សវត្សរ៍ (millennial) ដែលកើតនៅចន្លោះឆ្នាំ ១៩៨១ – ១៩៩៦ និងមនុស្សជំនាន់ហ្ស៊ី (Gen Z) ដែលកើតនៅចន្លោះឆ្នាំ ១៩៩៧ – ២០១២ ហើយបានបង្ហាញថា លីទុយអានី គឺជាប្រទេស ដែលមានមានសុភមង្គមបំផុត ដោយទទួលបានពិន្ទុ ៧,៧៥៩ ក្នុងឆ្នាំ ២០២៤។
ចំណាត់ថ្នាក់ចុងក្រោយបង្អស់ ប្រទេសដែលមានសុភមង្គលបំផុតសម្រាប់ការមនុស្សដែលមានអាយុក្រោម ៣០ឆ្នាំ និងមនុស្សដែលមានអាយុ ៦០ឆ្នាំឡើងទៅ គឺមានភាពខុសគ្នាខ្លាំង។ ប្រទេសលីទុយអានី បានជាប់ចំណាត់ថ្នាក់កំពូលក្នុងនាមជាប្រទេស ល្អបំផុតសម្រាប់ការរស់នៅរបស់មនុស្ស មានអាយុក្រោម ៣០ឆ្នាំ ប៉ុន្តែជាប់ចំណាត់ថ្នាក់លេខ ៤៤ សម្រាប់មនុស្សមានអាយុលើស ៦០ឆ្នាំ ហើយជាប្រទេស ដែលមានសុភមង្គលបំផុតក្នុងពិភពលោក ចំណាត់ថ្នាក់លេខ ១៩។
បើនិយាយអំពីប្រទេស ដែលមានសុភមង្គលទាំង ១០ សម្រាប់មនុស្ស ដែលមានវ័យក្រោម ៣០ឆ្នាំ មានដូចជា ១.លីទុយអានី, ២. អ៊ីស្រាអែល, ៣. ស៊ែបី, ៤. អៀកឡង់, ៥. ដាយណាម៉ាក, ៦. លុចសំបួ, ៧. ហ្វាំងឡង់, ៨. រ៉ូម៉ានី, ៩. ហូឡង់ និងទី១០ សាធារណរដ្ឋឆេក។
តាមរយៈតារាងបានបង្ហាញថា អ៊ីស្រាអែលជាប់ចំណាត់ថ្នាក់ ជាប្រទេសដែលមានសុភមង្គលបំផុតទីពីរ សម្រាប់អ្នកដែលមានអាយុក្រោម ៣០ ឆ្នាំជាមួយនឹងពិន្ទុ ៧,៦៦៧ ។ ខណៈបើយោងតាម អង្គការសម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍន៍ (OECD) បានឱ្យដឹងថា សន្ទស្សន៍ជីវិតជនជាតិអ៊ីស្រាអែលគឺកាន់តែប្រសើរជាងមុន ដោយមានអាយុកាលសង្ឃឹមរស់ជាមធ្យម ៨៣ ឆ្នាំ ចំនួននេះគឺ ២ឆ្នាំ ខ្ពស់ជាងរបាយការណ៍ឆ្នាំ២០២៣ ដែលមានអាយុសង្ឃឹមរស់ ៨១ឆ្នាំ។
អ៊ីស្រាអែល គឺជាប្រទេសមួយ ក្នុងចំណោមប្រទេស ដែលជឿនលឿន ផ្នែកបច្ចេកវិទ្យាបំផុតនៅក្នុងពិភពលោក ព្រមទាំងជាប្រទេស ដែលនាំចេញពេជ្រ និងឱសថដ៏សំខាន់ នេះបើយោងតាម US News and World Report។ ខណៈពេលដែលតម្លៃរស់នៅក្នុងប្រទេសអ៊ីស្រាអែលជាមធ្យមគឺ ៧,៩ភាគរយ ទាបជាងនៅសហរដ្ឋអាមេរិក ហើយការជួលផ្ទះជាមធ្យម គឺទាបជាងនៅអាមេរិក ៣០ភាគរយ នេះបើយោងតាម Numbeo ៕
