អ្នកជំនាញបារម្ភថា ថ្លៃស្រា និងបារីទាបអាចបង្កើនបន្ទុកលើសេដ្ឋកិច្ចគ្រួសារ និងវិស័យសុខាភិបាល

ក្រុមអ្នកជំនាញបានកត់សម្គាល់ឃើញថា អត្រាអ្នកជក់បារី និងអ្នកទទួលទានគ្រឿងស្រវឹងនៅកម្ពុជា កាន់តែកើនឡើង បន្ទាប់ពីតម្លៃបារី និងស្រា នាពេលបច្ចុប្បន្ន ដែលបានដាក់លក់នៅលើទីផ្សារកម្ពុជា ហាក់មានតម្លៃទាបជាងមុន ដែលបញ្ហានេះ អាចបង្កើនបន្ទុកលើវិស័យសុខាភិបាលកម្ពុជា និងអាចប៉ះពាល់ដល់សេដ្ឋកិច្ចជាតិ។

លោកវេជ្ជបណ្ឌិត មុំ គង់ នាយកប្រតិបត្តិនៃអង្គការចលនាដើម្បីសុខភាពកម្ពុជា បានប្រាប់ AMS ថា ដ្បិតអត្រាអ្នកជក់បារីមាននិន្នាការថយចុះពីមួយឆ្នាំទៅមួយឆ្នាំក៏ពិតមែន ប៉ុន្តែអ្នកជក់បារីនៅមានចំនួនច្រើននៅឡើយ។ យោងតាមក្រសួងសុខាភិបាល កម្ពុជាមានអ្នកប្រើប្រាស់ថ្នាំជក់ប្រមាណ ១,៦ លាននាក់នៅឆ្នាំ២០២៦។ ចំណែកអ្នកប្រើប្រាស់គ្រឿងស្រវឹងវិញ ក៏កាន់តែមានការកើនឡើងដែរ ដែលជាការព្រួយបារម្ភសម្រាប់សង្គមជាតិ។

សម្រាប់លោកវេជ្ជបណ្ឌិត មុំ គង់ ចំនួនច្រើននៃអ្នកជក់បារី និងអ្នកទទួលទានគ្រឿងស្រវឹង គឺជាការបង្កើនបន្ទុកសម្រាប់វិស័យសុខាភិបាលកម្ពុជា។

“នៅពេលដែលបារីឡើងថ្លៃ គឺយើងអាចកាត់បន្ថយអ្នកដែលកើតជំងឺ អ្នកពិការភាពដោយសារជក់បារី ហើយក៏រួមចំណែកកាត់បន្ថយការចំណាយ ប.ស.ស របស់រដ្ឋាភិបាលលើការព្យាបាល។ គ្រឿងស្រវឹង និងភេសជ្ជៈផ្អែម ក៏ដូចគ្នា”

បច្ចុប្បន្ន ថ្លៃបារី ដែលដាក់លក់នៅលើទីផ្សារកម្ពុជា មានតម្លៃទាបបំផុតត្រឹមតែ ១៥០០រៀលក្នុងមួយកញ្ចប់ ដែលធ្វើឱ្យកុមារ និងយុវជនអាចទិញបារីបានយ៉ាងងាយស្រួល។ ចំណែកគ្រឿងស្រវឹងលើទីផ្សារនាពេលបច្ចុប្បន្នវិញ ក៏មានតម្លៃទាបជាងមុន បើធៀបទៅនឹងមុនពេលរាជរដ្ឋាភិបាលបញ្ឈប់ការផ្ដល់រង្វាន់លើគ្រឿងស្រវឹង និងភេសជ្ជៈមានជាតិស្ករ ទាំងស្រុងចាប់ពីថ្ងៃទី ០១ ខែតុលា ឆ្នាំ២០២៦។

លោកបណ្ឌិត ឈត ប៊ុនថង អនុប្រធានវិទ្យាស្ថានទំនាក់ទំនងអន្តរជាតិនៃរាជ្យបណ្ឌិត្យសភាកម្ពុជា កត់សម្គាល់ឃើញថា ទាំងការជក់បារី និងការទទួលទានគ្រឿងស្រវឹងនៅកម្ពុជា មានសន្ទុះកើនឡើងគួរឱ្យកត់សម្គាល់នៅរយៈពេលចុងក្រោយនេះ ជាពិសេសយុវជនតែម្ដង។ លោកបង្ហាញការព្រួយបារម្ភថា បញ្ហានេះនឹងធ្វើឱ្យ​ប៉ះពាល់ដល់សេដ្ឋកិច្ចគ្រួសារ និងសុខាភិបាលកម្ពុជា។

ស្រដៀងគ្នានេះ លោកបណ្ឌិត ញិល រដ្ឋា អ្នកជំនាញផ្នែកវិទ្យាសាស្រ្ត នយោបាយ និងសេដ្ឋកិច្ចអន្តរជាតិ ក៏បានកត់សម្គាល់ឃើញថា ការជក់បារី និងការទទួលគ្រឿងស្រវឹង ហាក់កំពុងក្លាយជាទម្លាប់ ដែលបង្កជាហានិភ័យសម្រាប់ប្រជាពលរដ្ឋមួយចំនួននៅកម្ពុជា។ លោកបានកត់សម្គាល់ឃើញថា បញ្ហាសង្គមជាច្រើន ជាពិសេសបញ្ហាគ្រោះថ្នាក់ចរាចរណ៍ អំពើហិង្សារក្នុងគ្រួសារ និងជំងឺជាច្រើននៅកម្ពុជា សុទ្ធតែកើតឡើងដោយសារការជក់បារី ការទទួលគ្រឿងស្រវឹង និងភេសជ្ជៈផ្អែម ជាដើម។

បើតាមបណ្ឌិត ញិល រដ្ឋា ជាមធ្យម ពលរដ្ឋកម្ពុជា បានចំណាយប្រាក់ចន្លោះពី ១០ភាគរយ ទៅ២០ភាគរយ នៃប្រាក់ចំណូលប្រចាំខែ ទៅលើថ្លៃគ្រឿងស្រវឹង បារី និងភេសជ្ជៈផ្អែម។

លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល ធ្លាប់បានបញ្ជាក់ថា មានពលរដ្ឋកម្ពុជា ចំនួន៥០ភាគរយ ដែលមានអាយុពី១៨ឆ្នាំ ដល់ ៦៩ឆ្នាំ បានទទួលទានគ្រឿងស្រវឹង ក្នុងនោះ បុរសមានជាង៧១ភាគរយ និងស្រ្តីជាង ២៧ភាគរយ។

យោងតាមការប៉ាន់ស្មានរបស់លោកជំទាវ ឱ វណ្ណឌីន ពលរដ្ឋខ្មែរក្នុងមួយឆ្នាំៗ បានចំណាយថវិកាយ៉ាងសម្បើមលើការទិញគ្រឿងស្រវឹង និងថែទាំសុខភាពបង្កឡើងដោយឥទ្ធិពលនៃគ្រឿងស្រវឹង។ ពោលនៅក្នុងមួយឆ្នាំៗ ពលរដ្ឋកម្ពុជា ម្នាក់អាចចំណាយថវិកាខ្ទង់ ៤៨៦ដុល្លារ លើការទិញគ្រឿងស្រវឹង៕

អត្ថបទ ៖ ខន ណារី AMS




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្ររងនៅវិទ្យាស្ថានជាតិសហគ្រិនភាព និងនវានុវត្តន៍ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/02/2025

តាមរយៈគម្រោងជំនាញសម្រាប់ការប្រកួតប្រជែង (S4C) វិទ្យាស្ថានជាតិសហគ្រិនភាព និងនវានុវត្តន៍ (NIEI) ប្រកាសជ្រើសរើសសិស្សចូលរៀនអាហារូបករណ៍កម្រិតសញ្ញាបត្រជាន់ខ្ពស់បច្ចេកទេស (បរិញ្ញាបត្ររង) សម្រាប់ជំនាញវិស្វកម្មអគ្គិសនី...

ឱកាស​អាហារូបករណ៍​ SHE-CAN ថ្នាក់បរិញ្ញាបត្រ​នៅ​សហរដ្ឋអាមេរិក សម្រាប់ឆ្នាំ​២០២៤

ព័ត៌មានអាហារូបករណ៍, ព្រឹត្តិការណ៍

• 09/10/2024

កម្មវិធីអាហារូបករណ៍ SHE-CAN ឆ្នាំ​២០២៤ បានប្រកាស​ពី​ការ​ទទួលពាក្យ​ស្នើ​សុំអាហារូបករណ៍​ថ្នាក់បរិញ្ញាបត្រ​ទៅសិក្សា​នៅសហរដ្ឋអាមេរិកហើយ។

ឱកាសអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 16/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Dayton ពីកម្មវិធីអាហារូបករណ៍ Dayton Merit Scholarship 2024។ អាហារូបករណ៍ផ្ដល់ជូនដល់និស្សិតបរទេសសិក្សា...

វិទ្យាស្ថាន NTTI ជ្រើសរើស​យុវជន​ចូលរៀនជំនាញបច្ចេកទេស និង​វិជ្ជាជីវៈ ឥតគិតថ្លៃ ក្រោមគម្រោង TVET 1.5M

ព័ត៌មានអាហារូបករណ៍, ព្រឹត្តិការណ៍

• 11/03/2026

វិទ្យាស្ថានជាតិបណ្តុះបណ្តាលបច្ចេកទេស (NTTI) បានប្រកាស​ចុះឈ្មោះ​យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនឱ្យចូលរៀនវគ្គបណ្តុះបណ្តាលជំនាញវិជ្ជាជីវៈ...

ឱកាសអភិវឌ្ឍជំនាញស្រាវជ្រាវអន្តរជាតិ នៅ University of Jyväskylä ប្រទេសហ្វាំងឡង់

ព័ត៌មានអាហារូបករណ៍, ព្រឹត្តិការណ៍

• 24/06/2026

សាកលវិទ្យាល័យ University of Jyväskylä នៃប្រទេសហ្វាំងឡង់ កំពុងប្រកាសបើកទទួលពាក្យ​អាហារូបករណ៍​សម្រាប់កម្មវិធី JYU Visiting Fellow Programme 2027 ដល់​និស្សិត និងសាស្ត្រាចារ្យកម្ពុជានៅ​លើ​ការ​...

ឱកាសសិក្សាអាហារូបករណ៍ពីកម្មវិធីអាហារូបករណ៍រដ្ឋាភិបាលជប៉ុនឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 25/04/2025

តាមរយៈស្ថានទូតជប៉ុនប្រចាំកម្ពុជា កម្មវិធីអាហារូបករណ៍រដ្ឋាភិបាលជប៉ុន MEXT ( Japanese Government Scholarship 2026) ប្រកាសផ្ដល់អាហារូបករណ៍ដល់និស្សិត​កម្ពុជា​សម្រាប់​ការ​សិក្សា​ថ្នាក់ឧត្ដមចំនួន៤កម្រិត​ នៅឆ្នាំសិក្សា២០២៦។

អាហារូបករណ៍ ១៥០កន្លែង ពីវិទ្យាស្ថានវីឌីស៊ី សម្រាប់ឆ្នាំសិក្សា ២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 21/10/2025

វិទ្យាស្ថានវីឌីស៊ី បានប្រកាស​ផ្តល់អាហារូបករណ៍​ដល់​សិស្ស​និស្សិត​ចំនួន ១៥០កន្លែង សម្រាប់​ការ​សិក្សា​ថ្នាក់​បរិញ្ញាបត្រ​រង និង​ថ្នាក់បរិញ្ញាបត្រ តាមរយៈកម្មវិធីអាហារូបករណ៍​អភិសន្តិបណ្ឌិត

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Loughborough នៃចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 26/03/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់ក្រោយបរិញ្ញាបត្រនៅសាកលវិទ្យាល័យ Loughborough នៃចក្រភពអង់គ្លេស....

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ផ្ដល់អាហារូបករណ៍សិក្សាបច្ចេកទេស និងវិជ្ជាជីវៈ១២០កន្លែង

ព័ត៌មានអាហារូបករណ៍, ព្រឹត្តិការណ៍

• 04/02/2025

ឱកាសសិក្សាអាហារូបករណ៍ជំនាញបច្ចេកទេស និងវិជ្ជាជីវៈជាច្រើនកន្លែង សិក្សានៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី។ អាហារូបករណ៍ផ្ដល់ជូនដល់ យុវជន យុវនារី និងសាធារណៈជនដែលចង់មានជំនាញច្បាស់លាស់។