ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងកម្មវិធី MS&PhDរួមបញ្ចូលគ្នា នៅវិទ្យាស្ថានវិទ្យាសាស្ត្រ និងបច្ចេកវិទ្យា Gwangju (GIST) សាធារណកូរ៉េពីកម្មវិធីអាហារូបករណ៍ GIST ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាឥតគិតថ្លៃ និងពេញលេញជាមួយអត្ថប្រយោជន៍ជាច្រើនទៀត ។
បេក្ខជនអាចសិក្សាជំនាញផ្សេងនៅវិទ្យាស្ថានដូចជា សាលាវិស្វកម្មអគ្គិសនី និងវិទ្យាសាស្ត្រកុំព្យូទ័រ, សាលាវិទ្យាសាស្ត្រសម្ភារៈ និងវិស្វកម្ម, សាលាវិស្វកម្មមេកានិក, សាលាវិទ្យាសាស្ត្រផែនដី និងវិស្វកម្មបរិស្ថាន, សាលាវិទ្យាសាស្ត្រជីវិត, នាយកដ្ឋានរូបវិទ្យា និងវិទ្យាសាស្ត្ររូបវិទ្យា, នាយកដ្ឋានគីមីវិទ្យា, នាយកដ្ឋានជីវវេជ្ជសាស្ត្រ និងវិស្វកម្ម, សាលាបច្ចេកវិទ្យារួមបញ្ចូលគ្នា, សាលាបញ្ញាសិប្បនិមិត្ត, និងសាលាថាមពលរួម ។
ឯកសារចាំបាច់សម្រាប់តម្រូវការអាហារូបករណ៍មានដូចជា សញ្ញាបត្រថ្នាក់បរិញ្ញាបត្រ ឬបរិញ្ញាបត្រជាន់ខ្ពស់, ប្រតិចារិក, លិខិតអនុសាសន៍២ច្បាប់(មានហត្ថលេខា), សញ្ញាបត្របញ្ជាក់ភាសាអង់គ្លេស TOEFL (BT) 80 / TOEFL (PBT) 550 / IELTS 6.5 / TOEIC 750 / NEW TEPS 327 និងច្បាប់ចម្លងលិខិតឆ្លងដែន ។
អត្ថប្រយោជន៍ដែលផ្ដល់ពីអាហារូបករណ៍សម្រាប់បេក្ខជនជាប់ជ័យលាភីរួមមាន ថ្លៃសិក្សាពេញលេញ ប្រាក់ចំណាយប្រចាំខែ ថ្លៃចំណាយក្នុងការស្រាវជ្រាវ កន្លែងស្នាក់នៅ ។ (កន្លែងស្នាក់នៅសម្រាប់សិស្សនៅលីវ និងបានរៀបការត្រូវបានបែងចែកផ្សេងគ្នា) ។ ជាមួយគ្នានេះ ក៏មានការធានារ៉ាប់រងសុខភាព ការពិនិត្យសុខភាពប្រចាំឆ្នាំ និងថ្លៃធ្វើដំណើរ (សំបុត្រយន្តហោះពីប្រទេសកំណើតទៅប្រទេសកូរ៉េ) ។
សម្រាប់ព័ត៌មានបន្ថែមអាចចូលទៅកាន់តំណភ្ជាប់ https://www.gist.ac.kr/iadm/html/sub05/0502.html?mode=V&no=205383&GotoPage=1 និងអាចចុះឈ្មោះស្នើពាក្យតាមតំណភ្ជាប់ https://service.gist.ac.kr/admission/graduate/foreigner ។ ផុតកំណត់ទទួលពាក្យថ្ងៃទី១៤ ខែតុលា ឆ្នាំ២០២៣ ៕
