អ្នកជំនាញ ៖ កម្ពុជាត្រូវការពង្រឹងជំនាញបៃតង ដើម្បីឆ្លើយតបនឹងតម្រូវការការងារនាពេលអនាគត

អ្នកជំនាញផ្នែកការងារ និងបណ្តុះបណ្តាលវិជ្ជាជីវៈ លើកឡើងពីសារៈសំខាន់នៃការពង្រឹងជំនាញបៃតងនៅកម្ពុជា ដើម្បីឆ្លើយតបទៅនឹងការផ្លាស់ប្តូរនៃទីផ្សារការងារ និងតម្រូវការកម្លាំងពលកម្មក្នុងវិស័យបៃតង និងថាមពលស្អាត។

ក្នុងវេទិកាសេដ្ឋកិច្ចចក្រាកម្ពុជាឆ្នាំ២០២៦ ក្រោមប្រធានបទ «សេដ្ឋកិច្ចចក្រានៅក្នុងការអនុវត្តជាក់ស្តែង ៖ ស្តីពីគោលនយោបាយឆ្ពោះទៅកាន់វឌ្ឍនភាព» នៅរាជធានីភ្នំពេញ កាលពីថ្ងៃទី២ ខែតុលា ឆ្នាំ២០២៦ លោក សា កិន្នវិឌី អគ្គនាយករង នៃអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ នៃក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា បដិវត្តន៍ឧស្សាហកម្ម ៤.០ និងការរីកចម្រើននៃបច្ចេកវិទ្យា កំពុងជំរុញឱ្យប្រព័ន្ធបណ្តុះបណ្តាលវិជ្ជាជីវៈត្រូវសម្របខ្លួនទៅនឹងជំនាញ និងការងារនាពេលអនាគត។

លោក សា កិន្នវិឌី បានលើកឡើងថា ជំនាញបៃតង និងការងារបៃតង គឺជាផ្នែកមួយដែលត្រូវយកចិត្តទុកដាក់ ដើម្បីឱ្យប្រព័ន្ធអប់រំបណ្តុះបណ្តាលវិជ្ជាជីវៈអាចឆ្លើយតបបានទៅនឹងការផ្លាស់ប្តូរនៃទីផ្សារការងារ និងការអភិវឌ្ឍឧស្សាហកម្ម។

ជាមួយគ្នានេះ លោក ទេព ប៊ុនថន ទីប្រឹក្សាថ្នាក់ជាតិ នៃគម្រោង ASTI GIZ កម្ពុជា បានលើកឡើងថា ការផ្លាស់ប្តូរទៅរកសេដ្ឋកិច្ចបៃតង និងសេដ្ឋកិច្ចចក្រា ត្រូវការកម្លាំងពលកម្មដែលមានជំនាញសមស្រប ជាពិសេសជំនាញដែលឆ្លើយតបទៅនឹងតម្រូវការនៃវិស័យថាមពលស្អាត និងវិស័យបៃតង។

លោក ទេព ប៊ុនថន បានបញ្ជាក់ថា ការផ្លាស់ប្តូរតម្រូវការនៅក្នុងទីផ្សារការងារ តម្រូវឱ្យមានការបង្កើនជំនាញ (Upskilling) និងការបណ្តុះជំនាញថ្មី (Reskilling) ដើម្បីឱ្យកម្លាំងពលកម្មអាចសម្របខ្លួនទៅនឹងមុខរបរ និងបច្ចេកវិទ្យាថ្មីៗ។

លោកបានបន្ថែមថា តាមផែនទីបង្ហាញផ្លូវបៃតងរបស់កម្ពុជា កម្ពុជាមានគោលដៅឱ្យសូចនាករពាក់ព័ន្ធនឹងការឆ្លើយតបទៅនឹងថាមពលបៃតងឈានដល់ ៧០% នៅឆ្នាំ២០៣០ ខណៈបច្ចុប្បន្នមានប្រមាណ ៦៣%។ លោកក៏បានកត់សម្គាល់ពីតម្រូវការជំនាញដែលកំពុងកើនឡើង ស្របពេលវិស័យឧស្សាហកម្មមានតួនាទីកាន់តែធំក្នុងទីផ្សារការងារកម្ពុជា។

លោក ទេព ប៊ុនថន បានគូសបញ្ជាក់ថា ការឆ្លើយតបទៅនឹងតម្រូវការនេះ ត្រូវពង្រឹងសមត្ថភាពគ្រូបណ្តុះបណ្តាលបច្ចេកទេស និងវិជ្ជាជីវៈ ព្រមទាំងអ្នកបណ្តុះបណ្តាលនៅតាមក្រុមហ៊ុន ដើម្បីធានាថា កម្មវិធីបណ្តុះបណ្តាលមានភាពសមស្របនឹងតម្រូវការជាក់ស្តែងរបស់ទីផ្សារការងារ។

លោកបានលើកឡើងថា ការអភិវឌ្ឍកម្មវិធីសិក្សា និងស្តង់ដាជំនាញបៃតង គួរធ្វើឡើងតាមរយៈកិច្ចសហការរវាងរដ្ឋ និងវិស័យឯកជន ចាប់ពីការកំណត់មុខរបរដែលទីផ្សារការងារត្រូវការ ការរៀបចំកម្មវិធីបណ្តុះបណ្តាល រហូតដល់ការវាយតម្លៃ និងការទទួលស្គាល់សមត្ថភាពរបស់អ្នកសិក្សា។

លោក ទេព ប៊ុនថន ក៏បានលើកឡើងពីការគាំទ្ររបស់កម្មវិធីអាស៊ាន-ស្វីស ក្នុងការអភិវឌ្ឍស្តង់ដារ និងកម្មវិធីបណ្តុះបណ្តាលថ្មីចំនួន៤ ដែលផ្តោតលើជំនាញពាក់ព័ន្ធនឹងការថែទាំ និងការងារផ្នែកអគ្គិសនី ដើម្បីជួយឱ្យយុវជនទទួលបានជំនាញដែលឆ្លើយតបទៅនឹងតម្រូវការទីផ្សារការងារ និងការងារបៃតង។

ដោយឡែក អ្នកស្រី Teresa Toepfer ទីប្រឹក្សាគម្រោង RECOTwin GIZ វៀតណាម បានលើកឡើងពីសារៈសំខាន់នៃការអភិវឌ្ឍស្តង់ដារសម្រាប់អ្នកបណ្តុះបណ្តាលនៅក្នុងក្រុមហ៊ុននៅបណ្តាប្រទេសអាស៊ាន ដើម្បីឱ្យការបណ្តុះបណ្តាលជំនាញមានទំនាក់ទំនងជិតស្និទ្ធជាមួយការងារជាក់ស្តែង។

អ្នកស្រីបន្តថា ស្តង់ដារនេះផ្តោតលើតម្រូវការជាក់ស្តែងនៃការបណ្តុះបណ្តាល និងអ្នកបណ្តុះបណ្តាលក្នុងដំណើរការការងារជាក់ស្តែង ហើយត្រូវបានទទួលស្គាល់ដោយកិច្ចប្រជុំមន្ត្រីជាន់ខ្ពស់អាស៊ានទទួលបន្ទុកការងារ (SLOM) និងមន្ត្រីជាន់ខ្ពស់អាស៊ានទទួលបន្ទុកអប់រំ (SOM-ED) ក្នុងឆ្នាំ២០១៨ ជាស្តង់ដារយោងក្នុងតំបន់។

សូមជម្រាបថា ការពង្រឹងជំនាញបៃតង និងការបណ្តុះបណ្តាលផ្អែកលើតម្រូវការជាក់ស្តែងរបស់ទីផ្សារការងារ ត្រូវបានលើកឡើងថា ជាផ្នែកសំខាន់ក្នុងការរៀបចំកម្លាំងពលកម្មកម្ពុជា ឱ្យអាចឆ្លើយតបទៅនឹងការផ្លាស់ប្តូរទៅរកសេដ្ឋកិច្ចបៃតង សេដ្ឋកិច្ចចក្រា និងការងារបៃតងនាពេលអនាគត៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សាច់ប្រាក់ពី Education First Cambodia សម្រាប់និស្សិតស្រីរយៈពេល៣ឆ្នាំ

ព័ត៌មានអាហារូបករណ៍, ព្រឹត្តិការណ៍

• 11/10/2023

ឱកាសទទួលបានអាហារូបករណ៍សាច់ប្រាក់រយៈពេល៣ឆ្នាំពី Education First Cambodia ផ្ដល់សម្រាប់សិស្សស្រីកំពុងសិក្សាឆ្នាំទី២នៃឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសម្រាប់និស្សិតកំពុងសិក្សានៅ...

ឱកាសសម្រាប់យុវតីកម្ពុជា អាហារូបករណ៍ SHE-CAN ផ្តើម​ទទួលពាក្យឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/07/2026

អាហារូបករណ៍ពេញថ្លៃសម្រាប់យុវតីកម្ពុជា សិក្សាថ្នាក់បរិញ្ញាបត្រនៅអាមេរិក ឆ្នាំសិក្សា២០២៦-២០២៧

អាហារូបករណ៍ថ្នាក់ភាសាចិន​រយៈពេល​១ឆ្នាំ នៅសាកលវិទ្យាល័យ Yunnan Normal University

ព័ត៌មានអាហារូបករណ៍, ព្រឹត្តិការណ៍

• 23/05/2024

សាកលវិទ្យាល័យ Yunnan Normal Univercity ស្ថិត​នៅ​ទីក្រុង​គុនមីង ខេត្ត​យូនណាន ប្រទេស​ចិន បានប្រកាស​ជ្រើសរើស​និស្សិត​កម្ពុជា​ចំនួន៣០នាក់ សម្រាប់​ការ​បណ្តុះបណ្តាល​ភាសាចិន​រយៈពេល​១ឆ្នាំ...

អាហារូបករណ៍រៀនជំនាញបច្ចេកទេស និងវិជ្ជាជីវៈ ៧៤០កន្លែង នៅវិទ្យាស្ថានពហុបច្ចេកទេសខេត្តព្រៃវែង

ព័ត៌មានអាហារូបករណ៍, ព្រឹត្តិការណ៍

• 24/11/2023

វិទ្យាស្ថានពហុបច្ចេកទេស​ខេត្តព្រៃវែង ប្រកាសផ្តល់អាហារូបករណ៍​១០០ភាគរយ ដល់​សិស្ស និស្សិត​រៀនជំនាញបច្ចេកទេស និង​វិជ្ជាជីវៈ ​សម្រាប់ឆ្នាំសិក្សា​២០២៣-២០២៤ ចំនួន ៧៤០នាក់។

វិទ្យាស្ថានពហុបច្ចេកទេសខេត្តបន្ទាយមានជ័យ ជ្រើសរើសយុវជនចូលរៀនជំនាញ​ឥតគិតថ្លៃចំនួន ១២៦០នាក់

ព័ត៌មានអាហារូបករណ៍, ព្រឹត្តិការណ៍

• 22/08/2024

ជាឱកាសសម្រាប់​បងប្អូនប្រជាពលរដ្ឋ យុវជន យុវនារី កម្មករ កម្មការិនី និងជនចំណាកស្រុក​ដែល​មក​ពី​គ្រួសារ​ក្រីក្រ គ្រួសារ​ងាយរងហានិភ័យ គ្រួសារ​ដែល​មានបណ្ណសម្គាល់ជនមានពិការភាព មានបណ្ណមូលនិធិសមធម៌សុខាភិបាល...

អាហារូបករណ៍ Fulbright បញ្ចប់ការចុះឈ្មោះចុងខែមេសានេះ

ព័ត៌មានអាហារូបករណ៍, ព្រឹត្តិការណ៍

• 08/04/2026

នៅសល់មិនដល់មួយខែទៀតទេ ពោលគឺនៅចុងខែមេសានេះ កម្មវិធីអាហារូបករណ៍ Fulbright Foreign Student Program សម្រាប់ការសិក្សាកម្រិតក្រោយឧត្តមសិក្សា (ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត) នៅសហរដ្ឋអាមេរិក ឆ្នាំសិក្សា ២០២៧-២០២៨

អាហារូបករណ៍ថ្នាក់បរិញ្ញាបត្រជាន់ខ្ពស់១០កន្លែងនៅសាកលវិទ្យាល័យ MGIMO ប្រទេសរុស្ស៊ីឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 12/07/2023

សាកលវិទ្យាល័យ MGIMO នៃប្រទេសរុស្ស៊ី​ ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ដល់សារណជនទាំងអស់នៅបណ្ដាប្រទេសសមាជិកអាស៊ាន រួមទាំងកម្ពុជា ។...

កម្មវិធីអាហារូបករណ៍ថ្នាក់អនុបណ្ឌិតពីប្រទេសអៀរឡង់ សម្រាប់ឆ្នាំសិក្សា ២០២៧/២០២៨

ព័ត៌មានអាហារូបករណ៍, ព្រឹត្តិការណ៍

• 30/06/2026

កម្មវិធីអាហារូបករណ៍ Ireland Fellows Programme – Asia សម្រាប់ឆ្នាំសិក្សា 2027/2028 ត្រូវបានបើកទទួលពាក្យជាផ្លូវការហើយ! អាហារូបករណ៍នេះផ្តល់ឱកាសដល់និស្សិត និងមន្ត្រីជំនាញមកពីប្រទេសកម្ពុជា វៀតណាម និងឡាវ...