ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប និងសាកលវិទ្យាល័យ Dhurakij Pundit (DPU) ប្រទេសថៃ កាលពីពេលថ្មីៗនេះ បានចុះ MoU ជាមួយគ្នា ក្នុងការផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា ដែលមានបំណងបន្តការសិក្សានៅកម្រិតឧត្តមនៅទីនោះ។
លោក គង់ សំនៀង ប្រធាននាយកប្រតិបត្តិការនៃបណ្តាញគ្រឹះស្ថានអប់រំ វេសឡាញ បានលើកឡើងថា តាមរយៈកិច្ចសហប្រតិបត្តិការជាផ្លូវការនេះ គ្រឹះស្ថានអប់រំទាំង២នឹងបង្កើតបានឱកាសសិក្សារួមគ្នា ដូចជាគម្រោងស្រាវជ្រាវ ការផ្លាស់ប្តូរបទពិសោធសិស្ស និងបុគ្គលិកអប់រំ ព្រមទាំងគំនិតផ្តួចផ្តើមជាច្រើនទៀត។
លោក Atit Koirala តំណាងសាកលវិទ្យាល័យ Dhurakij Pundit បានថ្លែងថា តាមរយៈកិច្ចសហការនេះ សាកលវិទ្យាល័យ Dhurakij Pundit នឹងផ្តល់ជូនអាហារូបករណ៍រហូតដល់៥០% សម្រាប់សិស្សានុស្សនៃបណ្តាញសាលារៀនវ៉េស្ទឡាញន៍ និងសាលារៀនណត្សឡាញន៍ ដែលមានបំណងបន្តការសិក្សានៅប្រទេសថៃ។
សាកលវិទ្យាល័យ Dhurakij Pundit គឺជាសាកលវិទ្យាល័យឈានមុខគេមួយនៅប្រទេសថៃ ដែលមានការទទួលស្គាល់លើគុណភាពអប់រំ នវានុវត្តន៍ និងភាពជាដៃគូអន្តរជាតិផងដែរ។
គួរបញ្ជាក់ផងដែរថា បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប បានសហការជាមួយគ្រឹះស្ថានអប់រំក្នុងប្រទេស និងក្រៅប្រទេសជាច្រើន ដើម្បីសម្របសម្រួលដល់សិស្សដែលមានបំណងបន្តការសិក្សានៅប្រទេស និងជំរុញសិស្សឱ្យខិតខំប្រឹងប្រែងរៀនសូត្រក្នុងការទទួលបានអាហារូបករណ៍ពីគ្រឹះស្ថានអប់រំដៃគូទាំងនោះ៕
