សិល្បៈ៦ចំណុចក្នុងការដឹកនាំខ្លួនឯងឱ្យបានល្អប្រសើរ

ពាក្យថាដឹកនាំខ្លួនឯងជាពាក្យធំទូលំទូលាយដែលអ្នកត្រូវដឹង និងស្វែងយល់ដើម្បីអាចដឹកនាំខ្លួនឯង និងក្លាយខ្លួនជាអ្នកដឹកនាំល្អបាន ។ ចង់ធ្វើជាអ្នកដឹកនាំដែលល្អ ខ្លួន​ឯងត្រូវចេះដឹកនាំខ្លួនឯង និងចេះពីអ្វីដែលចង់ដឹកនាំគេសិន ។ នេះជាការលើកឡើងរបស់លោកស្រី នុត ក្លារ៉ា នាយិកាប្រតិបត្តិក្រុមហ៊ុនអប្សរា មេឌា សឺវីស នៅក្នុងសិក្ខាសាលា «មគ្គុទេសក៍សម្រាប់អ្នកដឹកនាំវ័យក្មេង រដូវកាលទី ៣» កាលពីពេលថ្មីៗកន្លងទៅ ។

លោកស្រី នុត ក្លារ៉ា លើកឡើងថា តាមការស្រាវជ្រាវអ្នកដឹកនាំទាំងអស់សុទ្ធតែមានអាថ៌កំបាំងផ្សេងៗគ្នា ដូចនេះលោកស្រីនឹងចែករំលែកគន្លឹះសំខាន់ចំនួន៦ដើម្បីអាចដឹកនាំខ្លួនឯងបានល្អ ។

ចំណុចសំខាន់ទាំង៦រួមមាន៖


១. ការតស៊ូព្យាយាម ៖ អ្នកដឹកនាំជាមនុស្សដែលផ្ដល់តម្លៃការងារខ្លួនឯងខ្លាំងណាស់ដូចនេះនឹងមានការខិតខំប្រឹងប្រែងតស៊ូព្យាយាមក្នុងការងារជាខ្លាំង ។ ហើយអ្នកដឹកនាំជឿថា ភាពជោគជ័យមិនមានផ្លូវកាត់នោះទេ មិនអាចនៅសុខៗអាចក្លាយជាអ្នកដឹកនាំដោយមិនមានការតស៊ូឡើយ មានតែការខិតខំនោះទេទើបទទួលបានជោគជ័យ ។

២. ចិត្តអំណត់ ៖ ជាអ្នកដឹកនាំត្រូវមានចិត្តអំណត់ ចិត្តធ្ងន់ ចង់ធ្វើរឿងធំត្រូវមានចិត្តអំណត់ ព្រោះរបស់ល្អត្រូវការពេលវេលា ។ នៅពេលដឹកនាំ អ្នកនឹងជួបរឿងរ៉ាវ និងឧបសគ្គជាច្រើន​ដូចនេះត្រូវធ្វើចិត្តឱ្យអំណត់ ចិត្តត្រជាក់និងស្វែងរកដំណោះស្រាយ មិនអាចជួបរឿងបន្តិចបន្តួចអាចធ្វើឱ្យចិត្តអ្នកដឹកនាំរង្គោះរង្គើ ឆាប់តូចចិត្ត ឡើយ ។ ប្រសិនបើអ្នកមិនអាចដឹកនាំខ្លួនឯងបានល្អទេ អ្នកក៏មិនអាចក្លាយជាអ្នកដឹកនាំគេបានល្អដែរ ។

៣. ការលះបង់ ៖ ប្រសិនបើអ្នកមិនអាចលះបង់ដើម្បីអ្វីដែលអ្នកចង់បាន នោះអ្វីដែលអ្នកចង់បាននឹងក្លាយជាការលះបង់ ​។ ដូចនេះអ្នកដឹកនាំយល់ច្បាស់ពីការដឹកនាំនឹងលះបង់ជាច្រើនដើម្បីក្លាយខ្លួនជាអ្នកដឹកនាំល្អ ដូចជា លះបង់កម្លាំងកាយ កម្លាំងចិត្ត ប្រាជ្ញាស្មារតី លះបង់ពេលវេលា ឬអ្វីនៅជុំវិញខ្លួនដើម្បីអ្វីមួយ ឬនរណាម្នាក់ដែលគាត់យល់ថាមានតម្លៃធំធេងជាងការលះបង់ផ្ទាល់ខ្លួនរបស់គាត់ ។

៤. ភាពស្ថិតស្ថេរ ៖ អ្នកដឹកនាំមិនធ្វើរឿងមួយតែម្ដងនោះទេ គឺគាត់នឹងខិតខំធ្វើរឿងនោះដដែលៗរាល់ថ្ងៃដើម្បីសម្រេចគោលដៅរបស់គាត់ ព្រោះការធ្វើអ្វីដែលមានគោលដៅអាចធ្វើឱ្យមានភាពស្ថិតស្ថេរ និងធ្វើឱ្យអ្នកដឹកនាំដឹងពីអ្វីដែលគាត់ត្រូវធ្វើឈានទៅរកគោលដៅធំរបស់ដែលមានការឆ្លងកាត់ពេលវេលាយូរ ។

៥. វិន័យ ៖ អ្នកដឹកនាំគាត់ជឿទៅលើវិន័យ វិន័យជាអំណាច និងជាដំណោះស្រាយយ៉ាងធំជាមួយនឹងបញ្ហា ភាពស្មុគស្មាញជាច្រើនសម្រាប់អ្នកដឹកនាំ ។ វិន័យក្នុងចំណុចនេះគឺ នៅពេលអ្នកដឹកនាំសម្រេចចិត្តធ្វើអ្វីមួយ មានន័យថាគាត់ធ្វើរឿងមួយនោះឱ្យបានសម្រេច ។

៦. ទំនុកចិត្តលើខ្លួនឯង ៖ អ្នកដឹកនាំ និងបុគ្គលគ្រប់រូបមិនអាច និងមិនគួរគិតយកខ្លួនឯងទៅប្រៀបធៀបជាមួយអ្នកដទៃនោះទេ ។ អ្នកត្រូវប្រើប្រាស់ពាក្យសម្ដីជាមួយខ្លួនឯងឱ្យបានត្រឹមត្រូវដើម្បីជម្រុញ និងលើកទឹកចិត្តខ្លួនឯងពីខាងក្នុង រៀនស្ដីបន្ទោសឱ្យខ្លួនឯដើម្បីកែលម្អខ្លួនឯងនិងមានទំនុកចិត្តខ្លួនឯងខ្លាំងជាមុន ។ អ្នកដឹកនាំតែងតែមើលឃើញថា ភាពស្រស់ស្អាតពិតប្រាកដជាភាពខុសប្លែកគ្នា ចម្រុះគ្នាហើយនៅជាមួយគ្នាបាន មិនចាំបាច់ទាល់តែគេដូចយើងហើយយើងដូចគេនោះទេ ប៉ុន្តែអាចរស់នៅជាមួយគ្នាបាន និងធ្វើឱ្យរឿងនោះស្អាតជាងមុន ។

« អ្នកដឹកនាំពិតប្រាកដមិនធ្វើរឿងដែលស្រួលនោះទេ តែធ្វើរឿងដែលត្រឹមត្រូវ»

លោកស្រី នុត ក្លារ៉ា

គួរបញ្ជាក់ដែរថាកម្មវិធីសិក្ខាសាលា «មគ្គុទេសក៍សម្រាប់អ្នកដឹកនាំវ័យក្មេង» ត្រូវបានរៀបចំឡើង ដើម្បីចូលរួមចំណែកបណ្ដុះបណ្ដាលយុវជន មិត្តនិស្សិត និងអ្នកដឹកនាំវ័យក្មេងនៅក្នុងប្រទេសកម្ពុជា។ កម្មវិធីនេះ ផ្ដោតលើប្រធានបទសំខាន់ៗចំនួន ៣ដូចជា សិល្បៈនៃការដឹកនាំខ្លួនឯង, សិល្បៈនៃការដឹកនាំក្រុម និងសិល្បៈក្នុងការដឹកនាំស្ថាប័ន៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសសិក្សាអាហារូបករណ៍ភាសាកូរ៉េពីសាកលវិទ្យាល័យ Yonsei ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 29/05/2024

សាកលវិទ្យាល័យ Yonsei និងកម្មវិធីសិក្សាតាមOnline Coursera ប្រកាសផ្ដល់អាហារូបករណ៍សិក្សាភាសាកូរ៉េតាមរយៈ online ពីវិទ្យាស្ថានផ្សេងៗនៃសាកលវិទ្យាល័យYonsei ដល់.....

ឱកាសអាហារូបករណ៍ពេញលេញនៅសាកលវិទ្យាល័យ Monash ប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 23/05/2025

កម្មវិធីអាហារូបករណ៍ K.C Kuok Scholarship ប្រកាសផ្ដល់អាហារូបករណ៍ដល់និស្សិតអន្តរជាតិ សិក្សានៅសាកលវិទ្យាល័យ Monash នៃប្រទេសអូស្ត្រាលី។ អាហារូបករណ៍ផ្ដល់ជូនដោយអតីតនិស្សិតនៃសាកលវិទ្យាល័យ Monash

ឱកាសសិក្សា​អាហារូបករណ៍​ថ្នាក់បរិញ្ញាបត្រ​៣០កន្លែងនៅសាកលវិទ្យាល័យ​សៅសអ៉ីសថ៍អេយសៀខេត្តសៀមរាប ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 04/12/2023

កម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិប្រកាសផ្ដល់អាហារូបករណ៍ដល់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សានៅសាកលវិទ្យាល័យ សៅសអ៉ីសថ៍...

ឱកាស​អាហារូបករណ៍​ទៅ​សិក្សា​នៅ​ប្រទេស​រុស្ស៊ី​ចំនួន​៤០កន្លែង សម្រាប់ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 23/01/2023

សមាគមនិស្សិត​ខ្មែរ​ប្រចាំ​សហព័ន្ធរុស្ស៊ី​បានជូនដំណឹងថា ក្នុងឆ្នាំ​សិក្សា​២០២៣នេះ រដ្ឋាភិបាល​ នៃសហព័ន្ធរុស្ស៊ី នឹងផ្តល់អាហារូបករណ៍​ចំនួន ៤០កន្លែង​ដល់សិស្ស និស្សិត ...

អាហារូបករណ៍ ​SHE-CAN ប្រកាសបើកទទួលពាក្យសម្រាប់ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 09/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រ នៅសហរដ្ឋអាមេរិកសម្រាប់ឆ្នាំសិក្សា២០២៦ ពីកម្មវិធីអាហារូបករណ៍ SHE-CAN ដោយ​អាហារូបករណ៍ SHE-CAN ចាប់បើកទទួលពាក្យស្នើសុំអាហារូបករណ៍ សម្រាប់និស្សិតស្ត្រី ដើម្បីលើកកម្ពស់ជីវភាព...

ឱកាស​អាហារូបករណ៍ថ្នាក់បរិញ្ញាបត្ររង និងបរិញ្ញាបត្រ មិនឆ្លង​កាត់ការប្រឡង ៣១៥កន្លែង ពី អ.ម.ត

ព័ត៌មានអាហារូបករណ៍, ព្រឹត្តិការណ៍

• 17/09/2026

គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត)

ក្រុមហ៊ុន Microsoft ប្រកាសផ្ដល់ការសិក្សាវគ្គខ្លី​​ជំនាញព័ត៌មានវិទ្យា​ឥតគិតថ្លៃតាមរយៈ Online

ព័ត៌មានអាហារូបករណ៍, ព្រឹត្តិការណ៍

• 04/12/2025

ឱកាសសិក្សាវគ្គខ្លីតាម Online ពីក្រុមហ៊ុន Microsoft សម្រាប់ឆ្នាំសិក្សា២០២៦ ក្នុងផ្នែកព័ត៌មានវិទ្យា។ អាហារូបករណ៍ផ្ដល់ការសិក្សាដល់និស្សិតអន្តរជាតិជាច្រើនកន្លែង និងមានភាពបត់បែនទៅពេលវេលាសិក្សារបស់បេក្ខជន។

អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ ថ្នាក់ឯកទេស និង​បណ្ឌិត ពីរដ្ឋាភិបាល​សហព័ន្ធរុស្ស៊ី

ព័ត៌មានអាហារូបករណ៍, ព្រឹត្តិការណ៍

• 12/12/2025

រដ្ឋាភិបាល​នៃសហព័ន្ធរុស្ស៊ី បានប្រកាស​ផ្តល់អាហារូបករណ៍​ចំនួន ៤០-៦០កន្លែង ដល់​សិស្ស​និស្សិត និង​មន្រ្តីរាជការ​កម្ពុជា ដើម្បី​ទៅ​បន្ត​ការ​សិក្សា​ថ្នាក់បរិញ្ញាបត្រ បរិញ្ញាបត្រ​ឯកទេស (Specialist) បរិញ្ញាបត្រជាន់ខ្ពស់...

អាហារូបករណ៍សិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំងជំហានទី២

ព័ត៌មានអាហារូបករណ៍, ព្រឹត្តិការណ៍

• 21/03/2024

ឱកាសសិក្សាអាហារូបករណ៍វគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១នៅវិទ្យាស្ថានពហុបច្ចេកទេសខេត្តកំពង់ឆ្នាំងជំហានទី២។ អាហារូបករណ៍...