ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Glasgow International Leadership Scholarships 2024 នៅសាកលវិទ្យាល័យ Glasgow នៃប្រទេសស្កុតឡេនឆ្នាំសិក្សា២០២៤។ អាហារូបករណ៍ផ្ដល់ជូនការសិក្សាសម្រាប់និស្សិតអន្តរជាតិជាច្រើនប្រទេសរួមទាំងនិស្សិតពីប្រទេសកម្ពុជា។
ជំនាញដែលអាហារូបករណ៍ផ្ដល់ជូនការសិក្សារួមមាន ឧស្សាហកម្មច្នៃប្រឌិត និងគោលនយោបាយវប្បធម៌, ការសរសេរប្រកបដោយការច្នៃប្រឌិត, ឧក្រិដ្ឋកម្ម និងយុត្តិធម៌ព្រហ្មទណ្ឌ, ការថែទាំសំខាន់, ការវិភាគទិន្នន័យសម្រាប់សេដ្ឋកិច្ច និងហិរញ្ញវត្ថុ, វិទ្យាសាស្ត្រទិន្នន័យ, បច្ចេកវិទ្យាមហារីកឌីជីថល, សង្គមឌីជីថល, អនាគតផែនដី (បរិស្ថាន សហគមន៍ ទំនាក់ទំនង), បរិស្ថានវិទ្យា និងជីវវិទ្យាបរិស្ថាន, ការសិក្សាភាពយន្ត និងទូរទស្សន៍ និងជំនាញជាច្រើនទៀត។
លក្ខខណ្ឌជ្រើសរើស ៖ ជាបេក្ខជនមកពីគ្រប់សញ្ជាតិរួមទាំងកម្ពុជា មានកំណត់ត្រាការសិក្សាល្អ មិនមានកំណត់ត្រាព្រហ្មទណ្ឌ មានសុខភាពល្អទាំងផ្លូវកាយ និងស្មារតី។ ជាមួយគ្នានេះសូមភ្ជាប់ឯកសារចាំបាច់ដែលបេក្ខជនត្រូវបំពេញរួមមាន សញ្ញាបត្របរិញ្ញាបត្រ ឬសញ្ញាបត្រមានតម្លៃសមមូល លិខិតយោងសិក្សា លិខិតឆ្លងដែនថតចម្លង១ច្បាប់ ឯកសារចាំបាច់ដែលអាហារូបករណ៍តម្រូវ (មានគម្រូនៅក្នុងLink) ប្រតិចារិកសញ្ញាប័ត្រដែលមានព័ត៌មានលម្អិតទាំងអស់ជាភាសាអង់គ្លេស និងជាបេក្ខជនទទួលបានលិខិតផ្ដល់ជូនសម្រាប់កម្មវិធីសិក្សា (Offer letter)។
ដើម្បីធ្វើការដាក់ពាក្យបេក្ខជនអាចចូលទៅកាន់តំណភ្ជាប់ Access Scholarship Portal (glasgow.ac.uk) ។ សម្រាប់ព័ត៌មានបន្ថែមអាចចូលទៅកាន់ University of Glasgow – Scholarships & funding – University of Glasgow International Leadership Scholarship ។
សម្រាប់កាលបរិច្ឆេទផុតកំណត់ទទួលពាក្យមិនទាន់ត្រូវបានកំណត់ពីកម្មវិធីអាហារូបករណ៍ឡើយ៕
