ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ The Asian Development Bank – Japan Scholarship Program (ADB-JSP) ផ្ដល់ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យតូក្យូក្នុងឆ្នាំសិក្សា២០២៤ ។ អាហារូបករណ៍ជ្រើសរើសនិស្សិតសិក្សាចំនួន៣០០កន្លែងជារៀងរាល់ឆ្នាំ ។
ជំនាញដែលអាហារូបករណ៍ផ្ដល់ជូនរួមមាន ផ្នែកសេដ្ឋកិច្ច, ការគ្រប់គ្រង, ការអប់រំ, ផ្នែកសុខភាព, ផ្នែកកសិកម្ម, ផ្នែកបរិស្ថាន, ការគ្រប់គ្រងធនធានធម្មជាតិ, ផ្នែកវិទ្យាសាស្ត្រ និងបច្ចេកវិទ្យា និងជំនាញផ្សេងៗដែលទាក់ទងនឹងការអភិវឌ្ឍន៍ ។
លក្ខខណ្ឌសម្រាប់ស្នើពាក្យអាហារូបករណ៍រួមមាន ៖ ជាបេក្ខជនដែលមកពីប្រទេសជាសមាជិក ADB ក្នុងនោះក៏មានកម្ពុជាដែរ, ត្រូវបានអនុញ្ញាតិពីសាកលវិទ្យាល័យដែលសុំពាក្យកម្មវិធីសិក្សាថ្នាក់បរិញ្ញាបត្រជាន់ខ្ពស់, មានអាយុមិនលើសពី៣៥ឆ្នាំ ។ លើសពីនេះមានបទពិសោធន៍ការងារពេញម៉ោងយ៉ាងតិច២ឆ្នាំ និងត្រឡប់ទៅបម្រើការងារនៅប្រទេសកំណើតវិញរយៈពេល២ឆ្នាំក្រោយបញ្ចប់ការសិក្សា ។
បេក្ខជនជ័យលាភីអាហារូបករណ៍នឹងទទួលបានការគាំទ្រពីភាគីអាហារូបករណ៍ដូចជា ថ្លៃសិក្សាពេញលេញ ប្រាក់ឧបត្ថម្ភប្រចាំខែសម្រាប់អាហារ និងកន្លែងស្នាក់នៅ, ការឧបត្ថម្ភសម្រាប់សម្ភារៈសិក្សា និងស្រាវជ្រាវ, ការធានារ៉ាប់រងផ្នែកវេជ្ជសាស្ត្រ និងថ្លៃសំបុត្រយន្តហោះជាដើម ។
សូមបញ្ជាក់ថា បេក្ខជនជ័យលាភីអាហារូបករណ៍នឹងត្រូវសិក្សានៅសាកលវិទ្យាល័យតូក្យូនៃប្រទេសជប៉ុន ដោយការចំណាយផ្សេងៗសម្រាប់តែបេក្ខជនអាហារូបករណ៍ (មិនមានការគាំទ្រសម្រាប់សមាជិកគ្រួសាររបស់បេក្ខជនឡើយ)។
សម្រាប់ព័ត៌មានលម្អិតអាចចូលទៅកាន់តំណភ្ជាប់ https://opportunitiescorners.com/university-of-tokyo-adb-scholarship/ ។ ចាប់ផ្ដើមទទួលពាក្យពីថ្ងៃផ្សាយដំណឹងរហូតដល់ថ្ងៃទី១០ ខែធ្នូ ឆ្នាំ២០២៣ ៕
