ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងបរិស្ថានលើកឡើងថា ការដុតសំរាមប្លាស្ទិក អាចបង្កឱ្យអ្នកដែលស្រូបផ្សែងមានបញ្ហាផ្លូវដង្កើម ព្រមទាំងអាចកើតមាននូវជំងឺមហារីកផងដែរ។
ក្រសួងបានបញ្ជាក់ថា តាមការស្រាវជ្រាវ ផ្សែងពុលពីការដុតប្លាស្ទិក អាចបង្កបញ្ហាផ្លូវដង្ហើម រួមនឹងជំងឺមហារីក ហើយប្លាស្ទិកដែលត្រូវបានគេដុត ក៏បង្កការគំរាមកំហែង ដល់សុខភាពរបស់មនុស្ស សត្វ និងរុក្ខជាតិផងដែរ ព្រោះថា វាបញ្ចេញសារធាតុគីមី ដែលមានគ្រោះថ្នាក់ ដូចជា ឧស្ម័នកាបូនិក (CO2) ឌីអុកស៊ីន (Dioxins) និងហ្វូរ៉ង់ (Furans)ជាដើម។
នៅពេលមនុស្សស្រូបយកសារធាតុគីមីទាំងនេះពីផ្សែង វាអាចបង្កឱ្យមានជំងឺផ្លូវដង្ហើម ហើយក៏អាចបង្កជំងឺមហារីក ។ ការបំភាយឧស្ម័នពុលពីការដុតប្លាស្ទិកទាំងនោះបានរួមចំណែកធ្វើឱ្យមានបំរែបំរួលអាកាសធាតុផងដែរ។
ក្រសួងបរិស្ថានជំរុញឱ្យបន្តអនុវត្តនូវយុទ្ធនាការកាត់បន្ថយការប្រើប្រាស់ប្លាស្ទិកបានជាប្រចាំ ដោយប្រើពាក្យស្លោក «ថ្ងៃនេះ ខ្ញុំមិនប្រើថង់ប្លាស្ទិកទេ» «យើងរួមកម្លាំងគ្នា ការពារបរិស្ថានកម្ពុជា» និង «លាហើយប្លាស្ទិក»។
ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានថ្លែងថា ការដែលយើងទាំងអស់គ្នា ជាពិសេសក្មួយៗសិស្សានុសិស្ស និងយុវជនយើង ចូលរួមអនុវត្តនូវយុទ្ធនាការកាត់បន្ថយការប្រើប្រាស់ប្លាស្ទិក បានជាទៀងទាត់ នោះវានឹងក្លាយជាទម្លាប់ល្អ ដែលធ្វើឱ្យយើងកាត់បន្ថយ រហូតដល់ឈានទៅឈប់ប្រើប្រាស់ថង់ប្លាស្ទិកទាំងស្រុង នាពេលអនាគត។
គួរបញ្ជាក់ថា យុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ ថ្ងៃនេះ ខ្ញុំមិនប្រើថង់ប្លាស្ទិកទេ» «យើងរួមកំលាំងគ្នា ការពារបរិស្ថានកម្ពុជា» «លាហើយប្លាស្ទិក» របស់ក្រសួងបរិស្ថាន បានចាប់ផ្តើមកាលពីថ្ងៃទី០១ ខែកញ្ញា ឆ្នាំ២០២៣ រហូតមកដល់ថ្ងៃទី០៨ ខែមករា ឆ្នាំ២០២៤ មានអ្នកចូលរួមសរុបចំនួន 3,969,481 អង្គ/នាក់ ក្នុងនោះរួមមានលោកគ្រូអ្នកគ្រូសរុបចំនួន 156,500 នាក់ សិស្សានុសិស្សសរុបចំនួន 3,442,194 នាក់ កម្មករកម្មការនី សរុបចំនួន 232,841 នាក់ និងអ្នកចូលរួមផ្សេងៗទៀត សរុបចំនួន 418,649 អង្គ/នាក់ ដោយផ្សព្វផ្សាយសរុបបានចំនួន 13,062 លើក ក្នុងសាលារៀនសរុបចំនួន 8,518 សាលា រោងចក្រចំនួន 336 វត្តអារាម 46 និងសហគមន៍ទីប្រជុំជនចំនួន 105កន្លែង នៅទូទាំងព្រះរាជាណាចក្រកម្ពុជា៕
