ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានតេជោសែន សាធារណការ និងដឹកជញ្ជូន ប្រកាសផ្តល់អាហារូបករណ៍ ១០០% ចំនួន ៥០ កន្លែង និង ៥០% (បេក្ខជននារី) ជាច្រើនកន្លែងទៀត រហូតដល់បញ្ចប់ការសិក្សា តាមរយៈការប្រឡងចូលរៀនជំនាន់ទី៤។
សម្រាប់មុខវិជ្ជានៃការប្រឡងជ្រើសរើសនិស្សិតជំនាន់ទី៤ គឺអាស្រ័យទៅលើជំនាញដែលបានជ្រើស ដូចខាងក្រោម៖
- ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ
- ជំនាញប្រព័ន្ធចម្រោះទឹកកខ្វក់
( តម្រូវឆ្លងកាត់ការប្រឡងលើមុខវិជ្ជា ៖ គណិតវិទ្យា រូបវិទ្យា និងភាសាអង់គ្លេស)
- ជំនាញសេដ្ឋកិច្ច និងគ្រប់គ្រងការដឹកជញ្ជូនផ្លូវគោក
- ជំនាញគ្រប់គ្រងភស្តុភារកម្ម និងខ្សែច្រវាក់ផ្គត់ផ្គង់
- ជំនាញបើកបរនាវា
- ជំនាញម៉ាស៊ីននាវា
(តម្រូវឆ្លងកាត់ការប្រឡងលើមុខវិជ្ជា ៖ គណិតវិទ្យា វប្បធម៌ទូទៅ និងភាសាអង់គ្លេស)
ចាប់ផ្តើម និងទទួលពាក្យប្រឡង ចាប់ពីថ្ងៃផ្សាយដំណឹងនេះតទៅ ផុតកំណត់ដាក់ពាក្យនៅថ្ងៃទី០៨ ខែមករា ឆ្នាំ២០២៤ វេលាម៉ោង៥ល្ងាច។
សម្រាប់សិស្សានុសិស្សដែលមានចំណាប់អារម្មណ៍ សូមទៅទទួល និងដាក់ពាក្យនៅការិយាល័យសិក្សា ជាន់ផ្ទាល់ដី នៃអគ្គាវិទ្យាស្ថាន ស្ថិតនៅផ្លូវ៥៩៨ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ ជាប់អគារទីស្តីការក្រសួងសាធារណការ និងដឹកជញ្ជូន។
សូមបញ្ជាក់ថា វិទ្យាស្ថានតេជោសែន សាធារណការ និងដឹកជញ្ជូន ជាគ្រឹះស្ថានឧត្តមសិក្សាសាធារណៈ ដែលបណ្តុះបណ្តាលធនធានមនុស្សលើវិស័យសាធារណការនិងដឹកជញ្ជូន ប្រកបដោយគុណភាព ការច្នៃប្រឌិត សីលធម៌វិជ្ជាជីវៈ និងទទួលស្គាល់ពីថ្នាក់ជាតិ និងអន្តរជាតិ៕
