ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការចងចាំមានការប្រែប្រួល ពីមួយពេលទៅមួយពេល ដោយពេលខ្លះផ្អែកទៅតាមវ័យ ផ្អែកតាមទម្លាប់ប្រចាំថ្ងៃ និងរបៀបបែបបទនៃការរស់នៅជាដើម។ តាមរយៈគេហទំព័រ Time បានបង្ហាញសកម្មភាពមួយចំនួនដែលគួរអនុវត្តន៍ នៅពេលដែលការចងចាំចាប់ផ្ដើមប្រែប្រួល ឬអនុវត្តន៍ដើម្បីពង្រឹងការចងចាំឡើងវិញ។
១. រកឱ្យឃើញនូវកត្តាដែលនាំឱ្យការចងចាំធ្លាក់ចុះ ៖ ព្យាយាមកត់សម្គាល់ឱ្យបានច្រើនដង ថា តើកត្តាអ្វីខ្លះ ដែលបណ្ដាលឱ្យអាការភ្លេចភ្លាំងកើតឡើងជាលំដាប់ ឬក៏ការចងចាំចាប់ផ្តើមធ្លាក់ចុះពីមួយពេលទៅមួយពេល។ ពេលខ្លះអាចដោយសារកត្តាវ័យ ទម្លាប់នៃការប្រើប្រាស់បច្ចេកវិទ្យា ឬការបរិភោគអាហារជាដើម ការដែលដឹងអំពីចំណោទបញ្ហាជាមុន បានរួមចំណែកក្នុងការដោះស្រាយ ដោយពេលខ្លះត្រូវមានការណែនាំពីពេទ្យ ឬអ្នកជំនាញជាដើម។
២. ផ្លាស់ប្ដូរទម្លាប់ថ្មីៗ ៖ ការទុកដាក់របស់របរជុំវិញខ្លួន ក៏បានរួមចំណែកដល់ការចងចាំផងដែរ ដើម្បីដោះស្រាយទៅនឹងចំណោទមួយនេះបាន ជាដំបូងត្រូវរៀបចំកាលវិភាគផ្ទាល់ខ្លួនឡើងវិញ ដោយកាត់ចោលនូវសម្ភារៈដែលពុំចាំបាច់ ក៏ដូចជាការទុកដាក់សម្ភារៈទៅតាមកន្លែងដើមវិញ បន្ទាប់ពីប្រើប្រាស់រួច។
៣. លំហាត់ខួរក្បាលតាមរយៈការលេងហ្គេម ៖ លំហាត់ខួរក្បាល មិនត្រឹមតែជាការដោះស្រាយលំហាត់គណិតវិទ្យាប៉ុណ្ណោះទេ ប៉ុន្តែនៅមានតាមរយៈរូបភាពដទៃជាច្រើនទៀត! តួយ៉ាងដូចជាការជ្រើសរើសហ្គេមទាំងឡាយណា ដែលត្រូវការខួរក្បាលដើម្បីហ្វឹកហាត់ មិនថាលេងដោយប្រើប្រាស់បច្ចេកវិទ្យាក្ដី ឬក៏ការលេងជាក្រុមជាមួយមនុស្សក្ដី ដូចជាការលេងបូកលេខ ការលេងផ្គុំរូប និងហ្គេមដទៃៗទៀតដែលនាំឱ្យខួរក្បាលមានភាពសកម្ម។
៤. និយាយជាមួយអ្នកដទៃរាល់ថ្ងៃ ៖ នេះជាសកម្មភាពដ៏សាមញ្ញមួយ ដែលមនុស្សអាចធ្វើបានក្នុងការអនុវត្តប្រចាំថ្ងៃ ការនិយាយជាមួយអ្នកដទៃបានរាល់ថ្ងៃ បានរួមចំណែកដល់ការចងចាំ អភិវឌ្ឍន៍ជំនាញនិយាយ ក៏ដូចជាការពង្រឹងជំនាញសង្គមផងដែរ។
៥. ការយកចិត្តទុកដាក់លើបញ្ហាហិរញ្ញវត្ថុ ៖ បញ្ហាហិរញ្ញវត្ថុ បានរុញច្រានស្ថានភាពផ្លូវចិត្តឱ្យធ្លាក់ក្នុងវិបត្តិផ្លូវចិត្ត ឬក៏ភាពតានតឹងរ៉ាំរ៉ៃផងដែរ ដូច្នេះការចាប់ផ្តើមគិតគួរ ដោះស្រាយបញ្ហាជាប់គាំងដោយសារតែមិនបានគ្រប់គ្រងលុយកាក់ចេញ ដោយការគិតគួរអំពីអនាគត ការស្វែងរកអ្នកជំនាញដើម្បីប្រឹក្សា សុទ្ធសឹងតែជាការរួមចំណែកក្នុងការកាត់បន្ថយអាការៈភ្លេចភ្លាំង និងសម្រាលនូវភាពតានតឹង៕
