ពាក្យចចាមអារ៉ាមមួយ ក្នុងចំណោមពាក្យចចាមអារ៉ាមជាច្រើន ក្នុងកិច្ចប្រជុំកំពូលសកម្មភាព AI នៅទីក្រុងប៉ារីស ឆ្នាំ២០២៥ គឺការលើកឡើងអំពី «វត្តមាន AI សាធារណៈ» ជាមូលដ្ឋានគំនិត ដែលថា រដ្ឋាភិបាល ត្រូវកសាងហេដ្ឋារចនាសម្ព័ន្ធ AI ដែលជាកម្មសិទ្ធិរបស់សាធារណៈ ដើម្បីបម្រើដល់សង្គម ជំនួសឱ្យការជំរុញការរកប្រាក់ចំណេញ។

ដោយបង្កើតឡើងដោយរដ្ឋាភិបាល ក្នុងគោលបំណង មិនមែនដើម្បីរកប្រាក់ចំណេញ ហេដ្ឋារចនាសម្ព័ន្ធ AI សាធារណៈ អាចនឹងផ្ដល់នូវអ្វី ដែលក្រុមហ៊ុនឯកជន មិនមានការលើកទឹកចិត្ត ក្នុងការវិនិយោគបង្កើត ដូចជា AI ដែលរៀបចំឡើង សម្រាប់ស្រាវជ្រាវបញ្ហាសង្គម និងវិទ្យាសាស្ត្រទំនើបៗ និងសម្រាប់បម្រើតំបន់ភូមិសាស្ត្រជាក់លាក់ និងភាសាជាក់លាក់។ ការបង្កើត នឹងនាំឱ្យលែងមានការបញ្ចេញព័ត៌មានមិនពិត និងការប្រើប្រាស់ពាក្យសម្ដី ដែលនាំឱ្យមានការស្អប់ខ្ពើម ហើយសេវារបស់បច្ចេកវិទ្យានេះ នឹងព្យាយាមគាំទ្រប្រយោជន៍សាធារណៈជន។ លើសពីនេះ ការចូលប្រើវា នឹងមានតម្លៃសមរម្យសម្រាប់ទាំងអស់គ្នា។

ហេដ្ឋារចនាសម្ព័ន្ធ AI សាធារណៈនឹងរួមបញ្ចូលធាតុសំខាន់អ្វីខ្លះ?

គំនិតនេះ គឺសម្រាប់រដ្ឋាភិបាល បង្កើត AI សាធារណៈ ដែលជាកម្មសិទ្ធិសារធារណៈ ដោយធាតុសំខាន់ៗ សម្រាប់សាងសង់ រួមមានដូចជា ៖

• មជ្ឈមណ្ឌលទិន្នន័យ ដែលស្ថាប័នក្នុងវិស័យសាធារណៈ អ្នកស្រាវជ្រាវ និងអាជីវកម្មខ្នាតតូច អាចប្រើប្រាស់ សម្រាប់ការបណ្ដុះបណ្ដាល និងដំណើរការគម្រូ។
• សំណុំទិន្នន័យបណ្ដុះបណ្ដាល ដែលមនុស្សគ្រប់គ្នាអាចប្រើប្រាស់បាន
• គម្រូមូលដ្ឋានគ្រឹះប្រភពបើកចំហ (Truly open-source foundation) ដែលប្រទេស មន្ទីរពិសោធន៍ស្រាវជ្រាវ និងក្រុមហ៊ុននានា អាចសម្របខ្លួន និងបង្កើតបាន តាមរយៈការទទួលការបណ្ដុះបណ្ដាលលើទិន្នន័យ ដែលអាចទុកចិត្តបាន និងជាមួយនឹងតម្លៃប្រជាធិបតេយ្យ ដែលបានបង្កើតឡើង។
• ស្តង់ដារ គោលដៅ និងយន្តការ អភិបាលកិច្ច ដើម្បីដឹកនាំការអភិវឌ្ឍ AI ក្នុងទិសដៅ ដែលមានប្រយោជន៍ ដល់សង្គម។

ការសាងសង់ហេដ្ឋារចនាសម្ព័ន្ធ AI អាចលេចជារូបរាងទេ?

បច្ចុប្បន្ន ប្រទេសមួយចំនួន កំពុងខិតខំប្រឹងប្រែងយ៉ាងខ្លាំង ដើម្បីកសាងផ្នែកផ្សេងៗ នៃហេដ្ឋារចនាសម្ព័ន្ធ AI សាធារណៈ។ ជាក់ស្ដែង គម្រោងមួយ ដែលមានឈ្មោះថា OpenEuroLLM ចង់បង្កើត គម្រូគ្រឹះសម្រាប់ភាសាអឺរ៉ុបផ្សេងៗ។ លើសពីនេះ ក៏មាន EuroStack ដែលចង់បង្កើត «ប្រព័ន្ធអេកូឡូស៊ីឌីជីថលពេញលេញ» សម្រាប់អឺរ៉ុប។ នៅ ស៊ុយអ៊ែត ស្វីល សិង្ហបុរី និងអាម៉េរិក ក៏កំពុងមានគម្រោង AI ថ្នាក់ជាតិដែរ៕