ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា (CGTI) ប្រកាសជ្រើសរើសសិស្សអាហារូបករណ៍សិក្សាថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែង។ សិស្សជាប់ ឬធ្លាក់មធ្យមសិក្សាទុតិយភូមិមានឱកាសទទួលបានអាហារូបករណ៍ដូចគ្នា ។
ជំនាញដែលអាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសផ្ដល់ជូនមាន២ដូចជា ការបញ្ជាទិញ (Apparel Merchandising) និង វិស្វកម្មឧស្សាហកម្ម គុណភាព និងផលិតកម្ម (Industrial Engineering, Quality and Production) ។ បេក្ខជនអាចស្នើពាក្យអាហារូបករណ៍បានតាមរយៈ https://forms.gle/MUUehVQ1iWnC5HBq9 ។
បេក្ខជនត្រូវមានអាយុចាប់េពី១៨ឆ្នាំឡើងទៅ សញ្ញាបត្រជាប់ ឬធ្លាក់មធ្យមសិក្សាទុតិយភូមិ អត្តសញ្ញាណបណ្ណ សៀវភៅគ្រួសារ ឬសៀវភៅស្នាក់នៅ និងសំបុត្រកំណើត ។ ការប្រឡងជ្រើសរើសបេក្ខជនលើកទី១នៅថ្ងៃទី១៥ ខែកញ្ញា ឆ្នាំ២០២៣ ដោយបេក្ខជនត្រូវប្រឡង គណិតវិទ្យា, ភាសាអង់គ្លេស(ការសម្ភាសន៍ផ្ទាល់ និងសរសេរ) និង វប្បធម៌ទូទៅ ។
បេក្ខជនជ័យលាភីអាហារូបករណ៍នឹងត្រូវសិក្សាជំនាញមានរយៈពេល៧ខែ និងហ្វឹកហាត់ការងាររយៈពេល១២ខែដែលមានប្រាក់ឧបត្ថម្ភកំឡុងពេលហ្វឹកហាត់២៨០ដុល្លារក្នុងមួយខែ ។ ជាមួយគ្នានេះ បេក្ខជនទទួលបានកន្លែងស្នាក់នៅក្នុងពេលសិក្សា អាហារថ្ងៃត្រង់ និងឱកាសការងារក្រោយបញ្ចប់ការសិក្សា ។
សម្រាប់ព័ត៌មានលម្អិតសូមទំនាក់ទំនងមក ៖ ០៩៧ ៨២៤ ៧៧៦៦, ០៩៧ ៥៩០ ៥២០៥ ,០១២ ៩០៥ ២០៥,០៩៦ ៩២០ ២០៣៤ ៕
