ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ថមថយថាមពល បណ្តាលមកពីកត្តាច្រើនយ៉ាង ហើយដើម្បីការពារក៏ដូចជាដោះស្រាយនឹងបញ្ហានេះ ចាំបាច់ត្រូវមានទម្លាប់ល្អប្រចាំថ្ងៃក្នុងការពង្រឹងសុខភាពផ្លូវចិត្ត និងសុខភាពរាងកាយ តាមរយៈការយកចិត្តទុកដាក់ចំពោះឥរិយាបថ ការហាត់ប្រាណ និងជ្រើសអាហារមកទទួលទានឱ្យមានតុល្យភាព។ តាមរយៈគេហទំព័រ Dailymail បានបង្ហាញកំហុសប្រាំចំណុចដើម្បីបញ្ចៀសកុំឱ្យមានអាការខ្សោះថាមពល។
១. ហាត់ប្រាណមិនទៀងទាត់ ៖ រាងកាយនៅស្ងៀមធឹង មិនមែនជាការសម្រាកពេញលេញនោះទេ វាអាចជាប្រភពដែលនាំឱ្យខ្សោះថាមពល។ ហាត់ប្រាណទៀងទាត់ និងគ្រប់គ្រាន់ទៅតាមតម្រូវការសុខភាព ប្រៀបដូចជាការផ្លាស់ប្តូរយុទ្ធសាស្រ្តមួយដែលឆ្លើយតបនឹងរបៀបរស់នៅមានសុខុមាលភាព។ សុខភាពប្រព័ន្ធសាច់ដុំ និងដំណើរការសរសៃឈាមខ្សោយ នៅពេលដែលរាងកាយមិនមានចលនា ដែលកត្តាទាំងនេះហើយបណ្តាលឱ្យកើតមានអាការអស់កម្លាំង។
២. ឥរិយាបថ ៖ ការអង្គុយ ដើរ ឬឈរមិនត្រង់ខ្លួន គឺជាចំណែកមួយដែលប៉ះពាល់ដល់ឥរិយាបថ និងសុខភាពផ្លូវកាយ។ កាលដែលមិនចាប់អារម្មណ៍លើការប្រើប្រាស់កាយវិការ ក៏ដូចជាការពត់ខ្លួនបន្តិចបន្តួច ឬការបម្រែបម្រួលរបៀបឈរអង្គុយ សុទ្ធសឹងតែជាចំណែកបន្ធូរសាច់ដុំ រួមទាំងអាចស្រូបអុកស៊ីសែននៅជុំវិញខ្លួនបានល្អបន្ថែម។
៣. បរិភោគអាហារដែលមានជាតិកាបូអ៊ីដ្រាតលើសចំណុះ ៖ ត្បិតថាអាហារមានជាតិកាបូអ៊ីដ្រាតដើរតួនាទីជំនួនដល់សុខភាពខួរក្បាល ប៉ុន្តែក៏មានសារធាតុចិញ្ចឹមច្រើន ប្រសិនបើទទួលទានលើសលប់ក៏នឹងប៉ះពាល់ដល់សុខភាពរាងកាយដូចគ្នា។ ដូច្នេះដើម្បីរក្សាតុល្យភាពរបស់រាងកាយ ដូច្នេះចាំបាច់ត្រូវបន្ថែមប្រូតេអ៊ីន និងញ៉ាំបន្លែបង្ការជាដើម។
៤. ពិសាកាហ្វេលើសលប់ ៖ ថាមពលដែលទទួលបានពីការពិសាកាហ្វេកែវធំ ឬក្នុងបរិមាណច្រើន គ្រាន់តែជាការស្រូបយកថាមពលបណ្តោះអាសន្នប៉ុណ្ណោះ យ៉ាងណាមិញនៅពេលជាតិកាហ្វេអ៊ីនច្រើនពេកចូលទៅក្នុងរាងកាយអាចរំខានដល់ការគេង និងខ្សោះថាមពលចេញពីខ្លួន ដោយសារតែពិសាកាហ្វច្រើន បណ្តាលឱ្យក្នុងខ្លួនខ្សោះជាតិទឹក មានកម្រិតជាតិស្ករក្នុងឈាមច្រើន និងអារម្មណ៍ប្រែប្រួល។
៥. អង្គុយយូរម៉ោងពេក ៖ ការអង្គុយយូរពេកអាចប៉ះពាល់ដល់សុខភាពដូចជា សាច់ដុំរាងកាយមិនដំណើរការ ។ តាមរយៈការសិក្សាកន្លងមកក៏បានបង្ហាញដែរថា ផលប៉ះពាល់នៃការអង្គុយយូរៗ ប្រៀបដូចជាផលប៉ះពាល់ពីការជក់បារី និងបណ្តាលឱ្យកើតមានអាការអស់កម្លាំង។ ដូច្នេះចាប់ផ្តើមដោយការក្រោកឈរឱ្យបានញឹកញាប់ រលាស់ដៃ និងសម្រាកឱ្យបានគ្រប់ ដើម្បីរក្សាថាមពល និងជំរុញភាពស្រស់ស្រាយផ្នែកផ្លូវចិត្ត៕
