ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍រដ្ឋាភិបាលអូទ្រីស ប្រកាសបើកទទួលពាក្យស្នើសុំអាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យជាច្រើនក្នុងប្រទេសអូទ្រីស សម្រាប់ឆ្នាំសិក្សា២០២៦។
ជំនាញសិក្សាដែលអាហារូបករណ៍ផ្ដល់ជូនរួមមាន ៖ Natural Sciences, Technical, Sciences, Human Medicine, Health Sciences, Agricultural Sciences, Social Sciences, Humanities, សិល្បៈ និងជំនាញជាច្រើនទៀត។
លក្ខខណ្ឌបេក្ខជន ៖ បេក្ខជនមកពីគ្រប់ជាតិសាសន៍ អាយុមិនលើសពី៣៥ឆ្នាំ សម្រាប់បេក្ខជនស្នើថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ហើយអាយុមិនលើស៤០ឆ្នាំ សម្រាប់ថ្នាក់បណ្ឌិត។ សម្រាប់បេក្ខជនស្នើថ្នាក់បរិញ្ញាបត្រ ត្រូវមានសញ្ញាបត្រមធ្យមសិក្សាទុតិយភូមិ, បេក្ខជនស្នើថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្របរិញ្ញាបត្រ និងអ្នកស្នើថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រជាន់ខ្ពស់។
បេក្ខជនដែលមានចំណាប់អារម្មណ៍ក្នុងការដាក់ពាក្យ សូមភ្ជាប់ឯកសារចាំបាច់មួយចំនួនដូចជា ប្រវត្តិរូបសង្ខេប ប្រតិចារិក ប្រតិបត្តិពិន្ទុ លិខិតអនុសាសន៍ សញ្ញាបត្របញ្ជាក់ភាសា និង គម្រោងស្រាវជ្រាវសម្រាប់និស្សិតស្នើថ្នាក់បណ្ឌិត។
អត្ថប្រយោជន៍ដែលអាហារូបករណ៍ផ្ដល់ជូនបេក្ខជនរួមមាន ៖ ប្រាក់ឧបត្ថម្ភប្រចាំខែ, ថ្លៃសិក្សាពេញលេញ ឬដោយផ្នែក, កន្លែងស្នាក់នៅ, ធានារ៉ាប់រងសុខភាព និងថ្លៃធ្វើដំណើរទៅមកប្រទេសអូទ្រីស–ប្រទេសកំណើត។
សម្រាប់ព័ត៌មានបន្ថែម ក៏ដូចជាការដាក់ពាក្យ បេក្ខជន អាចចូលទៅកាន់ https://studyinaustria.at/en/useful-tips/questions–and-answers/scholarships ។
សម្រាប់កាលបរិច្ឆេទផុតកំណត់ទទួលពាក្យ គឺខុសៗគ្នាទៅតាមជំនាញ និងកម្រិតសិក្សា។ ចាប់ទទួលពាក្យពីថ្ងៃផ្សាយដំណឹងនេះតទៅ៕
