ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសម្រាប់យុវជន ចូលរួមក្នុងកម្មវិធីសិក្ខាសាលាភាពជាអ្នកដឹកនាំយុវជនលើកទី១១ ឆ្នាំ២០២៥ នៅមជ្ឈមណ្ឌលអប់រំសម្រាប់ការយល់ដឹងអន្តរជាតិរបស់អង្គការយូណេស្កូអាស៊ីប៉ាហ្វិក (APCEIU)។ កម្មវិធីនឹងជ្រើសរើស យុវជន យុវនារី ចំនួន៤០នាក់ មកពីបណ្ដាប្រទេសផ្សេងៗ រួមទាំងប្រទេសកម្ពុជាផងដែរ។
សកម្មភាពនៃកម្មវិធីសិក្ខាសាលា នឹងមាន៣សំខាន់ៗរួមមាន ៖
១. ការចាប់ផ្ដើមមុនថ្ងៃកម្មវិធីមកដល់នាថ្ងៃទី១ ដល់ថ្ងៃទី៣ ខែមេសា តាមរយៈ Online (Pre Workshop)
២. ថ្ងៃកម្មវិធី ពីថ្ងៃទី១៤ ដល់ថ្ងៃទី១៧ ខែមេសា នាទីក្រុងញូវដេលី ប្រទេសឥណ្ឌា (Main Workshop)
៣. ថ្ងៃក្រោយកម្មវិធីមានការណែនាំ ឬហៅថា Mentorship នឹងប្រព្រឹត្តិទៅចាប់ពីខែឧសភា ដល់ មិថុនា តាមរយៈ Online។
អត្ថប្រយោជន៍ដែលបេក្ខភាពសិក្ខាកាមទទួលបានរួមមាន ៖ ទទួលបានការផ្លាស់ប្ដូរជំនាញ SEL និងការយល់ដឹងកាន់តែស៊ីជម្រៅ ទទួលបានបទពិសោធន៍បណ្ដាញជាមួយអ្នកដឹកនាំ និងយុវជនមកពីជុំវិញពិភពលោក និងឱកាសប្រឹក្សាផ្សេងៗ។
ដើម្បីធ្វើការដាក់ពាក្យ បេក្ខជនអាចចូលទៅកាន់ https://forms.gle/SAz5Lv1CuWV2NYhp7 និងបំពេញតាមតម្រូវការដែលតំណភ្ជាប់បានដាក់។ សម្រាប់ព័ត៌មានបន្ថែមអាចទំនាក់ទំនងទៅកាន់ training@unescoapceiu.org ។ ផុតកំណត់ទទួលពាក្យត្រឹមថ្ងៃទី២៣ ខែកុម្ភៈ ឆ្នាំ២០២៥។
គួរជម្រាបថា សិក្ខាសាលាភាពជាអ្នកដឹកនាំយុវជនលើទី១១ នេះ នឹងជ្រើសរើសយុវជនមកពីបណ្ដាប្រទេសទទួលបានជំនួយអភិវឌ្ឍន៍ផ្លូវការ ODA (ប្រទេសកំពុងអភិវឌ្ឍន៍) ដើម្បីចួលរួមក្នុងកម្មវិធីយុវជន ដោយសិក្សាពីការពិភាក្សា សកម្មភាព និងឱកាសនៃបណ្ដាញ និងផែនការសកម្មភាព ដើម្បីស្វែងរកដំណោះស្រាយ និងជំរុញសកម្មភាពរក្សាសន្តិភាព និងនិរន្តភាពពិភពលោក៕
