ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នាវាបណ្ណាគារសៀវភៅអន្តរជាតិ Doulos Hope បានចូលចតនៅកំពង់ផែស្វយ័តក្រុងព្រះសីហនុ កាលពីព្រឹកថ្ងៃទី១៨ ខែធ្នូ ឆ្នាំ២០២៣ ដោយនាំយកមកនូវសៀវភៅច្រើនជាង២ពាន់ចំណងជើង សម្រាប់អ្នកចូលចិត្តអាន។
បើតាមកំពង់ផែស្វយ័តក្រុងព្រះសីហនុ នាវា Doulos Hope នឹងចតនៅកំពង់ផែកម្ពុជាមួយនេះរយៈពេល២៥ថ្ងៃ ដោយនឹងចាកចេញទៅវិញនៅថ្ងៃទី១២ ខែមករា ឆ្នាំ២០២៤ ឆ្ពោះទៅកាន់ប្រទេសវៀតណាម។ កំឡុងពេលចូលចតនៅកម្ពុជានេះ ពលរដ្ឋកម្ពុជា ឬអ្នកដែលចូលចិត្តអាន អាចចូលទៅទស្សនានាវាដោយសេរី ចាប់ពីថ្ងៃទី១៩ ខែធ្នូ ឆ្នាំ២០២៣ រហូតដល់ថ្ងៃទី១១ ខែមករា ឆ្នាំ២០២៤ រៀងរាល់ថ្ងៃអង្គារ ដល់ថ្ងៃអាទិត្យ ចាប់ពីវេលាម៉ោង៣រសៀល ដល់ម៉ោង៩យប់។
នៅលើនាវានេះ មានសៀវភៅច្រើនជាង២ពាន់ចំណងជើង ដោយមានទាំងផ្នែកវិទ្យាសាស្រ្ត ឱសថសាស្រ្ត សិល្បៈ ភាសា ជំនឿ ចំណង់ចំណូលចិត្ត ការចម្អិនអាហារ កីឡា ព្រមទាំងសៀវភៅកុមារ អត្ថបទសិក្សា វចនានុក្រម និងសៀវភៅផ្សេងៗជាច្រើនទៀត។ អ្នកចូលអាន ក៏អាចជាវសៀវភៅពីវានានេះបានក្នុងតម្លៃសមរម្យផងដែរ។
សូមបញ្ជាក់ថា នាវា Doulos Hope មានសញ្ជាតិ Malta ( ជានាវារបស់អង្គការ GBA SHIPS ) មាននាវិកសរុបចំនួន ៩១នាក់ ស្រី ៣៩នាក់ មាន ៣០សញ្ជាតិ។ ការចូលចិត្តនៅកម្ពុជានេះ ក្រៅតែពីការបើកឱ្យចូលអានសៀវភៅ នាវានេះ ក៏មានបំណងធ្វេីការចែករំលែកចំណេះដឹងថ្មី ផ្តល់ជំនួយសប្បុរសធម៌ដល់អ្នកខ្វះខាត លេីកកំពស់គុណតម្លៃសន្តិភាព និងការបង្កេីតវប្បធម៌នៃការស្ម័គ្រចិត្តដេីម្បីជួយដល់ប្រជាជននៅក្នុងសហគមន៍ផងដែរ៕
