ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កិច្ចការសាលាគឺជាការសរសេរ ឬគណនាដែលទាក់ទងនឹងប្រធានបទណាមួយដែលសិស្ស ឬនិស្សិតកំពុងសិក្សា។ កិច្ចការសាលាវាមិនមែនត្រឹមតែជាការងារមួយ ដែលវាសវែងសមត្ថភាពកំឡុងពេលសិក្សាប៉ុណ្ណោះទេ ប៉ុន្តែវាផ្តល់អត្ថប្រយោជន៍ជាច្រើនទៀត ដើម្បីជំរុញដល់ផលិតភាពការងារនាពេលអនាគត។ ទន្ទឹមគ្នានេះ វាក៏ជាផ្នែកមួយនៃបំណិនជីវិតផងដែរ ព្រោះវាបានបណ្តុះស្មារតីឱ្យចេះយកចិត្តទុកដាក់ ពង្រឹងការផ្តោត ឬការអនុវត្ត ពន្លឿនសមត្ថភាពរៀនសូត្រ គ្រប់គ្រងពេលវេលា ឬចេះចាត់ចែងប្រភេទអទិភាពការងារ និងចេះវិភាគព្រឹត្តិការណ៍អ្វីមួយឈរលើអព្យាក្រឹតបានច្រើន ថែមទាំងឆ្លើយតបទៅនឹងក្តីរំពឹង តួយ៉ាងដូចជាលទ្ធផលការសិក្សាខ្ពស់ជាដើម។
លោក ឃុន សំណាង បញ្ចប់បរិញ្ញាបត្រផ្នែកគណិតវិទ្យានៅសាកលវិទ្យាល័យភូមិន្ទភ្នំពេញនិយាយថា ការសិក្សាមិនថានៅមហាវិទ្យាល័យ ឬវិទ្យាល័យ ទោះបីជាបានយកចិត្តទុកដាក់ក្នុងកម្រិតណាក៏ដោយ ប៉ុន្តែស្វ័យសិក្សា និងការធ្វើកិច្ចការងារបន្ថែមតាមរយៈការស្នើពីសំណាក់គ្រូបង្រៀននៅតែមានតួនាទីសំខាន់ ព្រោះវាជាវិធីមួយជួយវាស់វែងសមត្ថភាព និងបំពេញបន្ថែមនូវចន្លោះខ្វះខាត។ បន្ថែមពីនោះ វាអាចជួយឱ្យយើងអាចរៀនពីការគ្រប់គ្រងការងារ និងរកដំណោះស្រាយការងារតាមពេលវេលា។ ព្រោះកិច្ចការសាលាមានការកំណត់ពេលវេលាយ៉ាងជាក់លាក់ ដែលជាហេតុជំរុញឱ្យបញ្ចប់កិច្ចការបានលឿន និងរៀនចេះបែងចែក រវាងកិច្ចការអទិភាព និងភាពសំខាន់។
លោក ឃុន សំណាង
“តាមបទពិសោធន៍ខ្ញុំ គឺខ្ញុំយល់ថា ហេតុផលដែលសិស្ស ឬនិសិ្សតមិនត្រូវគេចកិច្ចការសាលា (assignment) ព្រោះការងារនេះ វាអាចជួយបំពេញចំណេះដឹងដែលខ្វះខាតកំឡុងពេលសិស្សា”
កញ្ញា យឿន ពុធធីតា ដែលជានិស្សិតកំពុងសិក្សាផ្នែកទំនាក់ទំនងសេដ្ឋកិច្ចអន្តរជាតិនៅសាលាភូមិន្ទភ្នំពេញ យល់ឃើញដូចគ្នាដែរថា ការធ្វើកិច្ចការសាលា(Assignment) វាជួយពង្រឹងការស្រាវជ្រាវបានល្អជាងមុន និងទទួលបានចំណេះដឹងថ្មីៗបន្ថែមលើសពីមេរៀនដែលបានរៀនជាមួយនឹងសាស្រ្តាចារ្យ ។ ធីតាបន្តថា ការដែលគេចពីកិច្ចការសាលា (Assignment) អាចបណ្តាលឱ្យនិស្សិតបាត់បង់ឱកាសក្នុងការអភិវឌ្ឍសមត្ថភាពខ្លួនឯង ក៏ដូចជាមិនសូវទទួលបានចំណេះដឹងពីការស្រាវជ្រាវបានពេញលេញ និងបាត់បង់ឯករាជ្យភាពក្នុងការធ្វើអ្វីមួយដោយខ្លួនឯង។
កញ្ញា យឿន ពុធធីតា
“ខ្ញុំមានអារម្មណ៍ថាឯករាជ្យក្នុងការធ្វើកិច្ចការសាលា (Assignment) ដោយសារខ្ញុំដឹងថាគួរធ្វើអ្វី ឬស្រាវជ្រាវពីអី្វ ហើយថែមទាំងបានអនុវត្តមេរៀនដែលបានរៀនរួចហើយទៀតផង”
ព្រះតេជគុណ យ៉ិន ឧត្ដម កំពុងសិក្សាជំនាញទំនាក់ទំនងធុរកិច្ច និងប្រព័ន្ធផ្សព្វផ្សាយនៅសកលវិទ្យាល័យបញ្ញាសាស្រ្តកម្ពុជាមានសង្ឃដីកាថា ការយកចិត្តទុកដាក់ចំពោះកិច្ចការសាលា គឺរក្សានូវគុណតម្លៃផ្ទាល់ខ្លួន និងទំនួលខុសត្រូវ។ ធ្វើឱ្យសិស្សយល់ពីរបៀបគិតបានច្រើន និងការស្វែងរកព័ត៌មានបន្ថែមថ្មីៗ ដើម្បីសាងចំណេះជំនាញ។ ជាមួយគ្នានោះក៏អាចយល់បានស៊ីជម្រៅទៅនឹងអ្វីដែលកំពុងធ្វើ ប៉ុន្តែវាអាស្រ័យលើប្រធានបទដែលធ្វើផ្ទាល់ប៉ុណ្ណោះ។
ចំណែក កញ្ញា គន ណាវីន កំពុងសិក្សាជំនាញទំនាក់ទំនងអន្តរជាតិ នៅសាកលវិទ្យាល័យបញ្ញាសាស្រ្តកម្ពុជា បាននិយាយថា នាងបានអភិវឌ្ឍន៍សមត្ថភាពសំខាន់ៗ និងច្រើនប្រភេទផ្អែកតាមមុខវិជ្ជានីមួយៗ ដូចជាការធ្វើកិច្ចពិភាក្សាក្រុមជាមួយមិត្តរួមថ្នាក់ ហើយអ្វីដែលពិសេស គឺមានឱកាសសម្រាប់អានបន្ថែមរាល់សំណួរ និងឯកសារពាក់ព័ន្ធនានា។ ចំពោះ ណាវិន នាងយល់ឃើញថា មានហេតុផលមួយចំនួនដែលសិស្សមិនគួរគេចរាល់កិច្ចការសាលាទាំងឡាយ ទោះបីជាចំណេះដឹងស្ថិតក្នុងកម្រិតណាក៏ដោយ។
កញ្ញា គន ណាវីន
“ខ្ញុំយល់ថា បើទៅសាលាហើយគេចការងារសាលា វាមិនខុសអ្វីពីការទៅសាលាដើម្បីយកតែកិត្តិយសទេ(credit) ដែលវាធ្វើឱ្យបាត់បង់ឱកាសក្នុងការអនុវត្តផ្ទាល់ នូវចំណេះដឹងដែលគួរតែទទួលបានពីសាលា”
ណាវីន បន្ថែមថា មូលហេតុដែលសិស្សចាំបាច់ត្រូវតែអនុវត្តកិច្ចការសាលា ព្រោះវាក៏ជាចំណែកមួយដែលជះឥទ្ធិពលនៅពេលដែលយើងទៅធ្វើការងារផងដែរ។ ព្រោះបើមិនបានឆ្លងកាត់ការលត់ដំ ទម្លាប់ខ្លួននៅក្នុងសាកលវិទ្យាល័យនោះទេ វាមិនបានពង្រឹងភាពអត់ធ្មត់របស់យើងនៅពេលចេញទៅធ្វើការនោះទេ។
កញ្ញា គន ណាវីន
“ក្នុងនាមខ្ញុំជាសិស្សម្នាក់ខ្ញុំត្រូវតែមានការតាំងចិត្តធ្វើកិច្ចការសាលា (Assignment) ព្រោះដើម្បីបង្កើនទំនុកចិត្ត និងបណ្តុះទម្លាប់ឱ្យចេះតាំងចិត្តបានខ្ពស់តាំងតែពីនៅរៀន”
លោក ហ៊ន់ កុងហូយ និស្សិតពេទ្យនៅវិទ្យាស្ថានវិទ្យាសាស្រ្តសុខាភិបាល ខ.ភ.ម លើកឡើងថា កិច្ចការសាលាវាបានបណ្តុះនូវទម្លាប់អាន ដែលដូចទៅនឹងពាក្យមួយគេនិយាយថា យើងរៀនថ្ងៃនេះ មានន័យថាបានដឹងច្រើនជាងម្សិលមិញ ហើយបើសិនជាមិនបានរៀននៅថ្ងៃនេះ មានន័យថាល្ងង់ជាងម្សិលមិញ។ នេះជាប្រយោគដែលលោកតែងតែចងចាំ និងបណ្តុះទឹកចិត្តមិនឱ្យខ្លាច ឬគេចពីកិច្ចការសាលា។
លោក ហ៊ន់ កុងហូយ
“ខ្ញុំយល់ថា ការងាររបស់សាលា ប្រៀបដូចជាការ ធ្វើបច្ចុប្បន្នភាពឲ្យខ្លួនឯង តាមរយៈការអាន និងការស្រាវជ្រាវថ្មីៗ”
ចំណែក លោក មួយ ពិសិដ្ឋ កំពុងបន្តថ្នាក់ អនុបណ្ឌិត ផ្នែកវិទ្យាសាស្រ្តនយោបាយ នៅសាកលវិទ្យាល័យបញ្ញាសាស្រ្តក៏បានលើកឡើងដែរថា ការសិក្សានៅក្នុងថ្នាក់ជារឿងមួយដែលជួយលត់ដំ មានចំណេះបន្ថែមក្រៅពីគ្រូពន្យល់ និងយល់ពីរបៀបសរសេរ ហើយថែមទាំងបង្កើនចម្ងល់បន្ថែម ដែលជាគន្លឹះក្នុងការត្រិះរិះបន្ត ដូច្នេះហើយសិស្ស និស្សិត មិនគួរគេចវេសពីកិច្ចការសាលា (Assignment) នោះឡើយ ព្រោះវាជាបំណិនមួយសម្រាប់សិស្សនិស្សិតទៅថ្ងៃអនាគត៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
ក្រសួងអប់រំ ជ្រើសរើសនិស្សិតអាហារូបករណ៍សិក្សាថ្នាក់បណ្ឌិតគ្រប់គ្រងអប់រំ និងឯកទេសកម្មវិធីសិក្សា ចំនួន១៥កន្លែង
ព័ត៌មានអាហារូបករណ៍, ព្រឹត្តិការណ៍
• 22/08/2023
ក្រសួងអប់រំ យុវជន និងកីឡា ប្រកាសជ្រើសរើសនិស្សិតសិក្សាអាហារូបករណ៍ថ្នាក់បណ្ឌិតគ្រប់គ្រងអប់រំ ជំនាន់ទី៤ និងថ្នាក់បណ្ឌិតអប់រំឯកទេសកម្មវិធីសិក្សា និងវិធីសាស្ត្របង្រៀនជំនាន់ទី...
អាហារូបករណ៍ Eric Bleumink ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Groningen ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 31/08/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យGroningen ពីកម្មវិធីអាហារូបករណ៍ Eric Bleumink នៃប្រទេសហូឡង់ឆ្នាំសិក្សា២០២៤-២០២៥...
ឱកាសសិក្សាអាហារូបករណ៍ចំនួន៤៥កន្លែងនៅសាកលវិទ្យាល័យធនធានមនុស្សឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 21/10/2024
ឱកាសសិក្សាអាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រចំនួន៤៥កន្លែងនៅសាកលវិទ្យាល័យធនធានមនុស្ស ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ។ អាហារូបករណ៍ផ្ដល់ជូនជាការគាំទ្រពី ឯកឧត្ដមអភិសន្តិបណ្ឌិត ស សុខា ...
អាហារូបករណ៍ China University of Petroleum ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 02/12/2025
ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅ China University of Petroleum សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ China Scholarship Council (CSC)។
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Zhejiang Normal ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 13/01/2025
សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Zhijiang សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាលើជំនាញ...
ឱកាសសិក្សាវគ្គបំប៉នតាម Online សម្រាប់សិស្សថ្នាក់ទី១២ ដែលជាកូនវីរៈកងទ័ពជួរមុខ
ព័ត៌មានអាហារូបករណ៍, ព្រឹត្តិការណ៍
• 01/09/2025
ដើម្បីរួមចំណែកជាមួយរដ្ឋាភិបាលកម្ពុជាក្នុងការអភិវឌ្ឍធនធានមនុស្ស និងដើម្បីជួយសម្រាលបន្ទុកហិរញ្ញវត្ថុក្នុងគ្រួសារវីរៈកងទ័ពជួរមុខ សាលាបង្វឹកស្តាតអាប់ខមមីញ៉ូនីធី ប្រកាសផ្ដល់អាហារូបករណ៍១០០% ចំពោះកូនៗវីរៈកងទ័ពជួរមុខ សម្រាប់ការសិក្សាវគ្គបំប៉នតាម Online
ឱកាសសិក្សាវគ្គកុំព្យូទ័ររដ្ឋបាលឥតគិតថ្លៃពីមជ្ឈមណ្ឌលជាតិយុវជនកម្ពុជាចំនួន៥០កន្លែង
ព័ត៌មានអាហារូបករណ៍, ព្រឹត្តិការណ៍
• 09/08/2023
ឱកាសសិក្សាវគ្គកុំព្យូទ័ររដ្ឋបាលសម្រាប់សិស្ស-និស្សិតក្នុងខេត្តសៀមរាបចំនួន៥០កន្លែងពីមជ្ឈមណ្ឌលជាតិយុវជនកម្ពុជា ។ ជំនាញសិក្សាដែលអាហារូបករណ៍ផ្ដល់ជូនមាន កម្មវិធី...
វគ្គសិក្សា Online ឥតគិតថ្លៃចំនួន ៦ ពីសាកលវិទ្យាល័យ Harvard សម្រាប់ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 04/03/2025
សាកលវិទ្យាល័យ Harvard បានផ្ដល់ការសិក្សាវគ្គខ្លីតាមរយៈ Online ក្រោមកម្មវិធី Harvard Online ដើម្បីផ្ដល់ឱកាសសិក្សាដោយឥតគិតថ្លៃសម្រាប់និស្សិត និងអ្នកដែលចង់សិក្សាវគ្គខ្លីមកពីទូទាំងពិភពលោក។
សាកលវិទ្យាល័យខេមតិចផ្ដល់អាហារូបករណ៍ ១០០% និង៧៥% សម្រាប់និស្សិតស្រ្តី និងនិស្សិតមកពីខេត្តដាច់ស្រយាល
ព័ត៌មានអាហារូបករណ៍, ព្រឹត្តិការណ៍
• 10/01/2023
សាកលវិទ្យាល័យខេមតិចកំពុងបើកផ្ដល់អាហារូបករណ៍ថ្នាក់បរិញ្ញាបត្រ និងសញ្ញាបត្រជាន់ខ្ពស់ចំនួន១០០កន្លែងសម្រាប់និស្សិតស្រ្តី និងនិស្សិតមកពីបណ្ដាខេត្តដាច់ស្រយាល ...
កម្មវិធីពិសេសរបស់ AMS EDUCATION
ព័ត៌មានសង្ខេប
