ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងការបរទេសសហរដ្ឋអាមេរិក បានប្រកាសបើកទទួលពាក្យជាផ្លូវការសម្រាប់កម្មវិធី TechGirls 2026 ដែលជាកម្មវិធីផ្លាស់ប្តូរការសិក្សារដូវក្តៅដ៏ល្បីល្បាញ ក្នុងគោលបំណងលើកកម្ពស់យុវតីក្នុងវិស័យវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM)។
តើអ្វីទៅជាកម្មវិធី TechGirls?
TechGirls គឺជាកម្មវិធីអប់រំ និងការផ្លាស់ប្តូរវប្បធម៌ដែលនាំយកយុវតីដែលមានសមត្ថភាព និងចំណង់ចំណូលចិត្តលើផ្នែកបច្ចេកវិទ្យាពីជុំវិញពិភពលោក ទៅកាន់សហរដ្ឋអាមេរិក។ កម្មវិធីនេះត្រូវបានរៀបចំឡើងដើម្បីបំប៉នជំនាញ បង្កើនទំនុកចិត្ត និងពង្រីកបណ្ដាញទំនាក់ទំនងដល់អ្នកដឹកនាំស្រ្តីជំនាន់ក្រោយ។
អត្ថប្រយោជន៍នៃការចូលរួម ៖
-សិក្សានៅសហរដ្ឋអាមេរិក ៖ ធ្វើដំណើរទៅកាន់សហរដ្ឋអាមេរិក ដើម្បីសិក្សានៅសាកលវិទ្យាល័យដៃគូឈានមុខ។
-បណ្តុះបណ្តាលជំនាញ STEM ៖ ចូលរួមក្នុងសិក្ខាសាលាអនុវត្តផ្ទាល់ (Hands-on) ជាមួយអ្នកជំនាញ។
-អភិវឌ្ឍភាពជាអ្នកដឹកនាំ ៖ រៀនសូត្រពីរបៀបដឹកនាំគម្រោង និងការធ្វើការងារជាក្រុមក្នុងបរិបទអន្តរជាតិ។
-ផ្លាស់ប្តូរវប្បធម៌ ៖ បង្កើតមិត្តភាពជាមួយយុវតីមកពីបណ្តាប្រទេសផ្សេងៗ និងស្វែងយល់ពីវប្បធម៌អាមេរិក។
-អនុវត្តគម្រោងក្នុងសហគមន៍ ៖ បន្ទាប់ពីត្រឡប់មកវិញ សិក្ខាកាមនឹងដឹកនាំគម្រោង STEM ដើម្បីបង្កើតការផ្លាស់ប្តូរវិជ្ជមានក្នុងប្រទេសរបស់ខ្លួន។
លក្ខខណ្ឌនៃការជ្រើសរើស ៖ មានអាយុចាប់ពី ១៥ ដល់ ១៧ ឆ្នាំ, មានការតាំងចិត្តខ្ពស់ និងស្រឡាញ់វិស័យ STEM (វិទ្យាសាស្ត្រ បច្ចេកវិទ្យា វិស្វកម្ម គណិតវិទ្យា), ចង់ក្លាយជាអ្នកដឹកនាំ និងបង្កើតគម្រោងជួយដល់សហគមន៍។
សម្រាប់ព័ត៌មានបន្ថែម និងការដាក់ពាក្យ សូមចូលទៅកាន់គេហទំព័រ techgirlsglobal.org
កាលបរិច្ឆេទឈប់ទទួលពាក្យ ៖ ថ្ងៃទី ២០ ខែ មករា ឆ្នាំ ២០២៦ ៕
