ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ការអប់រំកុមារឱ្យទទួលបានការអប់រំប្រកបដោយភាពរីករាយ ដោយពួកគេចង់ទៅរៀន មានសកម្មភាពទាំងនៅក្នុងថ្នាក់ និងជាមួយមិត្តភក្តិ គឺចាំបាច់ទាមទារឱ្យមានការចូលរួមពីអ្នកពាក់ព័ន្ធ រួមមាន ឪពុកម្ដាយ គ្រូបង្រៀន និងមនុស្សនៅក្នុងសង្គម។ នេះបើតាមការបញ្ជាក់របស់ លោកបណ្ឌិត ឃ្លាំង សុវណ្ណ ទីប្រឹក្សាអប់រំ នៃសាលារៀនបញ្ញាវន្តអង្គរ។
តាមការលើកឡើងរបស់លោកបណ្ឌិត ឃ្លាំង សុវណ្ណ លក្ខណៈសម្បត្តិរបស់គ្រូបង្រៀន ដែលបង្រៀនកុមារឱ្យទទួលបានការអប់រំដោយភាពរីករាយ ទី១.មានភាពអត់ធ្មត់ខ្ពស់ មានឥរិយាបទស្លូតបូត មានគរុកោសល្យ មានក្រមសីលធម៌វិជ្ជាជីវៈ មានក្ដីស្រឡាញ់ និងយកចិត្តទុកដាក់ចំពោះសិស្ស។ ទី២ នៅពេលលេងល្បែងសិក្សា គ្រូបង្រៀនត្រូវដឹងពីវិធីសាស្រ្តជួយក្មេងចូលរួមក្នុងល្បែងសិក្សាឱ្យបានគ្រប់គ្នា ហើយប្រសិនមានករណីសិស្សមួយចំនួនមិនបានចូលរៀន គ្រូបង្រៀនត្រូវចំណាយពេលហ្វឹកហាត់សិស្ស។
ទី៣.គ្រូបង្រៀនត្រូវមានទំនាក់ទំនងជាមួយឪពុកម្ដាយសិស្សជាប្រចាំ ដើម្បីផ្ដល់ព័ត៌មានសិស្សទៅកាន់អាណាព្យាបាលឱ្យបានទាន់ពេលវេលា។ ម៉្យាងវិញទៀត គ្រូបង្រៀនក៏ត្រូវទទួលបានការបណ្ដុះបណ្ដាលជាប្រចាំ ដើម្បីឱ្យមានវិធីសាស្រ្តបង្រៀនថ្មីបន្ថែមទៀត។
លោកបណ្ឌិត ឃ្លាំង សុវណ្ណ
“ការអប់រំក្មេងត្រូវប្រើក្ដីស្រឡាញ់ ព្រោះមានតែការស្រឡាញ់យកចិត្តទុកដាក់ទេ ទើបធ្វើឱ្យក្មេងធំឡើងមានសន្តិភាពក្នុងចិត្ត និងគំនិត ថែមទាំងឆ្លាតទៀតផង ដោយសារពួកគាត់ទទួលបានការអប់រំតាមបែបវិជ្ជមាន”
លោកបណ្ឌិត ឃ្លាំង សុវណ្ណ បន្ថែមទៀតថា ការបង្កើតបរិយាកាសសប្បាយរីករាយនៅក្នុងថ្នាក់ តាមរយៈការលេងល្បែងសិក្សា អាចរួមចំណែកជួយឱ្យកុមារមានការអភិវឌ្ឍខួរក្បាលបានល្អ។ លោកបណ្ឌិត បន្តថា គ្រូបង្រៀនក៏ត្រូវចេះមើលចិត្តសាស្រ្តរបស់សិស្ស បន្ទាប់មកផ្ដល់សកម្មភាពល្បែងសិក្សាដែលល្អសម្រាប់សិស្ស ក្នុងនោះឪពុកម្ដាយក៏ត្រូវអនុវត្តគោលការមួយចំនួនដែលសាលាផ្ដល់ឱ្យសម្រាប់អប់រំកូននៅផ្ទះផងដែរ។
តាមការបញ្ជាក់របស់ លោកបណ្ឌិត ឃ្លាំង សុវណ្ណ សកម្មភាពលេងល្បែងកម្សាន្ត ឬសម្ភារៈផ្សេងៗវាអាចរំញោចដល់ខួរក្បាល នាំឱ្យខួរក្បាលកុមារអភិវឌ្ឍល្អ ហើយទទួលបានអារម្មណ៍រីករាយ ព្រោះការលេងកម្សាន្តសំខាន់សម្រាប់ក្មេង កាលណាពួកគេចូលមត្តេយ្យសិក្សាកម្រិតខ្ពស់ ឬចូលដល់ថ្នាក់បឋមសិក្សាពួកគេនឹងផ្តោតទៅលើការរៀនសូត្រវិញ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ជំនាញសំណង់ស៊ីវិល តាមរយៈកម្មវិធីអាហារូបករណ៍ផ្លូវមួយខ្សែក្រវ៉ាត់មួយ
ព័ត៌មានអាហារូបករណ៍, ព្រឹត្តិការណ៍
• 22/01/2025
តាមរយៈកិច្ចសហការរវាងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន និងសាកលវិទ្យាល័យមួយចំនួននៅរដ្ឋធានីប៉េកាំង សាធារណរដ្ឋប្រជាមានិតចិន បានសម្រេចផ្តល់អាហារូបករណ៍ផ្លូវមួយខ្សែក្រវ៉ាត់មួយ សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...
ឱកាសអាហារូបករណ៍សិក្សាឥតគិតថ្លៃនៅអាល្លឺម៉ង់ ពីកម្មវិធី DAAD MIDE 2026
ព័ត៌មានអាហារូបករណ៍, ព្រឹត្តិការណ៍
• 19/06/2025
កម្មវិធីអាហារូបករណ៍ DAAD MIDE 2026 បានប្រកាសផ្តល់អាហារូបករណ៍សម្រាប់និស្សិតអន្តរជាតិពីប្រទេសកំពុងអភិវឌ្ឍ ដើម្បីទៅសិក្សាថ្នាក់បរិញ្ញាបត្រជាន់ខ្ពស់សេដ្ឋកិច្ចអន្តរជាតិ និងការអភិវឌ្ឍ (Master)
ឱកាសសិក្សាអាហារូបករណ៍៧៥% នៅសាកលវិទ្យាល័យអន្តរជាតិអាល្លឺម៉ង់ ប្រទេសអាល្លឺម៉ង់ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 29/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៅសាកលវិទ្យាល័យអន្តរជាតិនៅប្រទេសអាល្លឺម៉ង់នៃប្រទេសអាល្លឺម៉ង់ឆ្នាំសិក្សា២០២៤ ។ ......
អាហារូបករណ៍សិក្សាជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ ពីមជ្ឈមណ្ឌលបុប្ផាណា
ព័ត៌មានអាហារូបករណ៍, ព្រឹត្តិការណ៍
• 28/05/2025
មជ្ឈមណ្ឌលធនធានសោតទស្សន៍បុប្ផាណា ប្រកាសជ្រើសរើសសិស្សដែលចង់សិក្សាជំនាញផលិតភាពយន្ត និងពហុប្រព័ន្ធផ្សព្វផ្សាយ ក្នុងវគ្គបណ្ដុះបណ្ដាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយក្រោមការឧបត្ថម្ភពីមូនិធិហេនរីលូស៍...
សាកលវិទ្យាល័យខេមតិចផ្ដល់អាហារូបករណ៍ ១០០% និង៧៥% សម្រាប់និស្សិតស្រ្តី និងនិស្សិតមកពីខេត្តដាច់ស្រយាល
ព័ត៌មានអាហារូបករណ៍, ព្រឹត្តិការណ៍
• 10/01/2023
សាកលវិទ្យាល័យខេមតិចកំពុងបើកផ្ដល់អាហារូបករណ៍ថ្នាក់បរិញ្ញាបត្រ និងសញ្ញាបត្រជាន់ខ្ពស់ចំនួន១០០កន្លែងសម្រាប់និស្សិតស្រ្តី និងនិស្សិតមកពីបណ្ដាខេត្តដាច់ស្រយាល ...
វិទ្យាស្ថានបច្ចេកវិទ្យាកម្ពុជាប្រកាសជ្រើសរើសនិស្សិតសិក្សាអាហារូបករណ៍១០០%ចំនួន៨០កន្លែង សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 17/11/2023
វិទ្យាស្ថានបច្ចេកវិទ្យាកម្ពុជា(រាជធានីភ្នំពេញ)ប្រកាសជ្រើសរើសនិស្សិតចូលថ្នាក់ឆ្នាំសិក្សាមូលដ្ឋានកម្រិតវិស្វករចំនួន១៣០០កន្លែងក្នុងនោះក៏មានផ្ដល់....
ឱកាសចូលរួមវគ្គសិក្សាជាស៊េរី “មេរៀនអតីតកាល មាគ៌ាឆ្ពោះទៅអនាគត” ពី អ.វ.ត.ក.
ព័ត៌មានអាហារូបករណ៍, ព្រឹត្តិការណ៍
• 08/12/2025
ជាឱកាសសម្រាប់គ្រូបង្រៀន សាស្រ្តាចារ្យបង្រៀនលើមុខវិជ្ជាមនុស្សសាស្រ្ត ព្រមទាំងអ្នកដឹកនាំជំនាន់ក្រោយទាំងអស់! ពេលនេះ អង្គជំនុំជម្រះវិសាមញ្ញ ក្នុងតុលាការកម្ពុជា (អ.វ.ត.ក.) ប្រកាសបើកដាក់ពាក្យ សម្រាប់ការចូលរួមវគ្គសិក្សា...
ACE ផ្តល់អាហារូបករណ៍ដល់សិស្សនិស្សិតចំនួន ៣១កន្លែង
ព័ត៌មានអាហារូបករណ៍, ព្រឹត្តិការណ៍
• 25/08/2023
មជ្ឈមណ្ឌលអូស្រ្តាលីសម្រាប់ការបណ្តុះបណ្តាល ប្រកាសផ្តល់អាហារូបករណ៍ដល់សិស្សនិស្សិតចំនួន៣១កន្លែង ដោយម្នាក់ៗនឹងទទួលបានអាហារូបករណ៍រយៈពេល១ឆ្នាំ។
អាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច
ព័ត៌មានអាហារូបករណ៍, ព្រឹត្តិការណ៍
• 26/09/2025
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ សម្រាប់ឆ្នាំសិក្សា២០២៥-២០២៦
កម្មវិធីពិសេសរបស់ AMS EDUCATION
ព័ត៌មានសង្ខេប
